יחזקאל 1:3 - Masoretic Text 1524

³ היה היה דבר יהוה אל יחזקאל בן בוזי הכהן בארץ כשׂדים על נהר כבר ותהי עליו שׁם יד יהוה׃

תנ"ך וברית חדשה בתרגום מודני

³ הָיֹ֣ה הָיָ֣ה דְבַר־יְ֠הוָה אֶל־יְחֶזְקֵ֨אל בֶּן־בּוּזִ֧י הַכֹּהֵ֛ן בְּאֶ֥רֶץ כַּשְׂדִּ֖ים עַל־נְהַר־כְּבָ֑ר וַתְּהִ֥י עָלָ֛יו שָׁ֖ם יַד־יְהוָֽה׃

Westminster Leningrad Codex

³ הָיֹ֣ה הָיָ֣ה דְבַר־יְ֠הוָה אֶל־יְחֶזְקֵ֨אל בֶּן־בּוּזִ֧י הַכֹּהֵ֛ן בְּאֶ֥רֶץ כַּשְׂדִּ֖ים עַל־נְהַר־כְּבָ֑ר וַתְּהִ֥י עָלָ֛יו שָׁ֖ם יַד־יְהוָֽה׃

תנ"ך וברית חדשה בתרגום דליטש

³ הָיֹ֣ה הָיָ֣ה דְבַר־יְ֠הוָה אֶל־יְחֶזְקֵ֨אל בֶּן־בּוּזִ֧י הַכֹּהֵ֛ן בְּאֶ֥רֶץ כַּשְׂדִּ֖ים עַל־נְהַר־כְּבָ֑ר וַתְּהִ֥י עָלָ֛יו שָׁ֖ם יַד־יְהוָֽה׃

יחזקאל 1:3 הפניות הצלבה

מלכים א 18:46

ויד יהוה היתה אל אליהו וישׁנס מתניו וירץ לפני אחאב עד באכה יזרעאלה׃

מלכים ב 3:15

ועתה קחו לי מנגן והיה כנגן המנגן ותהי עליו יד יהוה׃

תהלים 137:1

על נהרות בבל שׁם ישׁבנו גם בכינו בזכרנו את ציון׃

ירמיה 1:2

אשׁר היה דבר יהוה אליו בימי יאשׁיהו בן אמון מלך יהודה בשׁלשׁ עשׂרה שׁנה למלכו׃

ירמיה 1:4

ויהי דבר יהוה אלי לאמר׃

ירמיה 29:15

כי אמרתם הקים לנו יהוה נבאים בבלה׃

יחזקאל 1:1

ויהי בשׁלשׁים שׁנה ברביעי בחמשׁה לחדשׁ ואני בתוך הגולה על נהר כבר נפתחו השׁמים ואראה מראות אלהים׃

יחזקאל 10:15

וירמו הכרובים היא החיה אשׁר ראיתי בנהר כבר׃

יחזקאל 12:13

ופרשׂתי את רשׁתי עליו ונתפשׂ במצודתי והבאתי אתו בבלה ארץ כשׂדים ואותה לא יראה ושׁם ימות׃

יחזקאל 3:14

ורוח נשׂאתני ותקחני ואלך מר בחמת רוחי ויד יהוה עלי חזקה׃

יחזקאל 3:15

ואבוא אל הגולה תל אביב הישׁבים אל נהר כבר ואשׁר המה יושׁבים שׁם ואשׁב שׁם שׁבעת ימים משׁמים בתוכם׃

יחזקאל 3:22

ותהי עלי שׁם יד יהוה ויאמר אלי קום צא אל הבקעה ושׁם אדבר אותך׃

יחזקאל 3:23

ואקום ואצא אל הבקעה והנה שׁם כבוד יהוה עמד ככבוד אשׁר ראיתי על נהר כבר ואפל על פני׃

יחזקאל 33:22

ויד יהוה היתה אלי בערב לפני בוא הפליט ויפתח את פי עד בוא אלי בבקר ויפתח פי ולא נאלמתי עוד׃

יחזקאל 37:1

היתה עלי יד יהוה ויוצאני ברוח יהוה ויניחני בתוך הבקעה והיא מלאה עצמות׃

יחזקאל 40:1

בעשׂרים וחמשׁ שׁנה לגלותנו בראשׁ השׁנה בעשׂור לחדשׁ בארבע עשׂרה שׁנה אחר אשׁר הכתה העיר בעצם היום הזה היתה עלי יד יהוה ויבא אתי שׁמה׃

יחזקאל 43:3

וכמראה המראה אשׁר ראיתי כמראה אשׁר ראיתי בבאי לשׁחת את העיר ומראות כמראה אשׁר ראיתי אל נהר כבר ואפל אל פני׃

יחזקאל 8:1

ויהי בשׁנה השׁשׁית בשׁשׁי בחמשׁה לחדשׁ אני יושׁב בביתי וזקני יהודה יושׁבים לפני ותפל עלי שׁם יד אדני יהוה׃

דניאל 10:4

וביום עשׂרים וארבעה לחדשׁ הראשׁון ואני הייתי על יד הנהר הגדול הוא חדקל׃

הושע 1:1

דבר יהוה אשׁר היה אל הושׁע בן בארי בימי עזיה יותם אחז יחזקיה מלכי יהודה ובימי ירבעם בן יואשׁ מלך ישׂראל׃

יואל 1:1

דבר יהוה אשׁר היה אל יואל בן פתואל׃