ירמיה 4:19 - Masoretic Text 1524

¹⁹ מעי מעי אחולה קירות לבי המה לי לבי לא אחרישׁ כי קול שׁופר שׁמעתי נפשׁי תרועת מלחמה׃

תנ"ך וברית חדשה בתרגום מודני

¹⁹ מֵעַ֣י ׀ מֵעַ֨י ׀ (אחולה)* אוֹחִ֜ילָה* קִיר֥וֹת לִבִּ֛י הֹֽמֶה־לִּ֥י לִבִּ֖י לֹ֣א אַחֲרִ֑ישׁ כִּ֣י ק֤וֹל שׁוֹפָר֙ (שמעתי)* שָׁמַ֣עַתְּ* נַפְשִׁ֔י תְּרוּעַ֖ת מִלְחָמָֽה׃

Westminster Leningrad Codex

¹⁹ מֵעַ֣י ׀ מֵעַ֨י ׀ אחולה קִיר֥וֹת לִבִּ֛י הֹֽמֶה־לִּ֥י לִבִּ֖י לֹ֣א אַחֲרִ֑ישׁ כִּ֣י ק֤וֹל שׁוֹפָר֙ שמעתי נַפְשִׁ֔י תְּרוּעַ֖ת מִלְחָמָֽה׃

תנ"ך וברית חדשה בתרגום דליטש

¹⁹ מֵעַ֣י ׀ מֵעַ֨י ׀ (אחולה)* אוֹחִ֜ילָה* קִיר֥וֹת לִבִּ֛י הֹֽמֶה־לִּ֥י לִבִּ֖י לֹ֣א אַחֲרִ֑ישׁ כִּ֣י ק֤וֹל שׁוֹפָר֙ (שמעתי)* שָׁמַ֣עַתְּ* נַפְשִׁ֔י תְּרוּעַ֖ת מִלְחָמָֽה׃

ירמיה 4:19 הפניות הצלבה

בראשית 49:6

בסדם אל תבא נפשׁי בקהלם אל תחד כבדי כי באפם הרגו אישׁ וברצנם עקרו שׁור׃

מלכים ב 4:19

ויאמר אל אביו ראשׁי ראשׁי ויאמר אל הנער שׂאהו אל אמו׃

מלכים ב 8:11

ויעמד את פניו וישׂם עד בשׁ ויבך אישׁ האלהים׃

תהלים 103:1

לדוד ברכי נפשׁי את יהוה וכל קרבי את שׁם קדשׁו׃

תהלים 116:7

שׁובי נפשׁי למנוחיכי כי יהוה גמל עליכי׃

תהלים 119:136

פלגי מים ירדו עיני על לא שׁמרו תורתך׃

תהלים 119:53

זלעפה אחזתני מרשׁעים עזבי תורתך׃

תהלים 146:1

הללו יה הללי נפשׁי את יהוה׃

תהלים 16:2

אמרת ליהוה אדני אתה טובתי בל עליך׃

ישעיה 15:5

לבי למואב יזעק בריחה עד צער עגלת שׁלשׁיה כי מעלה הלוחית בבכי יעלה בו כי דרך חורנים זעקת שׁבר יעערו׃

ישעיה 16:11

על כן מעי למואב ככנור יהמו וקרבי לקיר חרשׂ׃

ישעיה 21:3

על כן מלאו מתני חלחלה צירים אחזוני כצירי יולדה נעויתי משׁמע נבהלתי מראות׃

ישעיה 21:4

תעה לבבי פלצות בעתתני את נשׁף חשׁקי שׂם לי לחרדה׃

ישעיה 22:4

על כן אמרתי שׁעו מני אמרר בבכי אל תאיצו לנחמני על שׁד בת עמי׃

ירמיה 13:17

ואם לא תשׁמעוה במסתרים תבכה נפשׁי מפני גוה ודמע תדמע ותרד עיני דמעה כי נשׁבה עדר יהוה׃

ירמיה 20:9

ואמרתי לא אזכרנו ולא אדבר עוד בשׁמו והיה בלבי כאשׁ בערת עצר בעצמתי ונלאיתי כלכל ולא אוכל׃

ירמיה 23:9

לנבאים נשׁבר לבי בקרבי רחפו כל עצמותי הייתי כאישׁ שׁכור וכגבר עברו יין מפני יהוה ומפני דברי קדשׁו׃

ירמיה 4:21

עד מתי אראה נס אשׁמעה קול שׁופר׃

ירמיה 4:5

הגידו ביהודה ובירושׁלם השׁמיעו ואמרו ותקעו שׁופר בארץ קראו מלאו ואמרו האספו ונבואה אל ערי המבצר׃

ירמיה 42:14

לאמר לא כי ארץ מצרים נבוא אשׁר לא נראה מלחמה וקול שׁופר לא נשׁמע וללחם לא נרעב ושׁם נשׁב׃

ירמיה 49:2

לכן הנה ימים באים נאם יהוה והשׁמעתי אל רבת בני עמון תרועת מלחמה והיתה לתל שׁממה ובנתיה באשׁ תצתנה וירשׁ ישׂראל את ירשׁיו אמר יהוה׃

ירמיה 50:22

קול מלחמה בארץ ושׁבר גדול׃

ירמיה 6:24

שׁמענו את שׁמעו רפו ידינו צרה החזיקתנו חיל כיולדה׃

ירמיה 8:18

מבליגיתי עלי יגון עלי לבי דוי׃

ירמיה 8:21

על שׁבר בת עמי השׁברתי קדרתי שׁמה החזקתני׃

ירמיה 9:1

(8:23) מי יתן ראשׁי מים ועיני מקור דמעה ואבכה יומם ולילה את חללי בת עמי׃

ירמיה 9:10

(9:9) על ההרים אשׂא בכי ונהי ועל נאות מדבר קינה כי נצתו מבלי אישׁ עבר ולא שׁמעו קול מקנה מעוף השׁמים ועד בהמה נדדו הלכו׃

איכה 1:16

על אלה אני בוכיה עיני עיני ירדה מים כי רחק ממני מנחם משׁיב נפשׁי היו בני שׁוממים כי גבר אויב׃

איכה 1:20

ראה יהוה כי צר לי מעי חמרמרו נהפך לבי בקרבי כי מרו מריתי מחוץ שׁכלה חרב בבית כמות׃

איכה 2:11

כלו בדמעות עיני חמרמרו מעי נשׁפך לארץ כבדי על שׁבר בת עמי בעטף עולל ויונק ברחבות קריה׃

דניאל 4:19

(4:16) אדין דניאל די שׁמה בלטשׁאצר אשׁתומם כשׁעה חדה ורעינהי יבהלנה ענה מלכא ואמר בלטשׁאצר חלמא ופשׁרא אל יבהלך ענה בלטשׁאצר ואמר מראי חלמא לשׂנאיך ופשׁרה לעריך׃

דניאל 7:15

אתכרית רוחי אנה דניאל בגוא נדנה וחזוי ראשׁי יבהלנני׃

דניאל 7:28

עד כה סופא די מלתא אנה דניאל שׂגיא רעיוני יבהלנני וזיוי ישׁתנון עלי ומלתא בלבי נטרת׃

דניאל 8:27

ואני דניאל נהייתי ונחליתי ימים ואקום ואעשׂה את מלאכת המלך ואשׁתומם על המראה ואין מבין׃

עמוס 3:6

אם יתקע שׁופר בעיר ועם לא יחרדו אם תהיה רעה בעיר ויהוה לא עשׂה׃

חבקוק 3:16

שׁמעתי ותרגז בטני לקול צללו שׂפתי יבוא רקב בעצמי ותחתי ארגז אשׁר אנוח ליום צרה לעלות לעם יגודנו׃

במדבר 10:9

וכי תבאו מלחמה בארצכם על הצר הצרר אתכם והרעתם בחצצרת ונזכרתם לפני יהוה אלהיכם ונושׁעתם מאיביכם׃

שפטים 5:21

נחל קישׁון גרפם נחל קדומים נחל קישׁון תדרכי נפשׁי עז׃