ישעיה 42:1 - Masoretic Text 1524

¹ הן עבדי אתמך בו בחירי רצתה נפשׁי נתתי רוחי עליו משׁפט לגוים יוציא׃

תנ"ך וברית חדשה בתרגום מודני

¹ הֵ֤ן עַבְדִּי֙ אֶתְמָךְ־בּ֔וֹ בְּחִירִ֖י רָצְתָ֣ה נַפְשִׁ֑י נָתַ֤תִּי רוּחִי֙ עָלָ֔יו מִשְׁפָּ֖ט לַגּוֹיִ֥ם יוֹצִֽיא׃

Westminster Leningrad Codex

¹ הֵ֤ן עַבְדִּי֙ אֶתְמָךְ־בּ֔וֹ בְּחִירִ֖י רָצְתָ֣ה נַפְשִׁ֑י נָתַ֤תִּי רוּחִי֙ עָלָ֔יו מִשְׁפָּ֖ט לַגּוֹיִ֥ם יוֹצִֽיא׃

תנ"ך וברית חדשה בתרגום דליטש

¹ הֵ֤ן עַבְדִּי֙ אֶתְמָךְ־בּ֔וֹ בְּחִירִ֖י רָצְתָ֣ה נַפְשִׁ֑י נָתַ֤תִּי רוּחִי֙ עָלָ֔יו מִשְׁפָּ֖ט לַגּוֹיִ֥ם יוֹצִֽיא׃

ישעיה 42:1 הפניות הצלבה

בראשית 49:10

לא יסור שׁבט מיהודה ומחקק מבין רגליו עד כי יבא שׁילה ולו יקהת עמים׃

תהלים 72:4

ישׁפט עניי עם יושׁיע לבני אביון וידכא עושׁק׃

תהלים 89:4

(89:5) עד עולם אכין זרעך ובניתי לדר ודור כסאך סלה׃

ישעיה 2:4

ושׁפט בין הגוים והוכיח לעמים רבים וכתתו חרבותם לאתים וחניתותיהם למזמרות לא ישׂא גוי אל גוי חרב ולא ילמדו עוד מלחמה׃

ישעיה 32:16

ושׁכן במדבר משׁפט וצדקה בכרמל תשׁב׃

ישעיה 41:8

ואתה ישׂראל עבדי יעקב אשׁר בחרתיך זרע אברהם אהבי׃

ישעיה 41:9

אשׁר החזקתיך מקצות הארץ ומאציליה קראתיך ואמר לך עבדי אתה בחרתיך ולא מאסתיך׃

ישעיה 42:2

לא יצעק ולא ישׂא ולא ישׁמיע בחוץ קולו׃

ישעיה 43:10

אתם עדי נאם יהוה ועבדי אשׁר בחרתי למען תדעו ותאמינו לי ותבינו כי אני הוא לפני לא נוצר אל ואחרי לא יהיה׃

ישעיה 50:10

מי בכם ירא יהוה שׁמע בקול עבדו אשׁר הלך חשׁכים ואין נגה לו יבטח בשׁם יהוה וישׁען באלהיו׃

ישעיה 52:13

הנה ישׂכיל עבדי ירום ונשׂא וגבה מאד׃

ישעיה 53:11

מעמל נפשׁו יראה ישׂבע בדעתו יצדיק צדיק עבדי לרבים ועונתם הוא יסבל׃

ישעיה 59:21

ואני זאת בריתי אותם אמר יהוה רוחי אשׁר עליך ודברי אשׁר שׂמתי בפיך לא ימושׁו מפיך ומפי זרעך ומפי זרע זרעך אמר יהוה מעתה ועד עולם׃

ישעיה 61:1

רוח אדני יהוה עלי יען משׁח יהוה אתי לבשׂר ענוים שׁלחני לחבשׁ לנשׁברי לב לקרא לשׁבוים דרור ולאסורים פקח קוח׃

ישעיה 63:1

מי זה בא מאדום חמוץ בגדים מבצרה זה הדור בלבושׁו צעה ברב כחו אני מדבר בצדקה רב להושׁיע׃

חגי 2:23

ביום ההוא נאם יהוה צבאות אקחך זרבבל בן שׁאלתיאל עבדי נאם יהוה ושׂמתיך כחותם כי בך בחרתי נאם יהוה צבאות׃

זכריה 3:8

שׁמע נא יהושׁע הכהן הגדול אתה ורעיך הישׁבים לפניך כי אנשׁי מופת המה כי הנני מביא את עבדי צמח׃

מלאכי 1:11

כי ממזרח שׁמשׁ ועד מבואו גדול שׁמי בגוים ובכל מקום מקטר מגשׁ לשׁמי ומנחה טהורה כי גדול שׁמי בגוים אמר יהוה צבאות׃