ירמיה 8:5 - Masoretic Text 1524

⁵ מדוע שׁובבה העם הזה ירושׁלם משׁבה נצחת החזיקו בתרמית מאנו לשׁוב׃

תנ"ך וברית חדשה בתרגום מודני

⁵ מַדּ֨וּעַ שׁוֹבְבָ֜ה הָעָ֥ם הַזֶּ֛ה יְרוּשָׁלִַ֖ם מְשֻׁבָ֣ה נִצַּ֑חַת הֶחֱזִ֨יקוּ֙ בַּתַּרְמִ֔ית מֵאֲנ֖וּ לָשֽׁוּב׃

Westminster Leningrad Codex

⁵ מַדּ֨וּעַ שׁוֹבְבָ֜ה הָעָ֥ם הַזֶּ֛ה יְרוּשָׁלִַ֖ם מְשֻׁבָ֣ה נִצַּ֑חַת הֶחֱזִ֨יקוּ֙ בַּתַּרְמִ֔ית מֵאֲנ֖וּ לָשֽׁוּב׃

תנ"ך וברית חדשה בתרגום דליטש

⁵ מַדּ֨וּעַ שׁוֹבְבָ֜ה הָעָ֥ם הַזֶּ֛ה יְרוּשָׁלִַ֖ם מְשֻׁבָ֣ה נִצַּ֑חַת הֶחֱזִ֨יקוּ֙ בַּתַּרְמִ֔ית מֵאֲנ֖וּ לָשֽׁוּב׃

ירמיה 8:5 הפניות הצלבה

משלי 4:13

החזק במוסר אל תרף נצרה כי היא חייך׃

ישעיה 1:20

ואם תמאנו ומריתם חרב תאכלו כי פי יהוה דבר׃

ישעיה 30:10

אשׁר אמרו לראים לא תראו ולחזים לא תחזו לנו נכחות דברו לנו חלקות חזו מהתלות׃

ישעיה 44:20

רעה אפר לב הותל הטהו ולא יציל את נפשׁו ולא יאמר הלוא שׁקר בימיני׃

ירמיה 14:7

אם עונינו ענו בנו יהוה עשׂה למען שׁמך כי רבו משׁובתינו לך חטאנו׃

ירמיה 2:32

התשׁכח בתולה עדיה כלה קשׁריה ועמי שׁכחוני ימים אין מספר׃

ירמיה 3:5

הינטר לעולם אם ישׁמר לנצח הנה דברתי ותעשׂי הרעות ותוכל׃

ירמיה 5:27

ככלוב מלא עוף כן בתיהם מלאים מרמה על כן גדלו ויעשׁירו׃

ירמיה 5:3

יהוה עיניך הלוא לאמונה הכיתה אתם ולא חלו כליתם מאנו קחת מוסר חזקו פניהם מסלע מאנו לשׁוב׃

ירמיה 5:6

על כן הכם אריה מיער זאב ערבות ישׁדדם נמר שׁקד על עריהם כל היוצא מהנה יטרף כי רבו פשׁעיהם עצמו משׁבותיהם׃

ירמיה 6:17

והקמתי עליכם צפים הקשׁיבו לקול שׁופר ויאמרו לא נקשׁיב׃

ירמיה 6:19

שׁמעי הארץ הנה אנכי מביא רעה אל העם הזה פרי מחשׁבותם כי על דברי לא הקשׁיבו ותורתי וימאסו׃

ירמיה 9:6

(9:5) שׁבתך בתוך מרמה במרמה מאנו דעת אותי נאם יהוה׃

דניאל 9:11

וכל ישׂראל עברו את תורתך וסור לבלתי שׁמוע בקלך ותתך עלינו האלה והשׁבעה אשׁר כתובה בתורת משׁה עבד האלהים כי חטאנו׃

הושע 11:5

לא ישׁוב אל ארץ מצרים ואשׁור הוא מלכו כי מאנו לשׁוב׃

הושע 11:7

ועמי תלואים למשׁובתי ואל על יקראהו יחד לא ירומם׃

הושע 13:2

ועתה יוספו לחטא ויעשׂו להם מסכה מכספם כתבונם עצבים מעשׂה חרשׁים כלה להם הם אמרים זבחי אדם עגלים ישׁקון׃

הושע 4:16

כי כפרה סררה סרר ישׂראל עתה ירעם יהוה ככבשׂ במרחב׃

זכריה 7:11

וימאנו להקשׁיב ויתנו כתף סררת ואזניהם הכבידו משׁמוע׃