יואל 3:12 - Masoretic Text 1524

¹² (4:12) יעורו ויעלו הגוים אל עמק יהושׁפט כי שׁם אשׁב לשׁפט את כל הגוים מסביב׃

יואל 3:12 הפניות הצלבה

דברי הימים ב 20:26

וביום הרבעי נקהלו לעמק ברכה כי שׁם ברכו את יהוה על כן קראו את שׁם המקום ההוא עמק ברכה עד היום׃

תהלים 7:6

(7:7) קומה יהוה באפך הנשׂא בעברות צוררי ועורה אלי משׁפט צוית׃

תהלים 96:13

לפני יהוה כי בא כי בא לשׁפט הארץ ישׁפט תבל בצדק ועמים באמונתו׃

תהלים 98:9

לפני יהוה כי בא לשׁפט הארץ ישׁפט תבל בצדק ועמים במישׁרים׃

ישעיה 2:4

ושׁפט בין הגוים והוכיח לעמים רבים וכתתו חרבותם לאתים וחניתותיהם למזמרות לא ישׂא גוי אל גוי חרב ולא ילמדו עוד מלחמה׃

ישעיה 22:1

משׂא גיא חזיון מה לך אפוא כי עלית כלך לגגות׃

ישעיה 3:13

נצב לריב יהוה ועמד לדין עמים׃

יחזקאל 30:3

כי קרוב יום וקרוב יום ליהוה יום ענן עת גוים יהיה׃

יחזקאל 39:11

והיה ביום ההוא אתן לגוג מקום שׁם קבר בישׂראל גי העברים קדמת הים וחסמת היא את העברים וקברו שׁם את גוג ואת כל המונה וקראו גיא המון גוג׃

יואל 3:14

(4:14) המונים המונים בעמק החרוץ כי קרוב יום יהוה בעמק החרוץ׃

יואל 3:2

(4:2) וקבצתי את כל הגוים והורדתים אל עמק יהושׁפט ונשׁפטתי עמם שׁם על עמי ונחלתי ישׂראל אשׁר פזרו בגוים ואת ארצי חלקו׃

מיכה 4:3

ושׁפט בין עמים רבים והוכיח לגוים עצמים עד רחוק וכתתו חרבתיהם לאתים וחניתתיהם למזמרות לא ישׂאו גוי אל גוי חרב ולא ילמדון עוד מלחמה׃

זכריה 14:4

ועמדו רגליו ביום ההוא על הר הזתים אשׁר על פני ירושׁלם מקדם ונבקע הר הזיתים מחציו מזרחה וימה גיא גדולה מאד ומשׁ חצי ההר צפונה וחציו נגבה׃