הושע 4:6 - Masoretic Text 1524

⁶ נדמו עמי מבלי הדעת כי אתה הדעת מאסת ואמאסאך מכהן לי ותשׁכח תורת אלהיך אשׁכח בניך גם אני׃

תנ"ך וברית חדשה בתרגום מודני

⁶ נִדְמ֥וּ עַמִּ֖י מִבְּלִ֣י הַדָּ֑עַת כִּֽי־אַתָּ֞ה הַדַּ֣עַת מָאַ֗סְתָּ וְאֶמְאָֽסְאךָ֙ מִכַּהֵ֣ן לִ֔י וַתִּשְׁכַּח֙ תּוֹרַ֣ת אֱלֹהֶ֔יךָ אֶשְׁכַּ֥ח בָּנֶ֖יךָ גַּם־אָֽנִי׃

Westminster Leningrad Codex

⁶ נִדְמ֥וּ עַמִּ֖י מִבְּלִ֣י הַדָּ֑עַת כִּֽי־אַתָּ֞ה הַדַּ֣עַת מָאַ֗סְתָּ וְאֶמְאָֽסְאךָ֙ מִכַּהֵ֣ן לִ֔י וַתִּשְׁכַּח֙ תּוֹרַ֣ת אֱלֹהֶ֔יךָ אֶשְׁכַּ֥ח בָּנֶ֖יךָ גַּם־אָֽנִי׃

תנ"ך וברית חדשה בתרגום דליטש

⁶ נִדְמ֥וּ עַמִּ֖י מִבְּלִ֣י הַדָּ֑עַת כִּֽי־אַתָּ֞ה הַדַּ֣עַת מָאַ֗סְתָּ וְאֶמְאָֽסְאךָ֙ מִכַּהֵ֣ן לִ֔י וַתִּשְׁכַּח֙ תּוֹרַ֣ת אֱלֹהֶ֔יךָ אֶשְׁכַּ֥ח בָּנֶ֖יךָ גַּם־אָֽנִי׃

הושע 4:6 הפניות הצלבה

דברי הימים ב 15:3

וימים רבים לישׂראל ללא אלהי אמת וללא כהן מורה וללא תורה׃

איוב 36:12

ואם לא ישׁמעו בשׁלח יעברו ויגועו בבלי דעת׃

תהלים 119:139

צמתתני קנאתי כי שׁכחו דבריך צרי׃

תהלים 119:153

ראה עניי וחלצני כי תורתך לא שׁכחתי׃

תהלים 119:61

חבלי רשׁעים עודני תורתך לא שׁכחתי׃

תהלים 18:27

(18:28) כי אתה עם עני תושׁיע ועינים רמות תשׁפיל׃

משלי 10:21

שׂפתי צדיק ירעו רבים ואוילים בחסר לב ימותו׃

משלי 19:2

גם בלא דעת נפשׁ לא טוב ואץ ברגלים חוטא׃

ישעיה 1:3

ידע שׁור קנהו וחמור אבוס בעליו ישׂראל לא ידע עמי לא התבונן׃

ישעיה 17:10

כי שׁכחת אלהי ישׁעך וצור מעזך לא זכרת על כן תטעי נטעי נעמנים וזמרת זר תזרענו׃

ישעיה 27:11

ביבשׁ קצירה תשׁברנה נשׁים באות מאירות אותה כי לא עם בינות הוא על כן לא ירחמנו עשׂהו ויצרו לא יחננו׃

ישעיה 28:7

וגם אלה ביין שׁגו ובשׁכר תעו כהן ונביא שׁגו בשׁכר נבלעו מן היין תעו מן השׁכר שׁגו בראה פקו פליליה׃

ישעיה 29:12

ונתן הספר על אשׁר לא ידע ספר לאמר קרא נא זה ואמר לא ידעתי ספר׃

ישעיה 3:12

עמי נגשׂיו מעולל ונשׁים משׁלו בו עמי מאשׁריך מתעים ודרך ארחתיך בלעו׃

ישעיה 45:20

הקבצו ובאו התנגשׁו יחדו פליטי הגוים לא ידעו הנשׂאים את עץ פסלם ומתפללים אל אל לא יושׁיע׃

ישעיה 5:13

לכן גלה עמי מבלי דעת וכבודו מתי רעב והמונו צחה צמא׃

ירמיה 2:8

הכהנים לא אמרו איה יהוה ותפשׂי התורה לא ידעוני והרעים פשׁעו בי והנביאים נבאו בבעל ואחרי לא יועלו הלכו׃

ירמיה 4:22

כי אויל עמי אותי לא ידעו בנים סכלים המה ולא נבונים המה חכמים המה להרע ולהיטיב לא ידעו׃

ירמיה 5:21

שׁמעו נא זאת עם סכל ואין לב עינים להם ולא יראו אזנים להם ולא ישׁמעו׃

יחזקאל 44:23

ואת עמי יורו בין קדשׁ לחל ובין טמא לטהור יודעם׃

הושע 13:6

כמרעיתם וישׂבעו שׂבעו וירם לבם על כן שׁכחוני׃

הושע 2:13

(2:15) ופקדתי עליה את ימי הבעלים אשׁר תקטיר להם ותעד נזמה וחליתה ותלך אחרי מאהביה ואתי שׁכחה נאם יהוה׃

הושע 4:1

שׁמעו דבר יהוה בני ישׂראל כי ריב ליהוה עם יושׁבי הארץ כי אין אמת ואין חסד ואין דעת אלהים בארץ׃

הושע 4:12

עמי בעצו ישׁאל ומקלו יגיד לו כי רוח זנונים התעה ויזנו מתחת אלהיהם׃

הושע 4:14

לא אפקוד על בנותיכם כי תזנינה ועל כלותיכם כי תנאפנה כי הם עם הזנות יפרדו ועם הקדשׁות יזבחו ועם לא יבין ילבט׃

הושע 5:4

לא יתנו מעלליהם לשׁוב אל אלהיהם כי רוח זנונים בקרבם ואת יהוה לא ידעו׃

הושע 6:6

כי חסד חפצתי ולא זבח ודעת אלהים מעלות׃

הושע 7:11

ויהי אפרים כיונה פותה אין לב מצרים קראו אשׁור הלכו׃

הושע 7:9

אכלו זרים כחו והוא לא ידע גם שׂיבה זרקה בו והוא לא ידע׃

הושע 8:1

אל חכך שׁפר כנשׁר על בית יהוה יען עברו בריתי ועל תורתי פשׁעו׃

הושע 8:12

אכתוב לו רבו תורתי כמו זר נחשׁבו׃

הושע 8:14

וישׁכח ישׂראל את עשׂהו ויבן היכלות ויהודה הרבה ערים בצרות ושׁלחתי אשׁ בעריו ואכלה ארמנתיה׃

הושע 9:17

ימאסם אלהי כי לא שׁמעו לו ויהיו נדדים בגוים׃

שמואל א 2:12

ובני עלי בני בליעל לא ידעו את יהוה׃