ירמיה 4:24 - Masoretic Text 1524

²⁴ ראיתי ההרים והנה רעשׁים וכל הגבעות התקלקלו׃

תנ"ך וברית חדשה בתרגום מודני

²⁴ רָאִ֨יתִי֙ הֶֽהָרִ֔ים וְהִנֵּ֖ה רֹעֲשִׁ֑ים וְכָל־הַגְּבָע֖וֹת הִתְקַלְקָֽלוּ׃

Westminster Leningrad Codex

²⁴ רָאִ֨יתִי֙ הֶֽהָרִ֔ים וְהִנֵּ֖ה רֹעֲשִׁ֑ים וְכָל־הַגְּבָע֖וֹת הִתְקַלְקָֽלוּ׃

תנ"ך וברית חדשה בתרגום דליטש

²⁴ רָאִ֨יתִי֙ הֶֽהָרִ֔ים וְהִנֵּ֖ה רֹעֲשִׁ֑ים וְכָל־הַגְּבָע֖וֹת הִתְקַלְקָֽלוּ׃

ירמיה 4:24 הפניות הצלבה

מלכים א 19:11

ויאמר צא ועמדת בהר לפני יהוה והנה יהוה עבר ורוח גדולה וחזק מפרק הרים ומשׁבר סלעים לפני יהוה לא ברוח יהוה ואחר הרוח רעשׁ לא ברעשׁ יהוה׃

תהלים 18:7

(18:8) ותגעשׁ ותרעשׁ הארץ ומוסדי הרים ירגזו ויתגעשׁו כי חרה׃

תהלים 77:18

(77:19) קול רעמך בגלגל האירו ברקים תבל רגזה ותרעשׁ הארץ׃

תהלים 97:4

האירו ברקיו תבל ראתה ותחל הארץ׃

שמות 19:18

והר סיני עשׁן כלו מפני אשׁר ירד עליו יהוה באשׁ ויעל עשׁנו כעשׁן הכבשׁן ויחרד כל ההר מאד׃

ישעיה 13:13

על כן שׁמים ארגיז ותרעשׁ הארץ ממקומה בעברת יהוה צבאות וביום חרון אפו׃

ישעיה 24:20

נוע תנוע ארץ כשׁכור והתנודדה כמלונה וכבד עליה פשׁעה ונפלה ולא תסיף קום׃

ישעיה 5:25

על כן חרה אף יהוה בעמו ויט ידו עליו ויכהו וירגזו ההרים ותהי נבלתם כסוחה בקרב חוצות בכל זאת לא שׁב אפו ועוד ידו נטויה׃

ירמיה 10:10

ויהוה אלהים אמת הוא אלהים חיים ומלך עולם מקצפו תרעשׁ הארץ ולא יכלו גוים זעמו׃

ירמיה 8:16

מדן נשׁמע נחרת סוסיו מקול מצהלות אביריו רעשׁה כל הארץ ויבואו ויאכלו ארץ ומלואה עיר וישׁבי׃

ירמיה 9:10

(9:9) על ההרים אשׂא בכי ונהי ועל נאות מדבר קינה כי נצתו מבלי אישׁ עבר ולא שׁמעו קול מקנה מעוף השׁמים ועד בהמה נדדו הלכו׃

יחזקאל 38:20

ורעשׁו מפני דגי הים ועוף השׁמים וחית השׂדה וכל הרמשׂ הרמשׂ על האדמה וכל האדם אשׁר על פני האדמה ונהרסו ההרים ונפלו המדרגות וכל חומה לארץ תפול׃

מיכה 1:4

ונמסו ההרים תחתיו והעמקים יתבקעו כדונג מפני האשׁ כמים מגרים במורד׃

חבקוק 3:10

ראוך יחילו הרים זרם מים עבר נתן תהום קולו רום ידיהו נשׂא׃

חבקוק 3:6

עמד וימדד ארץ ראה ויתר גוים ויתפצצו הררי עד שׁחו גבעות עולם הליכות עולם׃