יחזקאל 2:1 - Masoretic Text 1524

¹ ויאמר אלי בן אדם עמד על רגליך ואדבר אתך׃

תנ"ך וברית חדשה בתרגום מודני

¹ וַיֹּ֖אמֶר אֵלָ֑י בֶּן־אָדָם֙ עֲמֹ֣ד עַל־רַגְלֶ֔יךָ וַאֲדַבֵּ֖ר אֹתָֽךְ׃

Westminster Leningrad Codex

¹ וַיֹּ֖אמֶר אֵלָ֑י בֶּן־אָדָם֙ עֲמֹ֣ד עַל־רַגְלֶ֔יךָ וַאֲדַבֵּ֖ר אֹתָֽךְ׃

תנ"ך וברית חדשה בתרגום דליטש

¹ וַיֹּ֖אמֶר אֵלָ֑י בֶּן־אָדָם֙ עֲמֹ֣ד עַל־רַגְלֶ֔יךָ וַאֲדַבֵּ֖ר אֹתָֽךְ׃

יחזקאל 2:1 הפניות הצלבה

תהלים 8:4

(8:5) מה אנושׁ כי תזכרנו ובן אדם כי תפקדנו׃

יחזקאל 1:28

כמראה הקשׁת אשׁר יהיה בענן ביום הגשׁם כן מראה הנגה סביב הוא מראה דמות כבוד יהוה ואראה ואפל על פני ואשׁמע קול מדבר׃

יחזקאל 12:3

ואתה בן אדם עשׂה לך כלי גולה וגלה יומם לעיניהם וגלית ממקומך אל מקום אחר לעיניהם אולי יראו כי בית מרי המה׃

יחזקאל 13:2

בן אדם הנבא אל נביאי ישׂראל הנבאים ואמרת לנביאי מלבם שׁמעו דבר יהוה׃

יחזקאל 14:13

בן אדם ארץ כי תחטא לי למעל מעל ונטיתי ידי עליה ושׁברתי לה מטה לחם והשׁלחתי בה רעב והכרתי ממנה אדם ובהמה׃

יחזקאל 14:3

בן אדם האנשׁים האלה העלו גלוליהם על לבם ומכשׁול עונם נתנו נכח פניהם האדרשׁ אדרשׁ׃

יחזקאל 15:2

בן אדם מה יהיה עץ הגפן מכל עץ הזמורה אשׁר היה בעצי היער׃

יחזקאל 16:2

בן אדם הודע את ירושׁלם את תועבתיה׃

יחזקאל 17:2

בן אדם חוד חידה ומשׁל משׁל אל בית ישׂראל׃

יחזקאל 2:3

ויאמר אלי בן אדם שׁולח אני אותך אל בני ישׂראל אל גוים המורדים אשׁר מרדו בי המה ואבותם פשׁעו בי עד עצם היום הזה׃

יחזקאל 2:6

ואתה בן אדם אל תירא מהם ומדבריהם אל תירא כי סרבים וסלונים אותך ואל עקרבים אתה יושׁב מדבריהם אל תירא ומפניהם אל תחת כי בית מרי המה׃

יחזקאל 2:8

ואתה בן אדם שׁמע את אשׁר אני מדבר אליך אל תהי מרי כבית המרי פצה פיך ואכל את אשׁר אני נתן אליך׃

יחזקאל 20:3

בן אדם דבר את זקני ישׂראל ואמרת אלהם כה אמר אדני יהוה הלדרשׁ אתי אתם באים חי אני אם אדרשׁ לכם נאם אדני יהוה׃

יחזקאל 3:1

ויאמר אלי בן אדם את אשׁר תמצא אכול אכול את המגלה הזאת ולך דבר אל בית ישׂראל׃

יחזקאל 3:10

ויאמר אלי בן אדם את כל דברי אשׁר אדבר אליך קח בלבבך ובאזניך שׁמע׃

יחזקאל 3:17

בן אדם צפה נתתיך לבית ישׂראל ושׁמעת מפי דבר והזהרת אותם ממני׃

יחזקאל 3:4

ויאמר אלי בן אדם לך בא אל בית ישׂראל ודברת בדברי אליהם׃

יחזקאל 37:3

ויאמר אלי בן אדם התחיינה העצמות האלה ואמר אדני יהוה אתה ידעת׃

יחזקאל 4:1

ואתה בן אדם קח לך לבנה ונתתה אותה לפניך וחקות עליה עיר את ירושׁלם׃

יחזקאל 40:4

וידבר אלי האישׁ בן אדם ראה בעיניך ובאזניך שׁמע ושׂים לבך לכל אשׁר אני מראה אותך כי למען הראותכה הבאתה הנה הגד את כל אשׁר אתה ראה לבית ישׂראל׃

יחזקאל 43:18

ויאמר אלי בן אדם כה אמר אדני יהוה אלה חקות המזבח ביום העשׂותו להעלות עליו עולה ולזרק עליו דם׃

יחזקאל 5:1

ואתה בן אדם קח לך חרב חדה תער הגלבים תקחנה לך והעברת על ראשׁך ועל זקנך ולקחת לך מאזני משׁקל וחלקתם׃

יחזקאל 7:2

ואתה בן אדם כה אמר אדני יהוה לאדמת ישׂראל קץ בא הקץ על ארבעת כנפות הארץ׃

דניאל 10:11

ויאמר אלי דניאל אישׁ חמדות הבן בדברים אשׁר אנכי דבר אליך ועמד על עמדך כי עתה שׁלחתי אליך ובדברו עמי את הדבר הזה עמדתי מרעיד׃

דניאל 10:19

ויאמר אל תירא אישׁ חמדות שׁלום לך חזק וחזק וכדברו עמי התחזקתי ואמרה ידבר אדני כי חזקתני׃

דניאל 8:17

ויבא אצל עמדי ובבאו נבעתי ואפלה על פני ויאמר אלי הבן בן אדם כי לעת קץ החזון׃