יחזקאל 6:7 - Masoretic Text 1524

⁷ ונפל חלל בתוככם וידעתם כי אני יהוה׃

תנ"ך וברית חדשה בתרגום מודני

⁷ וְנָפַ֥ל חָלָ֖ל בְּתֽוֹכְכֶ֑ם וִֽידַעְתֶּ֖ם כִּֽי־אֲנִ֥י יְהוָֽה׃

Westminster Leningrad Codex

⁷ וְנָפַ֥ל חָלָ֖ל בְּתֽוֹכְכֶ֑ם וִֽידַעְתֶּ֖ם כִּֽי־אֲנִ֥י יְהוָֽה׃

תנ"ך וברית חדשה בתרגום דליטש

⁷ וְנָפַ֥ל חָלָ֖ל בְּתֽוֹכְכֶ֑ם וִֽידַעְתֶּ֖ם כִּֽי־אֲנִ֥י יְהוָֽה׃

יחזקאל 6:7 הפניות הצלבה

מלכים ב 19:19

ועתה יהוה אלהינו הושׁיענו נא מידו וידעו כל ממלכות הארץ כי אתה יהוה אלהים לבדך׃

שמות 14:18

וידעו מצרים כי אני יהוה בהכבדי בפרעה ברכבו ובפרשׁיו׃

שמות 14:4

וחזקתי את לב פרעה ורדף אחריהם ואכבדה בפרעה ובכל חילו וידעו מצרים כי אני יהוה ויעשׂו כן׃

שמות 7:5

וידעו מצרים כי אני יהוה בנטתי את ידי על מצרים והוצאתי את בני ישׂראל מתוכם׃

ירמיה 14:18

אם יצאתי השׂדה והנה חללי חרב ואם באתי העיר והנה תחלואי רעב כי גם נביא גם כהן סחרו אל ארץ ולא ידעו׃

ירמיה 18:21

לכן תן את בניהם לרעב והגרם על ידי חרב ותהינה נשׁיהם שׁכלות ואלמנות ואנשׁיהם יהיו הרגי מות בחוריהם מכי חרב במלחמה׃

ירמיה 25:33

והיו חללי יהוה ביום ההוא מקצה הארץ ועד קצה הארץ לא יספדו ולא יאספו ולא יקברו לדמן על פני האדמה יהיו׃

איכה 4:9

טובים היו חללי חרב מחללי רעב שׁהם יזובו מדקרים מתנובת שׂדי׃

יחזקאל 11:10

בחרב תפלו על גבול ישׂראל אשׁפוט אתכם וידעתם כי אני יהוה׃

יחזקאל 11:12

וידעתם כי אני יהוה אשׁר בחקי לא הלכתם ומשׁפטי לא עשׂיתם וכמשׁפטי הגוים אשׁר סביבותיכם עשׂיתם׃

יחזקאל 12:15

וידעו כי אני יהוה בהפיצי אותם בגוים וזריתי אותם בארצות׃

יחזקאל 12:19

ואמרת אל עם הארץ כה אמר אדני יהוה ליושׁבי ירושׁלם אל אדמת ישׂראל לחמם בדאגה יאכלו ומימיהם בשׁממון ישׁתו למען תשׁם ארצה ממלאה מחמס כל הישׁבים׃

יחזקאל 13:14

והרסתי את הקיר אשׁר טחתם תפל והגעתיהו אל הארץ ונגלה יסדו ונפלה וכליתם בתוכה וידעתם כי אני יהוה׃

יחזקאל 13:21

וקרעתי את מספחתיכם והצלתי את עמי מידכן ולא יהיו עוד בידכן למצודה וידעתן כי אני יהוה׃

יחזקאל 13:23

לכן שׁוא לא תחזינה וקסם לא תקסמנה עוד והצלתי את עמי מידכן וידעתן כי אני יהוה׃

יחזקאל 13:9

והיתה ידי אל הנביאים החזים שׁוא והקסמים כזב בסוד עמי לא יהיו ובכתב בית ישׂראל לא יכתבו ואל אדמת ישׂראל לא יבאו וידעתם כי אני אדני יהוה׃

יחזקאל 14:8

ונתתי פני באישׁ ההוא והשׂמתיהו לאות ולמשׁלים והכרתיו מתוך עמי וידעתם כי אני יהוה׃

יחזקאל 15:7

ונתתי את פני בהם מהאשׁ יצאו והאשׁ תאכלם וידעתם כי אני יהוה בשׂומי את פני׃

יחזקאל 20:26

ואטמא אותם במתנותם בהעביר כל פטר רחם למען אשׁמם למען אשׁר ידעו אשׁר אני יהוה׃

יחזקאל 20:38

וברותי מכם המרדים והפושׁעים בי מארץ מגוריהם אוציא אותם ואל אדמת ישׂראל לא יבוא וידעתם כי אני יהוה׃

יחזקאל 20:42

וידעתם כי אני יהוה בהביאי אתכם אל אדמת ישׂראל אל הארץ אשׁר נשׂאתי את ידי לתת אותה לאבותיכם׃

יחזקאל 20:44

וידעתם כי אני יהוה בעשׂותי אתכם למען שׁמי לא כדרכיכם הרעים וכעלילותיכם הנשׁחתות בית ישׂראל נאם אדני יהוה׃

יחזקאל 22:16

ונחלת בך לעיני גוים וידעת כי אני יהוה׃

יחזקאל 23:49

ונתנו זמתכנה עליכן וחטאי גלוליכן תשׂאינה וידעתם כי אני אדני יהוה׃

יחזקאל 24:24

והיה יחזקאל לכם למופת ככל אשׁר עשׂה תעשׂו בבאה וידעתם כי אני אדני יהוה׃

יחזקאל 24:27

ביום ההוא יפתח פיך את הפליט ותדבר ולא תאלם עוד והיית להם למופת וידעו כי אני יהוה׃

יחזקאל 25:17

ועשׂיתי בם נקמות גדלות בתוכחות חמה וידעו כי אני יהוה בתתי את נקמתי׃

יחזקאל 26:6

ובנותיה אשׁר בשׂדה בחרב תהרגנה וידעו כי אני יהוה׃

יחזקאל 28:23

ושׁלחתי בה דבר ודם בחוצותיה ונפלל חלל בתוכה בחרב עליה מסביב וידעו כי אני יהוה׃

יחזקאל 30:26

והפצותי את מצרים בגוים וזריתי אותם בארצות וידעו כי אני יהוה׃

יחזקאל 32:15

בתתי את ארץ מצרים שׁממה ונשׁמה ארץ ממלאה בהכותי את כל יושׁבי בה וידעו כי אני יהוה׃

יחזקאל 35:15

כשׂמחתך לנחלת בית ישׂראל על אשׁר שׁממה כן אעשׂה לך שׁממה תהיה הר שׂעיר וכל אדום כלה וידעו כי אני יהוה׃

יחזקאל 38:23

והתגדלתי והתקדשׁתי ונודעתי לעיני גוים רבים וידעו כי אני יהוה׃

יחזקאל 6:13

וידעתם כי אני יהוה בהיות חלליהם בתוך גלוליהם סביבות מזבחותיהם אל כל גבעה רמה בכל ראשׁי ההרים ותחת כל עץ רענן ותחת כל אלה עבתה מקום אשׁר נתנו שׁם ריח ניחח לכל גלוליהם׃

יחזקאל 6:6

בכל מושׁבותיכם הערים תחרבנה והבמות תישׁמנה למען יחרבו ויאשׁמו מזבחותיכם ונשׁברו ונשׁבתו גלוליכם ונגדעו חמניכם ונמחו מעשׂיכם׃

יחזקאל 6:8

והותרתי בהיות לכם פליטי חרב בגוים בהזרותיכם בארצות׃

יחזקאל 7:4

ולא תחוס עיני עליך ולא אחמול כי דרכיך עליך אתן ותועבותיך בתוכך תהיין וידעתם כי אני יהוה׃

יחזקאל 7:9

ולא תחוס עיני ולא אחמול כדרכיך עליך אתן ותועבותיך בתוכך תהיין וידעתם כי אני יהוה מכה׃

יחזקאל 9:7

ויאמר אליהם טמאו את הבית ומלאו את החצרות חללים צאו ויצאו והכו בעיר׃