בראשית 20:1 - Masoretic Text 1524

¹ ויסע משׁם אברהם ארצה הנגב וישׁב בין קדשׁ ובין שׁור ויגר בגרר׃

תנ"ך וברית חדשה בתרגום מודני

¹ וַיִּסַּ֨ע מִשָּׁ֤ם אַבְרָהָם֙ אַ֣רְצָה הַנֶּ֔גֶב וַיֵּ֥שֶׁב בֵּין־קָדֵ֖שׁ וּבֵ֣ין שׁ֑וּר וַיָּ֖גָר בִּגְרָֽר׃

Westminster Leningrad Codex

¹ וַיִּסַּ֨ע מִשָּׁ֤ם אַבְרָהָם֙ אַ֣רְצָה הַנֶּ֔גֶב וַיֵּ֥שֶׁב בֵּין־קָדֵ֖שׁ וּבֵ֣ין שׁ֑וּר וַיָּ֖גָר בִּגְרָֽר׃

תנ"ך וברית חדשה בתרגום דליטש

¹ וַיִּסַּ֨ע מִשָּׁ֤ם אַבְרָהָם֙ אַ֣רְצָה הַנֶּ֔גֶב וַיֵּ֥שֶׁב בֵּין־קָדֵ֖שׁ וּבֵ֣ין שׁ֑וּר וַיָּ֖גָר בִּגְרָֽר׃

בראשית 20:1 הפניות הצלבה

בראשית 10:19

ויהי גבול הכנעני מצידן באכה גררה עד עזה באכה סדמה ועמרה ואדמה וצבים עד לשׁע׃

בראשית 12:9

ויסע אברם הלוך ונסוע הנגבה׃

בראשית 13:1

ויעל אברם ממצרים הוא ואשׁתו וכל אשׁר לו ולוט עמו הנגבה׃

בראשית 14:7

וישׁבו ויבאו אל עין משׁפט הוא קדשׁ ויכו את כל שׂדה העמלקי וגם את האמרי הישׁב בחצצן תמר׃

בראשית 16:1

ושׂרי אשׁת אברם לא ילדה לו ולה שׁפחה מצרית ושׁמה הגר׃

בראשית 16:14

על כן קרא לבאר באר לחי ראי הנה בין קדשׁ ובין ברד׃

בראשית 16:7

וימצאה מלאך יהוה על עין המים במדבר על העין בדרך שׁור׃

בראשית 18:1

וירא אליו יהוה באלני ממרא והוא ישׁב פתח האהל כחם היום׃

בראשית 21:34

ויגר אברהם בארץ פלשׁתים ימים רבים׃

בראשית 24:62

ויצחק בא מבוא באר לחי ראי והוא יושׁב בארץ הנגב׃

בראשית 25:18

וישׁכנו מחוילה עד שׁור אשׁר על פני מצרים באכה אשׁורה על פני כל אחיו נפל׃

בראשית 26:1

ויהי רעב בארץ מלבד הרעב הראשׁון אשׁר היה בימי אברהם וילך יצחק אל אבימלך מלך פלשׁתים גררה׃

בראשית 26:20

ויריבו רעי גרר עם רעי יצחק לאמר לנו המים ויקרא שׁם הבאר עשׂק כי התעשׂקו עמו׃

בראשית 26:26

ואבימלך הלך אליו מגרר ואחזת מרעהו ופיכל שׂר צבאו׃

בראשית 26:6

וישׁב יצחק בגרר׃

תהלים 29:8

קול יהוה יחיל מדבר יחיל יהוה מדבר קדשׁ׃

שמות 15:22

ויסע משׁה את ישׂראל מים סוף ויצאו אל מדבר שׁור וילכו שׁלשׁת ימים במדבר ולא מצאו מים׃

במדבר 13:26

וילכו ויבאו אל משׁה ואל אהרן ואל כל עדת בני ישׂראל אל מדבר פארן קדשׁה וישׁיבו אתם דבר ואת כל העדה ויראום את פרי הארץ׃

במדבר 20:16

ונצעק אל יהוה וישׁמע קלנו וישׁלח מלאך ויצאנו ממצרים והנה אנחנו בקדשׁ עיר קצה גבולך׃

דברים 1:19

ונסע מחרב ונלך את כל המדבר הגדול והנורא ההוא אשׁר ראיתם דרך הר האמרי כאשׁר צוה יהוה אלהינו אתנו ונבא עד קדשׁ ברנע׃

דברים 32:51

על אשׁר מעלתם בי בתוך בני ישׂראל במי מריבת קדשׁ מדבר צן על אשׁר לא קדשׁתם אותי בתוך בני ישׂראל׃

שמואל א 15:7

ויך שׁאול את עמלק מחוילה בואך שׁור אשׁר על פני מצרים׃