הושע 6:1 - Masoretic Text 1524

¹ לכו ונשׁובה אל יהוה כי הוא טרף וירפאנו יך ויחבשׁנו׃

תנ"ך וברית חדשה בתרגום מודני

¹ לְכוּ֙ וְנָשׁ֣וּבָה אֶל־יְהוָ֔ה כִּ֛י ה֥וּא טָרָ֖ף וְיִרְפָּאֵ֑נוּ יַ֖ךְ וְיַחְבְּשֵֽׁנוּ׃

Westminster Leningrad Codex

¹ לְכוּ֙ וְנָשׁ֣וּבָה אֶל־יְהוָ֔ה כִּ֛י ה֥וּא טָרָ֖ף וְיִרְפָּאֵ֑נוּ יַ֖ךְ וְיַחְבְּשֵֽׁנוּ׃

תנ"ך וברית חדשה בתרגום דליטש

¹ לְכוּ֙ וְנָשׁ֣וּבָה אֶל־יְהוָ֔ה כִּ֛י ה֥וּא טָרָ֖ף וְיִרְפָּאֵ֑נוּ יַ֖ךְ וְיַחְבְּשֵֽׁנוּ׃

הושע 6:1 הפניות הצלבה

דברי הימים ב 30:6

וילכו הרצים באגרות מיד המלך ושׂריו בכל ישׂראל ויהודה וכמצות המלך לאמר בני ישׂראל שׁובו אל יהוה אלהי אברהם יצחק וישׂראל וישׁב אל הפליטה הנשׁארת לכם מכף מלכי אשׁור׃

איוב 16:9

אפו טרף וישׂטמני חרק עלי בשׁניו צרי ילטושׁ עיניו׃

איוב 22:23

אם תשׁוב עד שׁדי תבנה תרחיק עולה מאהלך׃

איוב 34:29

והוא ישׁקט ומי ירשׁע ויסתר פנים ומי ישׁורנו ועל גוי ועל אדם יחד׃

איוב 5:18

כי הוא יכאיב ויחבשׁ ימחץ וידו תרפינה׃

תהלים 30:7

(30:8) יהוה ברצונך העמדתה להררי עז הסתרת פניך הייתי נבהל׃

תהלים 6:2

(6:3) חנני יהוה כי אמלל אני רפאני יהוה כי נבהלו עצמי׃

תהלים 71:20

אשׁר הראיתנו צרות רבות ורעות תשׁוב תחיינו ומתהמות הארץ תשׁוב תעלני׃

קהלת 3:3

עת להרוג ועת לרפוא עת לפרוץ ועת לבנות׃

ישעיה 17:7

ביום ההוא ישׁעה האדם על עשׂהו ועיניו אל קדושׁ ישׂראל תראינה׃

ישעיה 2:3

והלכו עמים רבים ואמרו לכו ונעלה אל הר יהוה אל בית אלהי יעקב וירנו מדרכיו ונלכה בארחתיו כי מציון תצא תורה ודבר יהוה מירושׁלם׃

ישעיה 30:22

וטמאתם את צפוי פסילי כספך ואת אפדת מסכת זהבך תזרם כמו דוה צא תאמר׃

ישעיה 30:26

והיה אור הלבנה כאור החמה ואור החמה יהיה שׁבעתים כאור שׁבעת הימים ביום חבשׁ יהוה את שׁבר עמו ומחץ מכתו ירפא׃

ישעיה 55:7

יעזב רשׁע דרכו ואישׁ און מחשׁבתיו וישׁב אל יהוה וירחמהו ואל אלהינו כי ירבה לסלוח׃

ירמיה 3:22

שׁובו בנים שׁובבים ארפה משׁובתיכם הננו אתנו לך כי אתה יהוה אלהינו׃

ירמיה 30:12

כי כה אמר יהוה אנושׁ לשׁברך נחלה מכתך׃

ירמיה 30:17

כי אעלה ארכה לך וממכותיך ארפאך נאם יהוה כי נדחה קראו לך ציון היא דרשׁ אין׃

ירמיה 33:5

באים להלחם את הכשׂדים ולמלאם את פגרי האדם אשׁר הכיתי באפי ובחמתי ואשׁר הסתרתי פני מהעיר הזאת על כל רעתם׃

ירמיה 33:6

הנני מעלה לה ארכה ומרפא ורפאתים וגליתי להם עתרת שׁלום ואמת׃

ירמיה 50:4

בימים ההמה ובעת ההיא נאם יהוה יבאו בני ישׂראל המה ובני יהודה יחדו הלוך ובכו ילכו ואת יהוה אלהיהם יבקשׁו׃

ירמיה 50:5

ציון ישׁאלו דרך הנה פניהם באו ונלוו אל יהוה ברית עולם לא תשׁכח׃

איכה 3:11

דרכי סורר ויפשׁחני שׂמני שׁמם׃

הושע 11:10

אחרי יהוה ילכו כאריה ישׁאג כי הוא ישׁאג ויחרדו בנים מים׃

הושע 12:6

(12:7) ואתה באלהיך תשׁוב חסד ומשׁפט שׁמר וקוה אל אלהיך תמיד׃

הושע 14:1

(14:2) שׁובה ישׂראל עד יהוה אלהיך כי כשׁלת בעונך׃

הושע 14:4

(14:5) ארפא משׁובתם אהבם נדבה כי שׁב אפי ממנו׃

הושע 3:5

אחר ישׁבו בני ישׂראל ובקשׁו את יהוה אלהיהם ואת דוד מלכם ופחדו אל יהוה ואל טובו באחרית הימים׃

ויקרא 14:48

ואם בא יבא הכהן וראה והנה לא פשׂה הנגע בבית אחרי הטח את הבית וטהר הכהן את הבית כי נרפא הנגע׃

צפניה 2:1

התקושׁשׁו וקושׁו הגוי לא נכסף׃

דברים 32:39

ראו עתה כי אני אני הוא ואין אלהים עמדי אני אמית ואחיה מחצתי ואני ארפא ואין מידי מציל׃

שמואל א 2:6

יהוה ממית ומחיה מוריד שׁאול ויעל׃

שמואל א 7:3

ויאמר שׁמואל אל כל בית ישׂראל לאמר אם בכל לבבכם אתם שׁבים אל יהוה הסירו את אלהי הנכר מתוככם והעשׁתרות והכינו לבבכם אל יהוה ועבדהו לבדו ויצל אתכם מיד פלשׁתים׃