ישעיה 1:19 - Masoretic Text 1524

¹⁹ אם תאבו ושׁמעתם טוב הארץ תאכלו׃

תנ"ך וברית חדשה בתרגום מודני

¹⁹ אִם־תֹּאב֖וּ וּשְׁמַעְתֶּ֑ם ט֥וּב הָאָ֖רֶץ תֹּאכֵֽלוּ׃

Westminster Leningrad Codex

¹⁹ אִם־תֹּאב֖וּ וּשְׁמַעְתֶּ֑ם ט֥וּב הָאָ֖רֶץ תֹּאכֵֽלוּ׃

תנ"ך וברית חדשה בתרגום דליטש

¹⁹ אִם־תֹּאב֖וּ וּשְׁמַעְתֶּ֑ם ט֥וּב הָאָ֖רֶץ תֹּאכֵֽלוּ׃

ישעיה 1:19 הפניות הצלבה

ישעיה 25:6

ועשׂה יהוה צבאות לכל העמים בהר הזה משׁתה שׁמנים משׁתה שׁמרים שׁמנים ממחים שׁמרים מזקקים׃

ישעיה 3:10

אמרו צדיק כי טוב כי פרי מעלליהם יאכלו׃

ישעיה 58:14

אז תתענג על יהוה והרכבתיך על במותי ארץ והאכלתיך נחלת יעקב אביך כי פי יהוה דבר׃

ישעיה 65:13

לכן כה אמר אדני יהוה הנה עבדי יאכלו ואתם תרעבו הנה עבדי ישׁתו ואתם תצמאו הנה עבדי ישׂמחו ואתם תבשׁו׃

ירמיה 21:8

ואל העם הזה תאמר כה אמר יהוה הנני נתן לפניכם את דרך החיים ואת דרך המות׃

ירמיה 7:3

כה אמר יהוה צבאות אלהי ישׂראל היטיבו דרכיכם ומעלליכם ואשׁכנה אתכם במקום הזה׃

ירמיה 7:5

כי אם היטיב תיטיבו את דרכיכם ואת מעלליכם אם עשׂו תעשׂו משׁפט בין אישׁ ובין רעהו׃

ירמיה 7:7

ושׁכנתי אתכם במקום הזה בארץ אשׁר נתתי לאבותיכם למן עולם ועד עולם׃

יואל 2:26

ואכלתם אכול ושׂבוע והללתם את שׁם יהוה אלהיכם אשׁר עשׂה עמכם להפליא ולא יבשׁו עמי לעולם׃

ויקרא 25:19

ונתנה הארץ פריה ואכלתם לשׂבע וישׁבתם לבטח עליה׃

ויקרא 26:3

אם בחקתי תלכו ואת מצותי תשׁמרו ועשׂיתם אתם׃

ויקרא 26:5

והשׂיג לכם דישׁ את בציר ובציר ישׂיג את זרע ואכלתם לחמכם לשׂבע וישׁבתם לבטח בארצכם׃

חגי 1:12

וישׁמע זרבבל בן שׁלתיאל ויהושׁע בן יהוצדק הכהן הגדול וכל שׁארית העם בקול יהוה אלהיהם ועל דברי חגי הנביא כאשׁר שׁלחו יהוה אלהיהם וייראו העם מפני יהוה׃

דברים 28:1

והיה אם שׁמוע תשׁמע בקול יהוה אלהיך לשׁמר לעשׂות את כל מצותיו אשׁר אנכי מצוך היום ונתנך יהוה אלהיך עליון על כל גויי הארץ׃