יואל 3:18 - Masoretic Text 1524

¹⁸ (4:18) והיה ביום ההוא יטפו ההרים עסיס והגבעות תלכנה חלב וכל אפיקי יהודה ילכו מים ומעין מבית יהוה יצא והשׁקה את נחל השׁטים׃

יואל 3:18 הפניות הצלבה

איוב 29:6

ברחץ הליכי בחמה וצור יצוק עמדי פלגי שׁמן׃

תהלים 46:4

(46:5) נהר פלגיו ישׂמחו עיר אלהים קדשׁ משׁכני עליון׃

שמות 3:8

וארד להצילו מיד מצרים ולהעלתו מן הארץ ההוא אל ארץ טובה ורחבה אל ארץ זבת חלב ודבשׁ אל מקום הכנעני והחתי והאמרי והפרזי והחוי והיבוסי׃

ישעיה 30:25

והיה על כל הר גבה ועל כל גבעה נשׂאה פלגים יבלי מים ביום הרג רב בנפל מגדלים׃

ישעיה 35:6

אז ידלג כאיל פסח ותרן לשׁון אלם כי נבקעו במדבר מים ונחלים בערבה׃

ישעיה 44:3

כי אצק מים על צמא ונזלים על יבשׁה אצק רוחי על זרעך וברכתי על צאצאיך׃

ישעיה 45:8

הרעיפו שׁמים ממעל ושׁחקים יזלו צדק תפתח ארץ ויפרו ישׁע וצדקה תצמיח יחד אני יהוה בראתיו׃

ישעיה 55:1

הוי כל צמא לכו למים ואשׁר אין לו כסף לכו שׁברו ואכלו ולכו שׁברו בלוא כסף ובלוא מחיר יין וחלב׃

ישעיה 66:11

למען תינקו ושׂבעתם משׁד תנחמיה למען תמצו והתענגתם מזיז כבודה׃

ירמיה 31:12

ובאו ורננו במרום ציון ונהרו אל טוב יהוה על דגן ועל תירשׁ ועל יצהר ועל בני צאן ובקר והיתה נפשׁם כגן רוה ולא יוסיפו לדאבה עוד׃

מיכה 6:5

עמי זכר נא מה יעץ בלק מלך מואב ומה ענה אתו בלעם בן בעור מן השׁטים עד הגלגל למען דעת צדקות יהוה׃

זכריה 14:8

והיה ביום ההוא יצאו מים חיים מירושׁלם חצים אל הים הקדמוני וחצים אל הים האחרון בקיץ ובחרף יהיה׃

במדבר 25:1

וישׁב ישׂראל בשׁטים ויחל העם לזנות אל בנות מואב׃