Joel 2:12

Ñanderuete Ñe’ẽ Porã 2015

Upévare pende Ruete he’i: Pejevy Che aĩha gotýo pende py’aite guive, karu’ỹ, tasẽ ha jahe’o asy reheve.

Referencias Cruzadas

2 Samuel 24:10

David oipapaukapa rire hetãyguakuérape, ipy’apy ñe’ẽ oikarãi ichupe ha’e ojapo vai haguére ha David he’i Ñanderuetépe: Ivaiete che rembiapo ajapova’ekue; ha ko’ág̃a ajerure ndéve, eipe’a chehegui che angaipa, chetavyete aipapauka haguére che retãyguakuérape.

2 Crónicas 30:6

Ha umi temimondo oho ogueraha hag̃ua tetã ruvicha ha mburuvichakuéra kuatiañe’ẽ opaite Israel ha Juda retãme, ha he’iuka ichupekuéra: Israel ñemoñarenguéra pejevy Ñanderuetépe, Abraham, Isaac ha Israel Járape, Ha’e ojere jevy hag̃ua avei hetãyguakuéra hembyva’ekue, Asíria retã ruvicha pógui.

2 Crónicas 6:27

upérõ ehendu ichupekuéra yvága guive ha eperdonamína ne rembiguaikuérape ha ne retã Israel angaipa, ha ehechauka jevy ichupekuéra tape porã oiko hag̃ua ipype hikuái, ha emongymi jevýna ijyvy ári, Nde reme’ẽva’ekue ichupekuéra imba’ete ramo.

Ester 4:16

Tereho ha embyatypaite Judayguakuéra Súsape oikóva guive, ha peiko karu’ỹme cherehehápe, ani pekaru ha ani pey’útei mbohapy ára ha pyhare pukukue, ha che, che kuñataĩkuéra ndive aikóta avei karu’ỹme, ha uperire aikéta ahecha hag̃ua tetã ruvichápe amboyke ramojepe pe tembiapoukapy péva ha amano ramo, tove tamano.

Éxodo 33:5

Ñanderuete he’ígui Moiséspe: Ere umi Israel ñemoñarenguérape: Peẽ ningo tetãygua iñakã porã’ỹva apyta rire sapy’amínte jepe pende apytépe Che pohundiva’erãmo’ã. Peipe’a pendejehegui pende jeguakakuéra, aikuaa hag̃ua mba’épa ajapóta pendehegui.

Isaías 22:12

Upévare Ñanderuete, yvága atykuéra Jára he’iva’ekue peẽme pe ára pévape pejahe’o ha peñembyasy, peñemyakã perõ ha peñemonde ao vosakuépe;

Isaías 58:4

Pema’ẽ, porãke, pekaru’ỹha árape peñoñe’ẽ api, peñonupã ha peñorãirõ, peichagua karu’ỹ rupi pende Ruete yvága pegua ndaikatúi penerendu.

Jeremías 3:22

Pejevy peẽ peñemoĩva pende Ruete rehe ha Che pomongueráta pende reko pu’ãségui. Péina ápe ore rojuroína ne rendápe, Nde ha’eguihína ore Ruete, ore Jaratee.

Jeremías 36:7

Ikatu porãnte iñembo’ekuéra og̃uahẽ Ñanderuete rendápe, ha opia joaite hikuái hape vaígui; ituichaiterei ningo Ñanderuete pochy ko tetã kóva rehe.

Jeremías 4:1

Nde, Israel, rejevy ramo, he’iuka ndéve Ñanderuete, rejevykuaa hendápe, repoi ramo nde jára ambuégui rejukuaa jevy nde Ruete rendápe.

Jeremías 4:2

Ha reme’ẽ ramo añetehápe, hekoitépe ha tekojojápe ne ñe’ẽ Ñanderuetépe, upérõ umi ambue tetãnguéra oiporúta nde réra ojohovasa ha oñombovy’a hag̃ua.

Ezequiel 33:11

Ere ichupekuéra: Che rekovére, he’i pende Ruete, ndaipotái pe heko vaíva omano, aipota uvei ojevy hape vaígui, upévare pejevy peikove hag̃ua, pejevy joaite pende rape vaígui; mba’érehe piko pemanose peẽ, Israel retãyguakuéra.

Daniel 9:3

Ha ajesaupi Ñanderuete, pe Jaraitéva gotýo, ahekávo ichupe ñembo’e ha mba’ejerure rupi, karu’ỹme, ao vosakuépe ha aguapy jave tanimbúpe.

Oséas 12:6

Nde, reg̃uahẽ jevýta nde rógape, ejerovia hese, pende Ruete pu’aka rupi eñemopotĩ nde Jára renondépe ha ejerovia nde Jaratee rehe.

Oséas 12:7

Canaanguáicha oiporu hikuái pe balánza ijapúva, ha ovy’a oporombotavy ramo.

Oséas 14:1

Nde, Israel, ejevýke nde Jaratee rendápe, ne rembiapo vaikue rupi re’ava’ekue.

Oséas 6:1

Peju ha jaha jevy Ñanderuete rendápe. Ha’e ñandereityva’ekue, Ha’e katuete ñanemopu’ã jevýta avei, Ha’e ñanembohasy, Ha’e katuete ñanemonguera jevýta avei.

Joel 1:13

Peẽ pa’ikuéra pejeku’a jopy ha pejahe’o joáke, penepyahẽ asy joáke, peẽ kuave’ẽmby renda rembiguaikuéra. Peju ha peke ao vosakue reheve, che Jára rembiguaikuéra, ojepe’a haguére pe kuave’ẽmby tembi’u ha víno rehegua pende Ruete rogaguasúgui.

Zacarías 7:3

Ha oñe’ẽ hag̃ua umi pa’i ha proféta ndive oĩvahína ángel atykuéra Jára rogaguasúpe, ha he’i: Rojahe’ovétapa pe jasy 5-hápe, rojapo haguéicha heta áñoma.

Zacarías 7:5

Eñe’ẽ mayma tetãygua ha pa’ikuérape, ha ere: Pehasa ramojepe karu’ỹme ha pejahe’o ramojepe pe jasy 5 ha 7-hápe ko’ã 70 áño pukukue rupi, pejapo piko ko karu’ỹ kóva chéve g̃uarã.

Malaquías 1:9

Ha ág̃a peñembo’e ramo pende Ruetépe penepytyvõ hag̃ua, Ha’e piko pendeporiahuverekóta gueteri peẽme, pejapo ramo ko’ã mba’evaíva, he’i ángel atykuéra Jára.

Apostolkuéra 26:20

Amombe’u hag̃ua Damáscope raẽ, ha upéi Jerusalenguakuéra ha Judayguakuérape, ha tetã ambueyguakuérape avei, tojevy Ñanderuete rendápe, ha tojapo tembiapo iporãva, ohechauka hag̃ua añetehápe oñemoambuemaha hekove,

Juéces 2:4

Ñanderuete yvága rembiguái he’i rire ko’ã ñe’ẽ Israel ñemoñarenguérape, ha’ekuéra hatã ojahe’o joa.

Juéces 20:26

Upémaramo opaite Israel ñemoñarenguéra ou Ñanderuete rógape, ha jahe’opópe ohasa okaru’ỹre pe ára iñypytũ meve; ha oikuave’ẽ kuave’ẽmby ojehapypáva ha kuave’ẽmby py’aguapy reheguáva Ñanderuetépe g̃uarã.

1 Samuel 7:3

Upéi Samuel oñe’ẽ opaite Israel retãyguakuérape he’ívo: Oime ramo pende py’aite guive pejevyse Ñanderuetépe, peipe’a umi jára gua’u ha Astarot pende apytégui, ha peme’ẽke pene ñe’ã (rembipota) Ñanderuetépe g̃uarã, ha pejerovia hese añónte, Ha’e pendesalva hag̃ua Filisteayguakuéra pógui.

1 Samuel 7:6

Ha oñembyaty hikuái Mizpápe, ha onohẽ hikuái y ha oñohẽ Ñanderuete renondépe, ha ndokarúi upe árape, ha he’i hikuái: Ñande voi ñañemoĩ Ñanderuete rehe ñane angaipa rupi. Samuel ombojovake Israel ñemoñarenguérape Mizpápe.