בראשית 6:7 - Masoretic Text 1524

⁷ ויאמר יהוה אמחה את האדם אשׁר בראתי מעל פני האדמה מאדם עד בהמה עד רמשׂ ועד עוף השׁמים כי נחמתי כי עשׂיתם׃

תנ"ך וברית חדשה בתרגום מודני

⁷ וַיֹּ֣אמֶר יְהוָ֗ה אֶמְחֶ֨ה אֶת־הָאָדָ֤ם אֲשֶׁר־בָּרָ֨אתִי֙ מֵעַל֙ פְּנֵ֣י הָֽאֲדָמָ֔ה מֵֽאָדָם֙ עַד־בְּהֵמָ֔ה עַד־רֶ֖מֶשׂ וְעַד־ע֣וֹף הַשָּׁמָ֑יִם כִּ֥י נִחַ֖מְתִּי כִּ֥י עֲשִׂיתִֽם׃

Westminster Leningrad Codex

⁷ וַיֹּ֣אמֶר יְהוָ֗ה אֶמְחֶ֨ה אֶת־הָאָדָ֤ם אֲשֶׁר־בָּרָ֨אתִי֙ מֵעַל֙ פְּנֵ֣י הָֽאֲדָמָ֔ה מֵֽאָדָם֙ עַד־בְּהֵמָ֔ה עַד־רֶ֖מֶשׂ וְעַד־ע֣וֹף הַשָּׁמָ֑יִם כִּ֥י נִחַ֖מְתִּי כִּ֥י עֲשִׂיתִֽם׃

תנ"ך וברית חדשה בתרגום דליטש

⁷ וַיֹּ֣אמֶר יְהוָ֗ה אֶמְחֶ֨ה אֶת־הָאָדָ֤ם אֲשֶׁר־בָּרָ֨אתִי֙ מֵעַל֙ פְּנֵ֣י הָֽאֲדָמָ֔ה מֵֽאָדָם֙ עַד־בְּהֵמָ֔ה עַד־רֶ֖מֶשׂ וְעַד־ע֣וֹף הַשָּׁמָ֑יִם כִּ֥י נִחַ֖מְתִּי כִּ֥י עֲשִׂיתִֽם׃

בראשית 6:7 הפניות הצלבה

בראשית 6:6

וינחם יהוה כי עשׂה את האדם בארץ ויתעצב אל לבו׃

בראשית 7:21

ויגוע כל בשׂר הרמשׂ על הארץ בעוף ובבהמה ובחיה ובכל השׁרץ השׁרץ על הארץ וכל האדם׃

בראשית 7:4

כי לימים עוד שׁבעה אנכי ממטיר על הארץ ארבעים יום וארבעים לילה ומחיתי את כל היקום אשׁר עשׂיתי מעל פני האדמה׃

בראשית 8:21

וירח יהוה את ריח הניחח ויאמר יהוה אל לבו לא אסף לקלל עוד את האדמה בעבור האדם כי יצר לב האדם רע מנעריו ולא אסף עוד להכות את כל חי כאשׁר עשׂיתי׃

תהלים 37:20

כי רשׁעים יאבדו ואיבי יהוה כיקר כרים כלו בעשׁן כלו׃

משלי 10:27

יראת יהוה תוסיף ימים ושׁנות רשׁעים תקצרנה׃

משלי 16:4

כל פעל יהוה למענהו וגם רשׁע ליום רעה׃

ישעיה 27:11

ביבשׁ קצירה תשׁברנה נשׁים באות מאירות אותה כי לא עם בינות הוא על כן לא ירחמנו עשׂהו ויצרו לא יחננו׃

הושע 4:3

על כן תאבל הארץ ואמלל כל יושׁב בה בחית השׂדה ובעוף השׁמים וגם דגי הים יאספו׃

עמוס 7:3

נחם יהוה על זאת לא תהיה אמר יהוה׃

עמוס 7:6

נחם יהוה על זאת גם היא לא תהיה אמר אדני יהוה׃

צפניה 1:18

גם כספם גם זהבם לא יוכל להצילם ביום עברת יהוה ובאשׁ קנאתו תאכל כל הארץ כי כלה אך נבהלה יעשׂה את כל ישׁבי הארץ׃

צפניה 1:2

אסף אסף כל מעל פני האדמה נאם יהוה׃

צפניה 1:3

אסף אדם ובהמה אסף עוף השׁמים ודגי הים והמכשׁלות את הרשׁעים והכרתי את האדם מעל פני האדמה נאם יהוה׃

דברים 28:63

והיה כאשׁר שׂשׂ יהוה עליכם להיטיב אתכם ולהרבות אתכם כן ישׂישׂ יהוה עליכם להאביד אתכם ולהשׁמיד אתכם ונסחתם מעל האדמה אשׁר אתה בא שׁמה לרשׁתה׃

דברים 29:20

(29:19) לא יאבה יהוה סלח לו כי אז יעשׁן אף יהוה וקנאתו באישׁ ההוא ורבצה בו כל האלה הכתובה בספר הזה ומחה יהוה את שׁמו מתחת השׁמים׃

שמואל א 15:11

נחמתי כי המלכתי את שׁאול למלך כי שׁב מאחרי ואת דברי לא הקים ויחר לשׁמואל ויזעק אל יהוה כל הלילה׃