ישעיה 22:13 - Masoretic Text 1524

¹³ והנה שׂשׂון ושׂמחה הרג בקר ושׁחט צאן אכל בשׂר ושׁתות יין אכול ושׁתו כי מחר נמות׃

תנ"ך וברית חדשה בתרגום מודני

¹³ וְהִנֵּ֣ה ׀ שָׂשׂ֣וֹן וְשִׂמְחָ֗ה הָרֹ֤ג ׀ בָּקָר֙ וְשָׁחֹ֣ט צֹ֔אן אָכֹ֥ל בָּשָׂ֖ר וְשָׁת֣וֹת יָ֑יִן אָכ֣וֹל וְשָׁת֔וֹ כִּ֥י מָחָ֖ר נָמֽוּת׃

Westminster Leningrad Codex

¹³ וְהִנֵּ֣ה ׀ שָׂשׂ֣וֹן וְשִׂמְחָ֗ה הָרֹ֤ג ׀ בָּקָר֙ וְשָׁחֹ֣ט צֹ֔אן אָכֹ֥ל בָּשָׂ֖ר וְשָׁת֣וֹת יָ֑יִן אָכ֣וֹל וְשָׁת֔וֹ כִּ֥י מָחָ֖ר נָמֽוּת׃

תנ"ך וברית חדשה בתרגום דליטש

¹³ וְהִנֵּ֣ה ׀ שָׂשׂ֣וֹן וְשִׂמְחָ֗ה הָרֹ֤ג ׀ בָּקָר֙ וְשָׁחֹ֣ט צֹ֔אן אָכֹ֥ל בָּשָׂ֖ר וְשָׁת֣וֹת יָ֑יִן אָכ֣וֹל וְשָׁת֔וֹ כִּ֥י מָחָ֖ר נָמֽוּת׃

ישעיה 22:13 הפניות הצלבה

ישעיה 26:10

יחן רשׁע בל למד צדק בארץ נכחות יעול ובל יראה גאות יהוה׃

ישעיה 29:1

הוי אריאל אריאל קרית חנה דוד ספו שׁנה על שׁנה חגים ינקפו׃

ישעיה 47:8

ועתה שׁמעי זאת עדינה היושׁבת לבטח האמרה בלבבה אני ואפסי עוד לא אשׁב אלמנה ולא אדע שׁכול׃

ישעיה 5:11

הוי משׁכימי בבקר שׁכר ירדפו מאחרי בנשׁף יין ידליקם׃

ישעיה 5:12

והיה כנור ונבל תף וחליל ויין משׁתיהם ואת פעל יהוה לא יביטו ומעשׂה ידיו לא ראו׃

ישעיה 5:22

הוי גבורים לשׁתות יין ואנשׁי חיל למסך שׁכר׃

ישעיה 56:12

אתיו אקחה יין ונסבאה שׁכר והיה כזה יום מחר גדול יתר מאד׃

ישעיה 58:3

למה צמנו ולא ראית ענינו נפשׁנו ולא תדע הן ביום צמכם תמצאו חפץ וכל עצביכם תנגשׂו׃

יחזקאל 16:49

הנה זה היה עון סדם אחותך גאון שׂבעת לחם ושׁלות השׁקט היה לה ולבנותיה ויד עני ואביון לא החזיקה׃

הושע 9:1

אל תשׂמח ישׂראל אל גיל כעמים כי זנית מעל אלהיך אהבת אתנן על כל גרנות דגן׃