איכה 1:18 - Masoretic Text 1524

¹⁸ צדיק הוא יהוה כי פיהו מריתי שׁמעו נא כל עמים וראו מכאבי בתולתי ובחורי הלכו בשׁבי׃

תנ"ך וברית חדשה בתרגום מודני

¹⁸ צַדִּ֥יק ה֛וּא יְהוָ֖ה כִּ֣י פִ֣יהוּ מָרִ֑יתִי שִׁמְעוּ־נָ֣א כָל־(עמים)* הָֽעַמִּ֗ים* וּרְאוּ֙ מַכְאֹבִ֔י בְּתוּלֹתַ֥י וּבַחוּרַ֖י הָלְכ֥וּ בַשֶּֽׁבִי׃ ס*

Westminster Leningrad Codex

¹⁸ צַדִּ֥יק ה֛וּא יְהוָ֖ה כִּ֣י פִ֣יהוּ מָרִ֑יתִי שִׁמְעוּ־נָ֣א כָל־עמים וּרְאוּ֙ מַכְאֹבִ֔י בְּתוּלֹתַ֥י וּבַחוּרַ֖י הָלְכ֥וּ בַשֶּֽׁבִי׃ ס

תנ"ך וברית חדשה בתרגום דליטש

¹⁸ צַדִּ֥יק ה֛וּא יְהוָ֖ה כִּ֣י פִ֣יהוּ מָרִ֑יתִי שִׁמְעוּ־נָ֣א כָל־(עמים)* הָֽעַמִּ֗ים* וּרְאוּ֙ מַכְאֹבִ֔י בְּתוּלֹתַ֥י וּבַחוּרַ֖י הָלְכ֥וּ בַשֶּֽׁבִי׃ ס*

איכה 1:18 הפניות הצלבה

מלכים א 13:21

ויקרא אל אישׁ האלהים אשׁר בא מיהודה לאמר כה אמר יהוה יען כי מרית פי יהוה ולא שׁמרת את המצוה אשׁר צוך יהוה אלהיך׃

עזרא 9:13

ואחרי כל הבא עלינו במעשׂינו הרעים ובאשׁמתנו הגדלה כי אתה אלהינו חשׂכת למטה מעוננו ונתתה לנו פליטה כזאת׃

נחמיה 9:26

וימרו וימרדו בך וישׁלכו את תורתך אחרי גום ואת נביאיך הרגו אשׁר העידו בם להשׁיבם אליך ויעשׂו נאצות גדולת׃

נחמיה 9:33

ואתה צדיק על כל הבא עלינו כי אמת עשׂית ואנחנו הרשׁענו׃

תהלים 107:11

כי המרו אמרי אל ועצת עליון נאצו׃

תהלים 119:137

צדיק אתה יהוה וישׁר משׁפטיך׃

תהלים 119:75

ידעתי יהוה כי צדק משׁפטיך ואמונה עניתני׃

תהלים 145:17

צדיק יהוה בכל דרכיו וחסיד בכל מעשׂיו׃

שמות 9:27

וישׁלח פרעה ויקרא למשׁה ולאהרן ויאמר אלהם חטאתי הפעם יהוה הצדיק ואני ועמי הרשׁעים׃

ירמיה 12:1

צדיק אתה יהוה כי אריב אליך אך משׁפטים אדבר אותך מדוע דרך רשׁעים צלחה שׁלו כל בגדי בגד׃

ירמיה 32:23

ויבאו וירשׁו אתה ולא שׁמעו בקולך ובתרותך לא הלכו את כל אשׁר צויתה להם לעשׂות לא עשׂו ותקרא אתם את כל הרעה הזאת׃

ירמיה 4:17

כשׁמרי שׂדי היו עליה מסביב כי אתי מרתה נאם יהוה׃

ירמיה 49:12

כי כה אמר יהוה הנה אשׁר אין משׁפטם לשׁתות הכוס שׁתו ישׁתו ואתה הוא נקה תנקה לא תנקה כי שׁתה תשׁתה׃

איכה 1:12

לוא אליכם כל עברי דרך הביטו וראו אם ישׁ מכאוב כמכאבי אשׁר עולל לי אשׁר הוגה יהוה ביום חרון אפו׃

איכה 3:42

נחנו פשׁענו ומרינו אתה לא סלחת׃

איכה 5:16

נפלה עטרת ראשׁנו אוי נא לנו כי חטאנו׃

דניאל 9:5

חטאנו ועוינו והרשׁענו ומרדנו וסור ממצותך וממשׁפטיך׃

דניאל 9:7

לך אדני הצדקה ולנו בשׁת הפנים כיום הזה לאישׁ יהודה וליושׁבי ירושׁלם ולכל ישׂראל הקרבים והרחקים בכל הארצות אשׁר הדחתם שׁם במעלם אשׁר מעלו׃

עמוס 8:13

ביום ההוא תתעלפנה הבתולת היפות והבחורים בצמא׃

צפניה 3:5

יהוה צדיק בקרבה לא יעשׂה עולה בבקר בבקר משׁפטו יתן לאור לא נעדר ולא יודע עול בשׁת׃

זכריה 1:6

אך דברי וחקי אשׁר צויתי את עבדי הנביאים הלוא השׂיגו אבתיכם וישׁובו ויאמרו כאשׁר זמם יהוה צבאות לעשׂות לנו כדרכינו וכמעללינו כן עשׂה אתנו׃

דברים 32:4

הצור תמים פעלו כי כל דרכיו משׁפט אל אמונה ואין עול צדיק וישׁר הוא׃

שפטים 1:7

ויאמר אדני בזק שׁבעים מלכים בהנות ידיהם ורגליהם מקצצים היו מלקטים תחת שׁלחני כאשׁר עשׂיתי כן שׁלם לי אלהים ויביאהו ירושׁלם וימת שׁם׃

שמואל א 15:23

כי חטאת קסם מרי ואון ותרפים הפצר יען מאסת את דבר יהוה וימאסך ממלך׃