Jeremías 29:13

Ñanderuete Ñe’ẽ Porã 2015

peẽ chereka ramo pende py’aite guive, peẽ chejohuva’erã katuete.

Referencias Cruzadas

1 Réyes 2:4

Ñanderuete omoañete hag̃ua iñe’ẽ he’iva’ekue chéve: Nde ra’ykuéra oguata ramo che rape rehe, ha ojapo ramo che rembiapoukapy, ipy’a ha hi’angaite guive, katuete ne ñemoñarenguéra opytava’erã Israel retã guapyhápe.

2 Réyes 23:3

Ha tetã ruvicha oñembo’y Ñanderuete rogaguasu renondépe umi horconguasu oĩháme ha oñembopy’apeteĩ Ñanderuete ndive ha he’i oguatataha Ñanderuete rapére ha ojapotaha opaite Ñanderuete ñe’ẽ ha hembiapoukapykuéra ipy’aite ha hi’ánga mbytete guive. Ha opaite tetãyguakuéra ome’ẽ avei iñe’ẽ ojapopataha Ñanderuete rembipota.

1 Crónicas 22:19

Ko’ág̃a peñeha’ã py’a kyre’ỹ reheve peheka hag̃ua Ñanderuete, pende Járape; ha pemopu’ã joa Ñanderuete rogaguasu, Ñanderuete karameg̃ua ha hogaguasu rembiporu rendag̃ua; pejapo porãmba hag̃ua Ñanderuete rogaguasúpe.

1 Crónicas 28:9

Ha nde, che ra’y Salomon, ehechakuaáke nde ru Járape ha eservi ichupe py’a potĩme ha kyre’ỹpópe; Ñanderuete oitypekágui opaite yvyariguakuéra py’apýpe ha oikuaa avei opaite ñane pensamientokuéra. Eheka ichupe ha emba’apo ichupe g̃uarã; ha reñemomombyry ramo ichugui, Ha’e nderejáta katuete avei.

2 Crónicas 22:9

Ha oheka hikuái Ocozíaspe, okañyva’ekue Samáriape, ha ojohu rire hikuái ichupe, ogueru Jehu rendápe, ha ha’e ojukauka ichupe; ha oñotỹuka ichupe he’ígui: Josafat ra’y ningo, ha’e ipy’aite guive ohekava’ekue Ñanderuetépe. Ha Ocozías rogaygua ndaipu’akavéi oiko hag̃ua tetã ruvicha ramo.

2 Crónicas 31:21

Ha opaite mba’e ojaposeva’ekue Ñanderuete rogaguasu rehe, oheka ha ojapo ipy’aite guive Ñanderuete ñe’ẽ ha hembiapoukapy he’i háicha, upévare osẽ porãmba avei ichupe g̃uarã opaite mba’e ojapóva guive.

Salmokuéra 119:10

Che py’aite guive roheka, aníkena cherejátei apia ne rembiapoukapýgui.

Salmokuéra 119:145

Che rohenói che py’aite guive, chembohovaimína, che Ruete, ha añeha’ãmbáta ajapo hag̃ua ne ñe’ẽ.

Salmokuéra 119:2

Ovy’aite umi oñongatúva iñe’ẽ ipy’apýpe ojapo hag̃ua hekoitépe umía, ha ipy’aite guive ohekáva hembipota iporãva (añeteguáva);

Salmokuéra 119:58

Che py’aite guive ajerure Nde cheporiahuvereko hag̃ua ne ñe’ẽ he’i haichaite.

Salmokuéra 119:69

Umi oñembotuicháva ijapu cherehe, ha che katu che py’aite guive añeha’ã ajapo hag̃ua ne rembiapoukapy.

Salmokuéra 145:18

Ag̃uiete oĩ Ñanderuete mayma ohenóiva guive ichupe, umi ohenóiva jeroviapópe ichupe.

Salmokuéra 32:6

Ko’ã mba’e ko’ãva rupi opaite heko potĩva ojerure ndéve Nde reheja hag̃ua ndejohu, ha añetehápe yeta og̃uahẽ ramo jepe ijypýpe ndohupitymo’ãi ichupekuéra.

Salmokuéra 91:15

Ha’e ohenói ramo che réra Che ambohováita ichupe, Che aĩta hendive ijepy’apyha árape, aguenohẽ hag̃ua ichupe ijejopy vaígui ha upéi Che ambotuicháta ichupe.

Isaías 45:19

Nañe’ẽi ñemiháme, térã iñypytũveha rupi; nda’éi Jacóbo ñemoñarenguérape: Peẽ chereka reiha. Che, pende Ruete, Che ningo heko peguávante, ha amombe’únte pe añetegua.

Isaías 65:10

Ha ovecha atykuéra oikóta Saron yvypépe, ha Acor ñúme oĩta vaka atykuéra, ko’ã mba’e oikóta che retãyguakuérape, umi cherekávape g̃uarã.

Jeremías 24:7

Ha ame’ẽta ichupekuéra peteĩ ñe’ã (pyahu) chekuaa hag̃ua, Chénte ha’égui Ituvatee; ha oikóta hikuái che retã ramo, ha Che aikóta Ijára ramo; ojevy jeýtagui hikuái ipy’aite guive che rendápe.

Jeremías 3:10

Ha opaite ko’ã mba’e rupi jepe, ikypy’y ndojevýi ipy’aite guive che rendápe, ojevy gua’únte, he’i pende Ruete.

Jeremías 50:4

Umi ára umívape, he’i Ñanderuete, umi Israelgua ha Judaygua oñondivepa oúta jahe’ópe Ijaratee rekávo.

Oséas 5:15

Che apoi rire che retãgui, Israel ou jevýta che rendápe, ohechakuaa porãta hembiapo ivaiha, upérõ chereka jevýta hikuái, ojepy’apyetégui ou jevýta che rendápe.

Joel 2:12

Upévare pende Ruete he’i: Pejevy Che aĩha gotýo pende py’aite guive, karu’ỹ, tasẽ ha jahe’o asy reheve.

Matéo 7:7

Pejerure ha oñeme’ẽva’erã peẽme; peheka ha pejohuva’erã; pembota ha ojepe’ava’erã peẽme.

Apostolkuéra 8:36

Ha ohóvo hikuái pe tapére og̃uahẽ hikuái y oĩháme, ha pe Etiopiaygua he’i Felípepe: Ma’ẽ, oĩ ningo y, ko’ápe ikatu piko nde chebautiza.