Jeremías 4:2

Ñanderuete Ñe’ẽ Porã 2015

Ha reme’ẽ ramo añetehápe, hekoitépe ha tekojojápe ne ñe’ẽ Ñanderuetépe, upérõ umi ambue tetãnguéra oiporúta nde réra ojohovasa ha oñombovy’a hag̃ua.

Referencias Cruzadas

Genesis 22:18

Nde ra’y rupi ovy’aiteva’erã opaite yvy ape arigua tetãnguéra, rejapo haguére che ñe’ẽ.

1 Réyes 3:6

Ha Salomon he’i: Nde reiporiahuvereko tuicha ne rembiguái David, che rúpe, ha’e oikógui añetehápe ne renondépe, teko porãme ha py’a potĩme. Nde reñangareko hese, Nde reiporiahuverekógui ichupe, reme’ẽvo ichupe peteĩ ta’ýra oguapy hag̃ua iguapyhápe, ko árape ojehu háicha.

Salmokuéra 72:17

Héra toiko opaite árape, toñemombe’u héra pe kuarahy oikoha peve. Ha’érupi mayma tetã tojehovasa, ha hendive tovy’aite hikuái.

Salmokuéra 99:4

Umi ohayhúva guive ichupe tomomba’eguasu ñane Mburuvichaguasu pu’aka. Ha’e oisãmbyhy hekoitépe, ijustícia ha iñembojovake porã rupi.

Isaías 45:23

Chejehénte añe’ẽme’ẽkuaa, che jurúgui osẽ ñe’ẽ hekoite peguáva ha ndopa reimo’ãi araka’eve; Che renondépe oñesũta opaite yvyariguakuéra ha mayma juru chemomba’eguasúta.

Isaías 45:25

Ñanderuete rupínte ojejohukuaa justícia (tekojoja) ha opaite Israel ñemoñare omomba’eguasúta Ñanderuete rembiapo porãita.

Isaías 65:16

Upe ojerureséva jehovasa ko yvy ape ári, tojerure pende Ruetépe, pe Añeteguávape; ha pe ome’ẽva iñe’ẽ ko yvy apére toñe’ẽme’ẽ yvága Jára Añeteguáva réra rehe, umi jehasa asy ymaveguarégui cheresaraipáma, umía oje’óma che resa renondégui.

Jeremías 10:10

Ñanderuete katu yvyariguakuéra Jára añeteteguáva; ha’énte pe Jára oikovéva ha Tetã ruvichaguasu ijapyra’ỹva; Ha’e ipochy vove oryrýi ko yvy, ha umi tetã ndogueropu’akái ipochy.

Jeremías 12:15

Ha aipe’apa rire, ajere jevýta ha aiporiahuverekóta Israélpe, ha amondo jevýta peteĩteĩvape imba’etee ha ijyvyteépe.

Jeremías 12:16

Ha peẽ, tetã ambueygua peguata porã ramo che retã Israel rapekuéra rehe, ha pejerovia ramo cherehe, pejerovia haguéicha Baal rehe, Che voi pomohenda porãta avei che retãyguakuéra apytépe.

Jeremías 16:19

Nde, che Ruete, chembopu’akáva ha chemombaretéva, Nde ningo che mo’ãha pe jepy’apy vaiha árape, heta tetã ou joava’erã ne rendápe yvy apýra guive ha he’i joava’erã hikuái: Añetehápe ore rukuéra orembo’e roporombotavy hag̃ua ha ijára gua’u noipytyvõkuaái ichupekuéra.

Jeremías 3:17

Umi ára umívape Jerusalénpe oñembohérata: Ñanderuete guapyha renda, ha umi tetã ou joáta Jerusalénpe omomba’eguasu hag̃ua pende Ruetépe; ha ndoikomo’ãvéi hikuái ipy’a hatã ñañáva rapykuéri.

Jeremías 33:9

Upérõ Jerusalen chemomba’eguasúta ha omyasãita che réra opaite tetãnguéra yvy apére oĩva guivépe ha ohendupáta hikuái mba’eporãita Che ajapótava hesekuéra; ha okyhyjéta ha oryrýita hikuái ohendúvo opaite mba’e iporãva ha pe py’aguapy ame’ẽ jevýtava ichupekuéra.

Jeremías 5:2

Ha’ekuéra ome’ẽ ramojepe iñe’ẽ pende Ruete oikovéva rérape, ome’ẽ gua’uete oporombotavy hag̃uánte.

Jeremías 7:5

Pemyatyrõ ramo hekoitépe pende rape ha pene rembiapo; ha peiko ramo añetehápe justícia poguýpe,

Jeremías 9:24

Upe ojeroviaséva tojerovia cherehe ha toñeha’ãmba chekuaa porãve hag̃ua: Che ningo pende Ruete, Che ahayhu jeporiahuvereko, ñembojovake heko peguáva ko yvy apére, ko’ã mba’e ko’ãva chembovy’a, he’i pende Ruete.

Oséas 2:19

Ha Che amendáta Israel rehe opaite ára peve g̃uarã, roiko hag̃ua oñondive justícia ha ñembojovake hekoitépe, poriahuvereko ha mborayhu añetévape.

Joel 2:12

Upévare pende Ruete he’i: Pejevy Che aĩha gotýo pende py’aite guive, karu’ỹ, tasẽ ha jahe’o asy reheve.

Zacarías 8:8

ha aguerúta ichupekuéra oiko jevy hag̃ua hikuái Jerusalen ryepýpe, oikóta hikuái che retã ramo, ha Che aikóta Ijára añeteguáva ramo ha mbojovakehára hekoite peguáva ramo.

Malaquías 1:11

Kuarahyresẽ guive oikeha peve oñemomba’eguasuhína che réra opaite tetãnguéra apytépe, ha oparupiete oñekuave’ẽ che rérape g̃uarã mba’e ryakuã porã ha kuave’ẽmby ipotĩva, mba’eguasúgui che réra tetãnguéra apytépe, he’i ángel atykuéra Jára.

1 Corintoyguakuérape 1:31

upévare ojehai avei Ñanderuete kuatiañe’ẽme: Oime ramo oñemomba’eguasuséva toñemomba’eguasu Ñanderuetepype, (Jeremías 9,23).

2 Corintoyguakuérape 10:17

Upe oñemomba’eguasuséva, tomomba’eguasu Ñanderuetépe.

Galaciayguakuérape 3:8

Ñanderuete kuatiañe’ẽ yma guive voi ohechaukáma pe jerovia rupi Ñanderuete rehe tetãnguéra ohupitýta teko potĩ, ha upévare oñeme’ẽ tenonde avei Abrahámpe pe promésa: Ndérupi ojehovasava’erã opaite tetãnguérape, (Génesis 12,3; 18,18).

Deuteronómio 10:20

Pekyhyje Ñanderuete, Ñandejáragui, ichupe añónte pemomba’eguasuva’erã, hapykuéri peikova’erã, ha hérape peñe’ẽme’ẽva’erã.

Deuteronómio 4:30

Peime vove jepy’apýpe ha penderupity ramo opaite ko’ã mba’evai, umi ára pahague gotyoguápe, pejevy ramo Jahve, pende Jára gotýo, ha pehendu ramo iñe’ẽ,

Deuteronómio 6:13

Jahve, pende Jaraitégui pekyhyjeva’erã ha ichupe añónte peservi ha héra rehénte peñe’ẽme’ẽva’erã.

Filipoyguakuérape 3:3

Ñande ningo umi oñekytĩ’óva añetehápe, ñande jajeroviágui Ñanderuete Pytu Porãite rupi ha ñamomba’eguasúgui Hesu Crísto rembiapo porã ikurusureguare, ha ndajajeroviái kuimba’e rete rembiapóre, ojejapóva kuimba’e rete apérente.

Rut 3:13

Upévare epyta ko’ápe ko pyhare, ág̃a ko’ẽ rire aporandúta pe ambuépe omendasétapa nderehe, ha nahániri ramo katu, Ñanderuete rérape ha’e ndéve, che amendáta nderehe. Epytu’únte ko’ẽ meve.

1 Samuel 20:3

Ha David oñe’ẽ jevy he’ívo: Nde ru oikuaa voi nde cherayhuha, ha he’íta: Jonatan ani oikuaa, anítei hi’ánga oñembyasy; añetehápe Ñanderuete ha ne ánga rekovére che ha’e ndéve, che ag̃uahẽmaha che ñemano rokẽme.