Jeremías 24:7

Ñanderuete Ñe’ẽ Porã 2015

Ha ame’ẽta ichupekuéra peteĩ ñe’ã (pyahu) chekuaa hag̃ua, Chénte ha’égui Ituvatee; ha oikóta hikuái che retã ramo, ha Che aikóta Ijára ramo; ojevy jeýtagui hikuái ipy’aite guive che rendápe.

Referencias Cruzadas

2 Crónicas 6:38

ha ojevy ramo ndéve ipy’aite ha hi’angaite guive, ha oñembo’e ramo ko yvy reme’ẽva’ekuépe ituvakuérape, pe táva Nde reiporavomava’ekue, ha ko ógape che amopu’ãva’ekue nde rérape g̃uarã,

Salmokuéra 119:2

Ovy’aite umi oñongatúva iñe’ẽ ipy’apýpe ojapo hag̃ua hekoitépe umía, ha ipy’aite guive ohekáva hembipota iporãva (añeteguáva);

Isaías 51:16

Ha nde jurúpe amoĩkuri che ñe’ẽ, ha romo’ã che pópe, aipyso umi yvága ha amboguapy ko yvy ipyendápe, ha ha’e Siónpe: Nde voi ningo che retã.

Jeremías 11:4

Che ha pende rukuéra roñoñe’ẽme’ẽ aguenohẽ ramoguare ichupekuéra Egípto retãgui, pe tetã ojogua ichupekuéra g̃uarã tatakuápe oñemboyku hag̃ua hiérro, ha Che ha’e ichupekuéra: Peẽ peneñe’ẽrendu ha pejapo ramo Che ha’éva guive peẽme, peikóta chéve che retã ramo, upérõ Che aikóta avei pende Jára ramo;

Jeremías 29:10

Péicha he’ígui pende Ruete: Ág̃a oñemboty vove 70 áño Babilóniape, Che aháta po’andúvo, ha ajapopáta ha’emava’ekue guive ha pogueru jevýta pene retãteépe.

Jeremías 3:10

Ha opaite ko’ã mba’e rupi jepe, ikypy’y ndojevýi ipy’aite guive che rendápe, ojevy gua’únte, he’i pende Ruete.

Jeremías 30:22

Ha peikóta che retã ramo, ha Che aikóta pende Jára ramo.

Jeremías 7:23

Che ha’e uvei ichupekuéra cheñe’ẽrendu hag̃ua. Pejapo che ñe’ẽ ha Che aikóta pende Jaratee ramo, ha peẽ peikóta che retã ramo; ha peguata porãta ramo che rapére, Che ha’e haguéicha peẽme, opaite mba’e osẽ porãmbáta peẽme.

Ezequiel 11:17

Ha ereve, péicha he’i pende Ruete: Che pombyaty jevýta umi tetãgui, ha pogueru jevýta umi tetã pomosarambi haguégui, ha ame’ẽ jevýta peẽme Israel yvy pene retãtee ramo.

Ezequiel 14:11

Anivéma hag̃ua Israel retãygua ojei che rapykuérigui, ha anivéma hag̃ua oñemongy’a hembiapo vai rupi; oiko hag̃ua uvei che retãtee ramo, ha Che aiko hag̃ua ichupekuéra Ijaratee ramo, he’i pende Ruete.

Ezequiel 16:62

Che katu amoañetéta nendive che ñe’ẽme’ẽngue, ha reikuaáta Che ha’eha pende Ruete.

Ezequiel 37:23

Ha noñemongy’aveiva’erã ambue jára ñemomba’eguasu rupi ni hembiapo vai rupi ha Che amopotĩta ichupekuéra heko vaígui; ha oikóta hikuái che retã ramo, ha Che Ijaratee ramo.

Ezequiel 37:27

Ijapytepekuéra oĩta che rogaguasu, ha aikóta Ijaratee ramo, ha ha’ekuéra oikóta chéve che retã ramo.

Ezequiel 39:22

Upe ára upéva guive Israel retã oikuaáta Che ha’eha Jahve, pe Yvága Atykuéra Jára.

Oséas 2:22

Ha pe yvy omongakuaáta trígo, víno ha acéite ha umía ombovy’áta Jezreélpe.

Zacarías 13:9

Ha pe atyguasu mbohapyha amoingéta tatápe, ha amboykúta ichupekuéra ku pláta oñemboyku háicha, amopotĩ hag̃ua iky’akuégui. Upérõ ohenóita hikuái che rérape ha Che ahendúta ichupekuéra ha ha’éta: Israel che retãtee, ha ha’ekuéra he’íta ángel atykuéra Jára, ore Ruete voi ningo Nde.

Zacarías 8:8

ha aguerúta ichupekuéra oiko jevy hag̃ua hikuái Jerusalen ryepýpe, oikóta hikuái che retã ramo, ha Che aikóta Ijára añeteguáva ramo ha mbojovakehára hekoite peguáva ramo.

Romayguakuérape 6:17

Ko’ág̃a jagradece Ñanderuetépe, angaipa rembiguái rire jepe peẽ, ko’ág̃a peneñe’ẽrendupeína pende py’aite guive peñeme’ẽmbávo pe tekombo’e pyahu poguýpe ohekombo’éva pende rekove.

hebreoyguakuerape 11:16

Ko’ág̃a katu ha’ekuéra oipota peteĩ tetã iporãvéva, pe yvága pegua, upévare Ñanderuete notĩri oiko hag̃ua Ituvatee ramo, Ha’e voi ombosako’íma avei itavaguasurã.

hebreoyguakuerape 8:10

Upévare Ñanderuete he’i: Pe ñembopy’apeteĩ ajapótava Israel retã ndive umi ára umíva rire péicha ningo: Che amoĩta che rembiapoukapy ipensamientokuérape ha ahaíta ipy’apýpe, ha Che apytáta Ijaratee ramo ha ha’ekuéra che retãtee ramo (Romayguakuérape 10, 4).

1 Samuel 7:3

Upéi Samuel oñe’ẽ opaite Israel retãyguakuérape he’ívo: Oime ramo pende py’aite guive pejevyse Ñanderuetépe, peipe’a umi jára gua’u ha Astarot pende apytégui, ha peme’ẽke pene ñe’ã (rembipota) Ñanderuetépe g̃uarã, ha pejerovia hese añónte, Ha’e pendesalva hag̃ua Filisteayguakuéra pógui.