ירמיה 11:20 - Masoretic Text 1524

²⁰ ויהוה צבאות שׁפט צדק בחן כליות ולב אראה נקמתך מהם כי אליך גליתי את ריבי׃

תנ"ך וברית חדשה בתרגום מודני

²⁰ וַֽיהוָ֤ה צְבָאוֹת֙ שֹׁפֵ֣ט צֶ֔דֶק בֹּחֵ֥ן כְּלָי֖וֹת וָלֵ֑ב אֶרְאֶ֤ה נִקְמָֽתְךָ֙ מֵהֶ֔ם כִּ֥י אֵלֶ֖יךָ גִּלִּ֥יתִי אֶת־רִיבִֽי׃ ס*

Westminster Leningrad Codex

²⁰ וַֽיהוָ֤ה צְבָאוֹת֙ שֹׁפֵ֣ט צֶ֔דֶק בֹּחֵ֥ן כְּלָי֖וֹת וָלֵ֑ב אֶרְאֶ֤ה נִקְמָֽתְךָ֙ מֵהֶ֔ם כִּ֥י אֵלֶ֖יךָ גִּלִּ֥יתִי אֶת־רִיבִֽי׃ ס

תנ"ך וברית חדשה בתרגום דליטש

²⁰ וַֽיהוָ֤ה צְבָאוֹת֙ שֹׁפֵ֣ט צֶ֔דֶק בֹּחֵ֥ן כְּלָי֖וֹת וָלֵ֑ב אֶרְאֶ֤ה נִקְמָֽתְךָ֙ מֵהֶ֔ם כִּ֥י אֵלֶ֖יךָ גִּלִּ֥יתִי אֶת־רִיבִֽי׃ ס*

ירמיה 11:20 הפניות הצלבה

בראשית 18:25

חללה לך מעשׂת כדבר הזה להמית צדיק עם רשׁע והיה כצדיק כרשׁע חללה לך השׁפט כל הארץ לא יעשׂה משׁפט׃

מלכים ב 19:14

ויקח חזקיהו את הספרים מיד המלאכים ויקראם ויעל בית יהוה ויפרשׂהו חזקיהו לפני יהוה׃

דברי הימים א 28:9

ואתה שׁלמה בני דע את אלהי אביך ועבדהו בלב שׁלם ובנפשׁ חפצה כי כל לבבות דורשׁ יהוה וכל יצר מחשׁבות מבין אם תדרשׁנו ימצא לך ואם תעזבנו יזניחך לעד׃

דברי הימים א 29:17

וידעתי אלהי כי אתה בחן לבב ומישׁרים תרצה אני בישׁר לבבי התנדבתי כל אלה ועתה עמך הנמצאו פה ראיתי בשׂמחה להתנדב׃

איוב 5:8

אולם אני אדרשׁ אל אל ואל אלהים אשׂים דברתי׃

תהלים 139:23

חקרני אל ודע לבבי בחנני ודע שׂרעפי׃

תהלים 35:2

החזק מגן וצנה וקומה בעזרתי׃

תהלים 43:1

שׁפטני אלהים וריבה ריבי מגוי לא חסיד מאישׁ מרמה ועולה תפלטני׃

תהלים 57:1

למנצח אל תשׁחת לדוד מכתם בברחו מפני שׁאול במערה׃ (57:2) חנני אלהים חנני כי בך חסיה נפשׁי ובצל כנפיך אחסה עד יעבר הוות׃

תהלים 58:10

(58:11) ישׂמח צדיק כי חזה נקם פעמיו ירחץ בדם הרשׁע׃

תהלים 7:10

(7:11) מגני על אלהים מושׁיע ישׁרי לב׃

תהלים 7:8

(7:9) יהוה ידין עמים שׁפטני יהוה כצדקי וכתמי עלי׃

תהלים 7:9

(7:10) יגמר נא רע רשׁעים ותכונן צדיק ובחן לבות וכליות אלהים צדיק׃

תהלים 98:9

לפני יהוה כי בא לשׁפט הארץ ישׁפט תבל בצדק ועמים במישׁרים׃

ירמיה 12:1

צדיק אתה יהוה כי אריב אליך אך משׁפטים אדבר אותך מדוע דרך רשׁעים צלחה שׁלו כל בגדי בגד׃

ירמיה 12:3

ואתה יהוה ידעתני תראני ובחנת לבי אתך התקם כצאן לטבחה והקדשׁם ליום הרגה׃

ירמיה 15:15

אתה ידעת יהוה זכרני ופקדני והנקם לי מרדפי אל לארך אפך תקחני דע שׂאתי עליך חרפה׃

ירמיה 17:10

אני יהוה חקר לב בחן כליות ולתת לאישׁ כדרכו כפרי מעלליו׃

ירמיה 17:18

יבשׁו רדפי ואל אבשׁה אני יחתו המה ואל אחתה אני הביא עליהם יום רעה ומשׁנה שׁברון שׁברם׃

ירמיה 20:12

ויהוה צבאות בחן צדיק ראה כליות ולב אראה נקמתך מהם כי אליך גליתי את ריבי׃

איכה 3:58

רבת אדני ריבי נפשׁי גאלת חיי׃

איכה 3:59

ראיתה יהוה עותתי שׁפטה משׁפטי׃

איכה 3:64

תשׁיב להם גמול יהוה כמעשׂה ידיהם׃

יחזקאל 11:5

ותפל עלי רוח יהוה ויאמר אלי אמר כה אמר יהוה כן אמרתם בית ישׂראל ומעלות רוחכם אני ידעתיה׃

שמואל א 16:7

ויאמר יהוה אל שׁמואל אל תבט אל מראהו ואל גבה קומתו כי מאסתיהו כי לא אשׁר יראה האדם כי האדם יראה לעינים ויהוה יראה ללבב׃

שמואל א 24:15

(24:16) והיה יהוה לדין ושׁפט ביני ובינך וירא וירב את ריבי וישׁפטני מידך׃