ירמיה 29:13 - Masoretic Text 1524

¹³ ובקשׁתם אתי ומצאתם כי תדרשׁני בכל לבבכם׃

תנ"ך וברית חדשה בתרגום מודני

¹³ וּבִקַּשְׁתֶּ֥ם אֹתִ֖י וּמְצָאתֶ֑ם כִּ֥י תִדְרְשֻׁ֖נִי בְּכָל־לְבַבְכֶֽם׃

Westminster Leningrad Codex

¹³ וּבִקַּשְׁתֶּ֥ם אֹתִ֖י וּמְצָאתֶ֑ם כִּ֥י תִדְרְשֻׁ֖נִי בְּכָל־לְבַבְכֶֽם׃

תנ"ך וברית חדשה בתרגום דליטש

¹³ וּבִקַּשְׁתֶּ֥ם אֹתִ֖י וּמְצָאתֶ֑ם כִּ֥י תִדְרְשֻׁ֖נִי בְּכָל־לְבַבְכֶֽם׃

ירמיה 29:13 הפניות הצלבה

מלכים א 2:4

למען יקים יהוה את דברו אשׁר דבר עלי לאמר אם ישׁמרו בניך את דרכם ללכת לפני באמת בכל לבבם ובכל נפשׁם לאמר לא יכרת לך אישׁ מעל כסא ישׂראל׃

מלכים ב 23:3

ויעמד המלך על העמוד ויכרת את הברית לפני יהוה ללכת אחר יהוה ולשׁמר מצותיו ואת עדותיו ואת חקתיו בכל לב ובכל נפשׁ להקים את דברי הברית הזאת הכתבים על הספר הזה ויעמד כל העם בברית׃

דברי הימים א 22:19

עתה תנו לבבכם ונפשׁכם לדרושׁ ליהוה אלהיכם וקומו ובנו את מקדשׁ יהוה האלהים להביא את ארון ברית יהוה וכלי קדשׁ האלהים לבית הנבנה לשׁם יהוה׃

דברי הימים א 28:9

ואתה שׁלמה בני דע את אלהי אביך ועבדהו בלב שׁלם ובנפשׁ חפצה כי כל לבבות דורשׁ יהוה וכל יצר מחשׁבות מבין אם תדרשׁנו ימצא לך ואם תעזבנו יזניחך לעד׃

דברי הימים ב 22:9

ויבקשׁ את אחזיהו וילכדהו והוא מתחבא בשׁמרון ויבאהו אל יהוא וימתהו ויקברהו כי אמרו בן יהושׁפט הוא אשׁר דרשׁ את יהוה בכל לבבו ואין לבית אחזיהו לעצר כח לממלכה׃

דברי הימים ב 31:21

ובכל מעשׂה אשׁר החל בעבודת בית האלהים ובתורה ובמצוה לדרשׁ לאלהיו בכל לבבו עשׂה והצליח׃

תהלים 119:10

בכל לבי דרשׁתיך אל תשׁגני ממצותיך׃

תהלים 119:145

קראתי בכל לב ענני יהוה חקיך אצרה׃

תהלים 119:2

אשׁרי נצרי עדתיו בכל לב ידרשׁוהו׃

תהלים 119:58

חליתי פניך בכל לב חנני כאמרתך׃

תהלים 119:69

טפלו עלי שׁקר זדים אני בכל לב אצר פקודיך׃

תהלים 145:18

קרוב יהוה לכל קראיו לכל אשׁר יקראהו באמת׃

תהלים 32:6

על זאת יתפלל כל חסיד אליך לעת מצא רק לשׁטף מים רבים אליו לא יגיעו׃

תהלים 91:15

יקראני ואענהו עמו אנכי בצרה אחלצהו ואכבדהו׃

ישעיה 45:19

לא בסתר דברתי במקום ארץ חשׁך לא אמרתי לזרע יעקב תהו בקשׁוני אני יהוה דבר צדק מגיד מישׁרים׃

ישעיה 65:10

והיה השׁרון לנוה צאן ועמק עכור לרבץ בקר לעמי אשׁר דרשׁוני׃

ירמיה 24:7

ונתתי להם לב לדעת אתי כי אני יהוה והיו לי לעם ואנכי אהיה להם לאלהים כי ישׁבו אלי בכל לבם׃

ירמיה 3:10

וגם בכל זאת לא שׁבה אלי בגודה אחותה יהודה בכל לבה כי אם בשׁקר נאם יהוה׃

ירמיה 50:4

בימים ההמה ובעת ההיא נאם יהוה יבאו בני ישׂראל המה ובני יהודה יחדו הלוך ובכו ילכו ואת יהוה אלהיהם יבקשׁו׃

הושע 5:15

אלך אשׁובה אל מקומי עד אשׁר יאשׁמו ובקשׁו פני בצר להם ישׁחרנני׃

יואל 2:12

וגם עתה נאם יהוה שׁבו עדי בכל לבבכם ובצום ובבכי ובמספד׃