במדבר 1:46 - Masoretic Text 1524

⁴⁶ ויהיו כל הפקדים שׁשׁ מאות אלף ושׁלשׁת אלפים וחמשׁ מאות וחמשׁים׃

תנ"ך וברית חדשה בתרגום מודני

⁴⁶ וַיִּֽהְיוּ֙ כָּל־הַפְּקֻדִ֔ים שֵׁשׁ־מֵא֥וֹת אֶ֖לֶף וּשְׁלֹ֣שֶׁת אֲלָפִ֑ים וַחֲמֵ֥שׁ מֵא֖וֹת וַחֲמִשִּֽׁים׃

Westminster Leningrad Codex

⁴⁶ וַיִּֽהְיוּ֙ כָּל־הַפְּקֻדִ֔ים שֵׁשׁ־מֵא֥וֹת אֶ֖לֶף וּשְׁלֹ֣שֶׁת אֲלָפִ֑ים וַחֲמֵ֥שׁ מֵא֖וֹת וַחֲמִשִּֽׁים׃

תנ"ך וברית חדשה בתרגום דליטש

⁴⁶ וַיִּֽהְיוּ֙ כָּל־הַפְּקֻדִ֔ים שֵׁשׁ־מֵא֥וֹת אֶ֖לֶף וּשְׁלֹ֣שֶׁת אֲלָפִ֑ים וַחֲמֵ֥שׁ מֵא֖וֹת וַחֲמִשִּֽׁים׃

במדבר 1:46 הפניות הצלבה

בראשית 12:2

ואעשׂך לגוי גדול ואברכך ואגדלה שׁמך והיה ברכה׃

בראשית 13:16

ושׂמתי את זרעך כעפר הארץ אשׁר אם יוכל אישׁ למנות את עפר הארץ גם זרעך ימנה׃

בראשית 15:5

ויוצא אתו החוצה ויאמר הבט נא השׁמימה וספר הכוכבים אם תוכל לספר אתם ויאמר לו כה יהיה זרעך׃

בראשית 17:6

והפרתי אתך במאד מאד ונתתיך לגוים ומלכים ממך יצאו׃

בראשית 22:17

כי ברך אברכך והרבה ארבה את זרעך ככוכבי השׁמים וכחול אשׁר על שׂפת הים וירשׁ זרעך את שׁער איביו׃

בראשית 26:3

גור בארץ הזאת ואהיה עמך ואברכך כי לך ולזרעך אתן את כל הארצת האל והקמתי את השׁבעה אשׁר נשׁבעתי לאברהם אביך׃

בראשית 28:14

והיה זרעך כעפר הארץ ופרצת ימה וקדמה וצפנה ונגבה ונברכו בך כל משׁפחת האדמה ובזרעך׃

שמואל ב 24:9

ויתן יואב את מספר מפקד העם אל המלך ותהי ישׂראל שׁמנה מאות אלף אישׁ חיל שׁלף חרב ואישׁ יהודה חמשׁ מאות אלף אישׁ׃

מלכים א 4:20

יהודה וישׂראל רבים כחול אשׁר על הים לרב אכלים ושׁתים ושׂמחים׃

דברי הימים א 21:5

ויתן יואב את מספר מפקד העם אל דויד ויהי כל ישׂראל אלף אלפים ומאה אלף אישׁ שׁלף חרב ויהודה ארבע מאות ושׁבעים אלף אישׁ שׁלף חרב׃

דברי הימים ב 13:3

ויאסר אביה את המלחמה בחיל גבורי מלחמה ארבע מאות אלף אישׁ בחור וירבעם ערך עמו מלחמה בשׁמונה מאות אלף אישׁ בחור גבור חיל׃

שמות 12:37

ויסעו בני ישׂראל מרעמסס סכתה כשׁשׁ מאות אלף רגלי הגברים לבד מטף׃

שמות 38:26

בקע לגלגלת מחצית השׁקל בשׁקל הקדשׁ לכל העבר על הפקדים מבן עשׂרים שׁנה ומעלה לשׁשׁ מאות אלף ושׁלשׁת אלפים וחמשׁ מאות וחמשׁים׃

במדבר 1:45

ויהיו כל פקודי בני ישׂראל לבית אבתם מבן עשׂרים שׁנה ומעלה כל יצא צבא בישׂראל׃

במדבר 11:21

ויאמר משׁה שׁשׁ מאות אלף רגלי העם אשׁר אנכי בקרבו ואתה אמרת בשׂר אתן להם ואכלו חדשׁ ימים׃

במדבר 14:29

במדבר הזה יפלו פגריכם וכל פקדיכם לכל מספרכם מבן עשׂרים שׁנה ומעלה אשׁר הלינתם עלי׃

במדבר 2:32

אלה פקודי בני ישׂראל לבית אבתם כל פקודי המחנת לצבאתם שׁשׁ מאות אלף ושׁלשׁת אלפים וחמשׁ מאות וחמשׁים׃

במדבר 23:10

מי מנה עפר יעקב ומספר את רבע ישׂראל תמת נפשׁי מות ישׁרים ותהי אחריתי כמהו׃

במדבר 26:51

אלה פקודי בני ישׂראל שׁשׁ מאות אלף ואלף שׁבע מאות ושׁלשׁים׃

דברים 10:22

בשׁבעים נפשׁ ירדו אבתיך מצרימה ועתה שׂמך יהוה אלהיך ככוכבי השׁמים לרב׃