בראשית 2:1 - Masoretic Text 1524

¹ ויכלו השׁמים והארץ וכל צבאם׃

תנ"ך וברית חדשה בתרגום מודני

¹ וַיְכֻלּ֛וּ הַשָּׁמַ֥יִם וְהָאָ֖רֶץ וְכָל־צְבָאָֽם׃

Westminster Leningrad Codex

¹ וַיְכֻלּ֛וּ הַשָּׁמַ֥יִם וְהָאָ֖רֶץ וְכָל־צְבָאָֽם׃

תנ"ך וברית חדשה בתרגום דליטש

¹ וַיְכֻלּ֛וּ הַשָּׁמַ֥יִם וְהָאָ֖רֶץ וְכָל־צְבָאָֽם׃

בראשית 2:1 הפניות הצלבה

בראשית 1:1

בראשׁית ברא אלהים את השׁמים ואת הארץ׃

בראשית 1:10

ויקרא אלהים ליבשׁה ארץ ולמקוה המים קרא ימים וירא אלהים כי טוב׃

בראשית 2:4

אלה תולדות השׁמים והארץ בהבראם ביום עשׂות יהוה אלהים ארץ ושׁמים׃

מלכים ב 19:15

ויתפלל חזקיהו לפני יהוה ויאמר יהוה אלהי ישׂראל ישׁב הכרבים אתה הוא האלהים לבדך לכל ממלכות הארץ אתה עשׂית את השׁמים ואת הארץ׃

דברי הימים ב 2:12

(2:11) ויאמר חורם ברוך יהוה אלהי ישׂראל אשׁר עשׂה את השׁמים ואת הארץ אשׁר נתן לדויד המלך בן חכם יודע שׂכל ובינה אשׁר יבנה בית ליהוה ובית למלכותו׃

נחמיה 9:6

אתה הוא יהוה לבדך את עשׂית את השׁמים שׁמי השׁמים וכל צבאם הארץ וכל אשׁר עליה הימים וכל אשׁר בהם ואתה מחיה את כלם וצבא השׁמים לך משׁתחוים׃

איוב 12:9

מי לא ידע בכל אלה כי יד יהוה עשׂתה זאת׃

תהלים 104:2

עטה אור כשׂלמה נוטה שׁמים כיריעה׃

תהלים 146:6

עשׂה שׁמים וארץ את הים ואת כל אשׁר בם השׁמר אמת לעולם׃

תהלים 33:6

בדבר יהוה שׁמים נעשׂו וברוח פיו כל צבאם׃

תהלים 33:9

כי הוא אמר ויהי הוא צוה ויעמד׃

שמות 20:11

כי שׁשׁת ימים עשׂה יהוה את השׁמים ואת הארץ את הים ואת כל אשׁר בם וינח ביום השׁביעי על כן ברך יהוה את יום השׁבת ויקדשׁהו׃

שמות 31:17

ביני ובין בני ישׂראל אות הוא לעלם כי שׁשׁת ימים עשׂה יהוה את השׁמים ואת הארץ וביום השׁביעי שׁבת וינפשׁ׃

ישעיה 34:4

ונמקו כל צבא השׁמים ונגלו כספר השׁמים וכל צבאם יבול כנבל עלה מגפן וכנבלת מתאנה׃

ישעיה 42:5

כה אמר האל יהוה בורא השׁמים ונוטיהם רקע הארץ וצאצאיה נתן נשׁמה לעם עליה ורוח להלכים׃

ישעיה 45:12

אנכי עשׂיתי ארץ ואדם עליה בראתי אני ידי נטו שׁמים וכל צבאם צויתי׃

ישעיה 45:18

כי כה אמר יהוה בורא השׁמים הוא האלהים יצר הארץ ועשׂה הוא כוננה לא תהו בראה לשׁבת יצרה אני יהוה ואין עוד׃

ישעיה 48:13

אף ידי יסדה ארץ וימיני טפחה שׁמים קרא אני אליהם יעמדו יחדו׃

ישעיה 55:9

כי גבהו שׁמים מארץ כן גבהו דרכי מדרכיכם ומחשׁבתי ממחשׁבתיכם׃

ישעיה 65:17

כי הנני בורא שׁמים חדשׁים וארץ חדשׁה ולא תזכרנה הראשׁנות ולא תעלינה על לב׃

ירמיה 10:12

עשׂה ארץ בכחו מכין תבל בחכמתו ובתבונתו נטה שׁמים׃

ירמיה 10:16

לא כאלה חלק יעקב כי יוצר הכל הוא וישׂראל שׁבט נחלתו יהוה צבאות שׁמו׃

ירמיה 8:2

ושׁטחום לשׁמשׁ ולירח ולכל צבא השׁמים אשׁר אהבום ואשׁר עבדום ואשׁר הלכו אחריהם ואשׁר דרשׁום ואשׁר השׁתחוו להם לא יאספו ולא יקברו לדמן על פני האדמה יהיו׃

זכריה 12:1

משׂא דבר יהוה על ישׂראל נאם יהוה נטה שׁמים ויסד ארץ ויצר רוח אדם בקרבו׃

דברים 17:3

וילך ויעבד אלהים אחרים וישׁתחו להם ולשׁמשׁ או לירח או לכל צבא השׁמים אשׁר לא צויתי׃

דברים 4:19

ופן תשׂא עיניך השׁמימה וראית את השׁמשׁ ואת הירח ואת הכוכבים כל צבא השׁמים ונדחת והשׁתחוית להם ועבדתם אשׁר חלק יהוה אלהיך אתם לכל העמים תחת כל השׁמים׃