חבקוק 2:5 - Masoretic Text 1524

⁵ ואף כי היין בוגד גבר יהיר ולא ינוה אשׁר הרחיב כשׁאול נפשׁו והוא כמות ולא ישׂבע ויאסף אליו כל הגוים ויקבץ אליו כל העמים׃

תנ"ך וברית חדשה בתרגום מודני

⁵ וְאַף֙ כִּֽי־הַיַּ֣יִן בּוֹגֵ֔ד גֶּ֥בֶר יָהִ֖יר וְלֹ֣א יִנְוֶ֑ה אֲשֶׁר֩ הִרְחִ֨יב כִּשְׁא֜וֹל נַפְשׁ֗וֹ וְה֤וּא כַמָּ֨וֶת֙ וְלֹ֣א יִשְׂבָּ֔ע וַיֶּאֱסֹ֤ף אֵלָיו֙ כָּל־הַגּוֹיִ֔ם וַיִּקְבֹּ֥ץ אֵלָ֖יו כָּל־הָעַמִּֽים׃

Westminster Leningrad Codex

⁵ וְאַף֙ כִּֽי־הַיַּ֣יִן בּוֹגֵ֔ד גֶּ֥בֶר יָהִ֖יר וְלֹ֣א יִנְוֶ֑ה אֲשֶׁר֩ הִרְחִ֨יב כִּשְׁא֜וֹל נַפְשׁ֗וֹ וְה֤וּא כַמָּ֨וֶת֙ וְלֹ֣א יִשְׂבָּ֔ע וַיֶּאֱסֹ֤ף אֵלָיו֙ כָּל־הַגּוֹיִ֔ם וַיִּקְבֹּ֥ץ אֵלָ֖יו כָּל־הָעַמִּֽים׃

תנ"ך וברית חדשה בתרגום דליטש

⁵ וְאַף֙ כִּֽי־הַיַּ֣יִן בּוֹגֵ֔ד גֶּ֥בֶר יָהִ֖יר וְלֹ֣א יִנְוֶ֑ה אֲשֶׁר֩ הִרְחִ֨יב כִּשְׁא֜וֹל נַפְשׁ֗וֹ וְה֤וּא כַמָּ֨וֶת֙ וְלֹ֣א יִשְׂבָּ֔ע וַיֶּאֱסֹ֤ף אֵלָיו֙ כָּל־הַגּוֹיִ֔ם וַיִּקְבֹּ֥ץ אֵלָ֖יו כָּל־הָעַמִּֽים׃

חבקוק 2:5 הפניות הצלבה

מלכים ב 14:10

הכה הכית את אדום ונשׂאך לבך הכבד ושׁב בביתך ולמה תתגרה ברעה ונפלתה אתה ויהודה עמך׃

תהלים 138:6

כי רם יהוה ושׁפל יראה וגבה ממרחק יידע׃

משלי 20:1

לץ היין המה שׁכר וכל שׁגה בו לא יחכם׃

משלי 21:24

זד יהיר לץ שׁמו עושׂה בעברת זדון׃

משלי 27:20

שׁאול ואבדה לא תשׂבענה ועיני האדם לא תשׂבענה׃

קהלת 5:10

(5:9) אהב כסף לא ישׂבע כסף ומי אהב בהמון לא תבואה גם זה הבל׃

ישעיה 14:6

מכה עמים בעברה מכת בלתי סרה רדה באף גוים מרדף בלי חשׂך׃

ישעיה 16:6

שׁמענו גאון מואב גא מאד גאותו וגאונו ועברתו לא כן בדיו׃

ישעיה 2:17

ושׁח גבהות האדם ושׁפל רום אנשׁים ונשׂגב יהוה לבדו ביום ההוא׃

ישעיה 21:5

ערך השׁלחן צפה הצפית אכול שׁתה קומו השׂרים משׁחו מגן׃

ישעיה 5:14

לכן הרחיבה שׁאול נפשׁה ופערה פיה לבלי חק וירד הדרה והמונה ושׁאונה ועלז׃

ישעיה 5:8

הוי מגיעי בית בבית שׂדה בשׂדה יקריבו עד אפס מקום והושׁבתם לבדכם בקרב הארץ׃

ירמיה 25:9

הנני שׁלח ולקחתי את כל משׁפחות צפון נאם יהוה ואל נבוכדראצר מלך בבל עבדי והבאתים על הארץ הזאת ועל ישׁביה ועל כל הגוים האלה סביב והחרמתים ושׂמתים לשׁמה ולשׁרקה ולחרבות עולם׃

ירמיה 50:29

השׁמיעו אל בבל רבים כל דרכי קשׁת חנו עליה סביב אל יהי פליטה שׁלמו לה כפעלה ככל אשׁר עשׂתה עשׂו לה כי אל יהוה זדה אל קדושׁ ישׂראל׃

ירמיה 51:39

בחמם אשׁית את משׁתיהם והשׁכרתים למען יעלזו וישׁנו שׁנת עולם ולא יקיצו נאם יהוה׃

חבקוק 1:15

כלה בחכה העלה יגרהו בחרמו ויאספהו במכמרתו על כן ישׂמח ויגיל׃

חבקוק 1:17

העל כן יריק חרמו ותמיד להרג גוים לא יחמול׃

חבקוק 2:4

הנה עפלה לא ישׁרה נפשׁו בו וצדיק באמונתו יחיה׃