חגי 1:8 - Masoretic Text 1524

⁸ עלו ההר והבאתם עץ ובנו הבית וארצה בו ואכבד אמר יהוה׃

תנ"ך וברית חדשה בתרגום מודני

⁸ עֲל֥וּ הָהָ֛ר וַהֲבֵאתֶ֥ם עֵ֖ץ וּבְנ֣וּ הַבָּ֑יִת וְאֶרְצֶה־בּ֥וֹ (ואכבד)* וְאֶכָּבְדָ֖ה* אָמַ֥ר יְהוָֽה׃

Westminster Leningrad Codex

⁸ עֲל֥וּ הָהָ֛ר וַהֲבֵאתֶ֥ם עֵ֖ץ וּבְנ֣וּ הַבָּ֑יִת וְאֶרְצֶה־בּ֥וֹ ואכבד אָמַ֥ר יְהוָֽה׃

תנ"ך וברית חדשה בתרגום דליטש

⁸ עֲל֥וּ הָהָ֛ר וַהֲבֵאתֶ֥ם עֵ֖ץ וּבְנ֣וּ הַבָּ֑יִת וְאֶרְצֶה־בּ֥וֹ (ואכבד)* וְאֶכָּבְדָ֖ה* אָמַ֥ר יְהוָֽה׃

חגי 1:8 הפניות הצלבה

מלכים א 6:1

ויהי בשׁמונים שׁנה וארבע מאות שׁנה לצאת בני ישׂראל מארץ מצרים בשׁנה הרביעית בחדשׁ זו הוא החדשׁ השׁני למלך שׁלמה על ישׂראל ויבן הבית ליהוה׃

מלכים א 9:3

ויאמר יהוה אליו שׁמעתי את תפלתך ואת תחנתך אשׁר התחננתה לפני הקדשׁתי את הבית הזה אשׁר בנתה לשׂום שׁמי שׁם עד עולם והיו עיני ולבי שׁם כל הימים׃

דברי הימים א 22:19

עתה תנו לבבכם ונפשׁכם לדרושׁ ליהוה אלהיכם וקומו ובנו את מקדשׁ יהוה האלהים להביא את ארון ברית יהוה וכלי קדשׁ האלהים לבית הנבנה לשׁם יהוה׃

דברי הימים ב 7:16

ועתה בחרתי והקדשׁתי את הבית הזה להיות שׁמי שׁם עד עולם והיו עיני ולבי שׁם כל הימים׃

עזרא 3:7

ויתנו כסף לחצבים ולחרשׁים ומאכל ומשׁתה ושׁמן לצדנים ולצרים להביא עצי ארזים מן הלבנון אל ים יפוא כרשׁיון כורשׁ מלך פרס עליהם׃

עזרא 6:4

נדבכין די אבן גלל תלתא ונדבך די אע חדת ונפקתא מן בית מלכא תתיהב׃

שמות 29:43

ונעדתי שׁמה לבני ישׂראל ונקדשׁ בכבדי׃

ישעיה 60:13

כבוד הלבנון אליך יבוא ברושׁ תדהר ותאשׁור יחדו לפאר מקום מקדשׁי ומקום רגלי אכבד׃

ישעיה 60:7

כל צאן קדר יקבצו לך אילי נביות ישׁרתונך יעלו על רצון מזבחי ובית תפארתי אפאר׃

ישעיה 66:11

למען תינקו ושׂבעתם משׁד תנחמיה למען תמצו והתענגתם מזיז כבודה׃

חגי 1:7

כה אמר יהוה צבאות שׂימו לבבכם על דרכיכם׃

חגי 2:7

והרעשׁתי את כל הגוים ובאו חמדת כל הגוים ומלאתי את הבית הזה כבוד אמר יהוה צבאות׃

חגי 2:9

גדול יהיה כבוד הבית הזה האחרון מן הראשׁון אמר יהוה צבאות ובמקום הזה אתן שׁלום נאם יהוה צבאות׃