ויקרא 6:26 - Masoretic Text 1524

²⁶ (6:19) הכהן המחטא אתה יאכלנה במקום קדשׁ תאכל בחצר אהל מועד׃

ויקרא 6:26 הפניות הצלבה

שמות 40:33

ויקם את החצר סביב למשׁכן ולמזבח ויתן את מסך שׁער החצר ויכל משׁה את המלאכה׃

יחזקאל 42:13

ויאמר אלי לשׁכות הצפון לשׁכות הדרום אשׁר אל פני הגזרה הנה לשׁכות הקדשׁ אשׁר יאכלו שׁם הכהנים אשׁר קרובים ליהוה קדשׁי הקדשׁים שׁם יניחו קדשׁי הקדשׁים והמנחה והחטאת והאשׁם כי המקום קדשׁ׃

יחזקאל 46:20

ויאמר אלי זה המקום אשׁר יבשׁלו שׁם הכהנים את האשׁם ואת החטאת אשׁר יאפו את המנחה לבלתי הוציא אל החצר החיצונה לקדשׁ את העם׃

הושע 4:8

חטאת עמי יאכלו ואל עונם ישׂאו נפשׁו׃

ויקרא 6:16

(6:9) והנותרת ממנה יאכלו אהרן ובניו מצות תאכל במקום קדשׁ בחצר אהל מועד יאכלוה׃

ויקרא 6:17

(6:10) לא תאפה חמץ חלקם נתתי אתה מאשׁי קדשׁ קדשׁים הוא כחטאת וכאשׁם׃

ויקרא 6:29

(6:22) כל זכר בכהנים יאכל אתה קדשׁ קדשׁים הוא׃

ויקרא 7:7

כחטאת כאשׁם תורה אחת להם הכהן אשׁר יכפר בו לו יהיה׃