Juan 3:3

Ñanderuete Ñe’ẽ Porã 2015

Hesu ombohovái ichupe: Añetehápe, añetehápe ha’e ndéve upe onace jevy’ỹva ndaikatúi oike Ñanderuete retãguasúpe ha ndohechaiva’erã avei ichupe.

Referencias Cruzadas

Jeremías 5:21

Pehendúke ko’ã mba’e, tetã itavy ha iñakã porã’ỹva, hesa mokõi ramojepe ndohechái, ijapysa mokõi ramojepe nohendúi.

Ezequiel 36:26

Ame’ẽta peẽme peteĩ py’a ipyahúva ha amo’ĩta pendepype peteĩ pytu porã ha ipyahúva; ha aipe’áta pende retégui pende py’a itaguiguáva, ha ame’ẽta peẽme peteĩ teko ipyahúva (py’a to’oguiguáva).

Matéo 16:17

Upévo Hesu ombohovái ha he’i ichupe: Revy’aite nde Simon, Jonas ra’y, ndaha’éigui to’o térã tuguy ohechauka ndéve ko mba’e kóva, Che Ru yvága pegua añónte uvei.

Matéo 19:24

Ha Che ha’e jevy peẽme, ndahasyveiha peteĩ guéi ohasa hag̃ua ju resa rupi, peteĩ ipirapire hetávagui oike hag̃ua Ñanderuete retãguasúpe.

Matéo 21:31

Mavaitépa ko’ã mokõivévagui ojapo itúva rembipota. Ha he’i hikuái: Pe tenondeguáva. Ha Hesu he’i ichupekuéra: Añetehápe ha’e peẽme umi impuésto mbyatyhára ha kuña heko vaíva ningo itenondeve pendehegui Ñanderuete retãguasúpe.

Matéo 5:18

Añetehápe Che voi ha’e peẽme, opa peve ára ha yvy, ndojeimo’ãi peteĩ létra michĩva ni peteĩ létra pehẽngue (jepe) Moises rembiapoukapykuéragui, oikopava’erã katu (ojehai hagueichaite).

Márcos 10:14

Hesu katu ohechávo péva ipochy ha he’i ichupekuéra. Peheja mitãkuéra tou che rendápe, ani pejoko ichupekuéra, peichagua oikeva’erã Ñanderuete retãguasúpe.

Márcos 9:47

Ha nde resa nemoñepysangárõ, enohẽ, iporãve ndéve reike Ñanderuete retãguasúpe peteĩ nde resa rehevénte, ani hag̃ua nde resa mokõi reheve reho aña retãme,

Juan 1:13

Kóva nonacéi yvyarigua ruguy rupi, ni yvyarigua ro’o rupi, ni kuimba’e rembipota rupi, Ñanderuete rembipota rupínte uvei onace.

Juan 1:5

Ha pe Tesape ningo ohesape pytũmbýpe, ha pe pytũ ndaipu’akái hese.

Juan 1:51

Ha Hesu he’i jevy: Añete, añete ha’e peẽme pehecháta yvága ojepe’arõ ha angelkuéra ojupi ha oguejy ramo yvyarigua Ra’y ári.

Juan 12:40

Ñanderuete omohesatũ ichupekuéra, ha omohatã ipy’apykuéra, ani hag̃ua ohecha hesa rupi, ni oikuaa mba’evete ipy’apy rupi, ani hag̃ua ojevy hikuái Che amonguera hag̃ua ichupekuéra, (Isaías 6,9-10).

Juan 3:4

Nicodémo oporandu Hesúpe: Mba’éicha piko peteĩ kuimba’e okakuaapa rire ha itujáma rire, ikatúne oike pyahu isy ryépe onace jevy hag̃ua.

2 Corintoyguakuérape 4:4

Ha péva ojehu ko yvy jára (Satana) omohesatũgui ipensamientokuéra, ani hag̃ua ohecha pe tesape oúva Hesu Crísto reko jajaipa ha iñe’ẽ porãitégui, Hesu Crísto ningo Ñanderuete ra’ãnga voi.

2 Corintoyguakuérape 5:17

Upévare upe oikóva Hesu Cristopype oñemoingo pyahúma, oñemboheko ambuéma (nacimiénto pyahu), pe teko tuja opáma (pe teko tuja nomandavéima hekovépe). Peikuaa porãke, pe teko pyahu oñepyrũma hague.

Galaciayguakuérape 6:15

Pe ñekytĩ’o ndaha’éi mba’eve, ha pe ñekytĩ’o’ỹ ndaha’éi avei mba’eve, pe tekove pyahu Hesu Crísto rupínte ovale.

Efesoyguakuérape 2:1

Ñanderuete penemoingovéma avei, yma peẽ pemano napeneñe’ẽrendúigui, pene rembiapo vai rupi,

Deuteronómio 29:4

Ko ára kóva peve Ñanderuete nome’ẽi gueteri peẽme akã arandu peikuaa hag̃ua, tesa pehecha hag̃ua ha apysa pehendu hag̃ua.

Títope 3:5

ndaha’éi yvyarigua rembiapo porã rupi, iporiahuvereko rupi uvei Ha’e ñandesalva pe ára ñande jajebautiza ha ñanemonace pyahu jevy ramoguare pe Pytu Porãmbáva rupi,

Tiágo 3:17

Pe arandu oúva Ñanderuetégui katu omboheko potĩ ha upéi ome’ẽ py’aguapy ha py’aporã, iñe’ẽrendu, oporoporiahuverekokuaa, hi’a yva Pytu Porãmba reheguáva (Galaciayguakuérape 5,22), avavépe nombojuavýi, ndahova mokõiri.

1 Pédro 1:3

Toñemomba’eguasu Ñandejára Ñanderuete ha Hesu Crísto Rúpe iporiahuvereko rupi omoingove jevyva’ekue Hesu Crístope omanomava’ekue apytégui, péva ñanepytyvõ porã ñande ñaha’ãrõ hag̃ua avei Ha’e ñanemoingove jevy peve,

1 Juan 2:29

Peẽ ningo peikuaa Hesu Crísto heko porãha, ha upéicha pehechakuaava’erã avei opaite onacéva ichugui oiko avei heko potĩva ramo.

1 Juan 3:9

Opaite onacéva Ñanderuetégui noñemohembiapo vaíri, Ñanderuete semílla (reko porã), (Ipytu Porãmbáva oĩgui ipype), upévare ha’e ndaikatúi oñemohembiapo vai, ha’e oikógui ita’ýra térã itajýra ramo.

1 Juan 5:1

Oimeraẽ ogueroviáva Hesu ha’eha pe Crísto, ha’éma Ñanderuete ra’y térã itajýra, ha upévare ha’ekuéra ojohayhuva’erã Ñanderuete mborayhu reheve.

1 Juan 5:18

Jaikuaa ningo opaite Ñanderuete ra’y ha itajýra noñemohembiapo vairiha, Hesu Crísto oñangarekógui hesekuéra, ha pe aña ndopokói hesekuéra.

1 Juan 5:4

Opaite Ñanderuete ra’y ha itajýra añeteguáva ombopoguy ko múndope ijerovia heko pegua rupi.

Apocalípsis 3:14

Ehai Laodicéa iglésia rembijokuáipe g̃uarã: Péicha he’i pe Amen, pe Techahare heko peguáva ha añeteguáva, pe Ojapóva Ñanderuete rembiapo tenonde peguáva.