ישעיה 11:4 - Masoretic Text 1524

⁴ ושׁפט בצדק דלים והוכיח במישׁור לענוי ארץ והכה ארץ בשׁבט פיו וברוח שׂפתיו ימית רשׁע׃

תנ"ך וברית חדשה בתרגום מודני

⁴ וְשָׁפַ֤ט בְּצֶ֨דֶק֙ דַּלִּ֔ים וְהוֹכִ֥יחַ בְּמִישׁ֖וֹר לְעַנְוֵי־אָ֑רֶץ וְהִֽכָּה־אֶ֨רֶץ֙ בְּשֵׁ֣בֶט פִּ֔יו וּבְר֥וּחַ שְׂפָתָ֖יו יָמִ֥ית רָשָֽׁע׃

Westminster Leningrad Codex

⁴ וְשָׁפַ֤ט בְּצֶ֨דֶק֙ דַּלִּ֔ים וְהוֹכִ֥יחַ בְּמִישׁ֖וֹר לְעַנְוֵי־אָ֑רֶץ וְהִֽכָּה־אֶ֨רֶץ֙ בְּשֵׁ֣בֶט פִּ֔יו וּבְר֥וּחַ שְׂפָתָ֖יו יָמִ֥ית רָשָֽׁע׃

תנ"ך וברית חדשה בתרגום דליטש

⁴ וְשָׁפַ֤ט בְּצֶ֨דֶק֙ דַּלִּ֔ים וְהוֹכִ֥יחַ בְּמִישׁ֖וֹר לְעַנְוֵי־אָ֑רֶץ וְהִֽכָּה־אֶ֨רֶץ֙ בְּשֵׁ֣בֶט פִּ֔יו וּבְר֥וּחַ שְׂפָתָ֖יו יָמִ֥ית רָשָֽׁע׃

ישעיה 11:4 הפניות הצלבה

שמואל ב 8:15

וימלך דוד על כל ישׂראל ויהי דוד עשׂה משׁפט וצדקה לכל עמו׃

איוב 15:30

לא יסור מני חשׁך ינקתו תיבשׁ שׁלהבת ויסור ברוח פיו׃

איוב 4:9

מנשׁמת אלוה יאבדו ומרוח אפו יכלו׃

תהלים 110:2

מטה עזך ישׁלח יהוה מציון רדה בקרב איביך׃

תהלים 18:8

(18:9) עלה עשׁן באפו ואשׁ מפיו תאכל גחלים בערו ממנו׃

תהלים 2:9

תרעם בשׁבט ברזל ככלי יוצר תנפצם׃

תהלים 76:10

(76:11) כי חמת אדם תודך שׁארית חמת תחגר׃

ישעיה 1:17

למדו היטב דרשׁו משׁפט אשׁרו חמוץ שׁפטו יתום ריבו אלמנה׃

ישעיה 13:11

ופקדתי על תבל רעה ועל רשׁעים עונם והשׁבתי גאון זדים וגאות עריצים אשׁפיל׃

ישעיה 14:30

ורעו בכורי דלים ואביונים לבטח ירבצו והמתי ברעב שׁרשׁך ושׁאריתך יהרג׃

ישעיה 16:5

והוכן בחסד כסא וישׁב עליו באמת באהל דוד שׁפט ודרשׁ משׁפט ומהר צדק׃

ישעיה 2:4

ושׁפט בין הגוים והוכיח לעמים רבים וכתתו חרבותם לאתים וחניתותיהם למזמרות לא ישׂא גוי אל גוי חרב ולא ילמדו עוד מלחמה׃

ישעיה 26:6

תרמסנה רגל רגלי עני פעמי דלים׃

ישעיה 29:19

ויספו ענוים ביהוה שׂמחה ואביוני אדם בקדושׁ ישׂראל יגילו׃

ישעיה 3:14

יהוה במשׁפט יבוא עם זקני עמו ושׂריו ואתם בערתם הכרם גזלת העני בבתיכם׃

ישעיה 30:28

ורוחו כנחל שׁוטף עד צואר יחצה להנפה גוים בנפת שׁוא ורסן מתעה על לחיי עמים׃

ישעיה 30:31

כי מקול יהוה יחת אשׁור בשׁבט יכה׃

ישעיה 30:33

כי ערוך מאתמול תפתה גם הוא למלך הוכן העמיק הרחב מדרתה אשׁ ועצים הרבה נשׁמת יהוה כנחל גפרית בערה׃

ישעיה 32:1

הן לצדק ימלך מלך ולשׂרים למשׁפט ישׂרו׃

ישעיה 32:7

וכלי כליו רעים הוא זמות יעץ לחבל ענוים באמרי שׁקר ובדבר אביון משׁפט׃

ישעיה 33:22

כי יהוה שׁפטנו יהוה מחקקנו יהוה מלכנו הוא יושׁיענו׃

ישעיה 40:7

יבשׁ חציר נבל ציץ כי רוח יהוה נשׁבה בו אכן חציר העם׃

ישעיה 49:2

וישׂם פי כחרב חדה בצל ידו החביאני וישׂימני לחץ ברור באשׁפתו הסתירני׃

ישעיה 61:1

רוח אדני יהוה עלי יען משׁח יהוה אתי לבשׂר ענוים שׁלחני לחבשׁ לנשׁברי לב לקרא לשׁבוים דרור ולאסורים פקח קוח׃

ישעיה 9:7

(9:6) לםרבה המשׂרה ולשׁלום אין קץ על כסא דוד ועל ממלכתו להכין אתה ולסעדה במשׁפט ובצדקה מעתה ועד עולם קנאת יהוה צבאות תעשׂה זאת׃

ירמיה 33:15

בימים ההם ובעת ההיא אצמיח לדוד צמח צדקה ועשׂה משׁפט וצדקה בארץ׃

ירמיה 5:28

שׁמנו עשׁתו גם עברו דברי רע דין לא דנו דין יתום ויצליחו ומשׁפט אביונים לא שׁפטו׃

הושע 6:5

על כן חצבתי בנביאים הרגתים באמרי פי ומשׁפטיך אור יצא׃

צפניה 2:3

בקשׁו את יהוה כל ענוי הארץ אשׁר משׁפטו פעלו בקשׁו צדק בקשׁו ענוה אולי תסתרו ביום אף יהוה׃

מלאכי 4:6

(3:24) והשׁיב לב אבות על בנים ולב בנים על אבותם פן אבוא והכיתי את הארץ חרם׃