Jeremías 11:4

Ñanderuete Ñe’ẽ Porã 2015

Che ha pende rukuéra roñoñe’ẽme’ẽ aguenohẽ ramoguare ichupekuéra Egípto retãgui, pe tetã ojogua ichupekuéra g̃uarã tatakuápe oñemboyku hag̃ua hiérro, ha Che ha’e ichupekuéra: Peẽ peneñe’ẽrendu ha pejapo ramo Che ha’éva guive peẽme, peikóta chéve che retã ramo, upérõ Che aikóta avei pende Jára ramo;

Referencias Cruzadas

Genesis 17:8

Ha ame’ẽta ndéve, ha nde riregua ñemoñarenguérape pe yvy nde reikohápe, Canaan yvy tuichakue pene mba’erã opaite árape; ha aikóta pende Jára ramo.

1 Réyes 8:51

Ha’ekuéra voi ne retã ha ne mba’e teéva Nde renohẽmava’ekue Egíptogui, pe tatakua hierroguigua mbytégui.

2 Réyes 18:6

Oiko hekoitépe Ñanderuete rembiapoukapýpe, Ñanderuete ome’ẽva’ekue Moises rupi.

Éxodo 20:6

Che katu aiporiahuverekóta umi cherayhúvape ha ojapóva che rembiapoukapykuéra 1.000 iñemoñare rekove (generaciónes) peve.

Isaías 30:6

Pene rembijokuái ohasa asy oguata aja Negev desiérto rupi, oikohápe leõnguéra, mboikuéra ha mboiguasu ovevéva, ha ojehasa asy ha ojepy’apyete pene rymba búrro ha caméllo, ogueraháva heta jopói hepýva, pe tetãme.

Isaías 48:10

Péina ápe, Che romopotĩ, ndaha’éi katu ku pláta oñemopotĩ háicha, Che romopotĩva’ekue che jehasa asy ratakuápe.

Jeremías 11:7

Amomarandumava’ekue pende rukuérape ko ñe’ẽ kóva rupi aguenohẽ ramoguare ichupekuéra Egípto retãgui, ha apytu’u’ỹre Che ha’e ichupekuéra ymaite guive ko ára kóva peve: Pehendúke che ñe’ẽ.

Jeremías 24:7

Ha ame’ẽta ichupekuéra peteĩ ñe’ã (pyahu) chekuaa hag̃ua, Chénte ha’égui Ituvatee; ha oikóta hikuái che retã ramo, ha Che aikóta Ijára ramo; ojevy jeýtagui hikuái ipy’aite guive che rendápe.

Jeremías 26:13

Pepoi katu pende rape ha pene rembiapo vaígui, ha peneñe’ẽrendu Ñanderuete, pende Járape, ha Ñanderuete ndojapomo’ãi opaite mba’evai he’imava’ekue penderehe.

Jeremías 30:22

Ha peikóta che retã ramo, ha Che aikóta pende Jára ramo.

Jeremías 32:28

Upévare Ñanderuete he’i chéve: Eikuaa porãke ko táva kóva amoĩta Nabucodonosor, Babilónia retã ruvicha, ha Caldeayguakuéra pópe ha katuete ombopoguýta ko táva kóvape.

Jeremías 38:20

Ha Jeremías he’i: Nanemoĩmo’ãi hikuái ipópe. Ehendu ko’ág̃a Ñanderuete ñe’ẽ che ha’éva ndéve, ha oho porãmbáta ndéve ha reikovéta.

Ezequiel 11:20

oiko hag̃ua hikuái Che ha’e hagueichaite, ha ojapo hag̃ua hekoitépe che rembiapoukapy, oiko hag̃ua chéve che retã ramo, ha Che aiko hag̃ua ichupekuéra Ijaratee ramo.

Ezequiel 14:11

Anivéma hag̃ua Israel retãygua ojei che rapykuérigui, ha anivéma hag̃ua oñemongy’a hembiapo vai rupi; oiko hag̃ua uvei che retãtee ramo, ha Che aiko hag̃ua ichupekuéra Ijaratee ramo, he’i pende Ruete.

Ezequiel 36:28

Peikóta pe yvy ame’ẽmava’ekuépe pende rukuérape, ha peikóta che retãtee ramo, ha Che aikóta peẽme g̃uarã pende Jaratee ramo.

Ezequiel 37:23

Ha noñemongy’aveiva’erã ambue jára ñemomba’eguasu rupi ni hembiapo vai rupi ha Che amopotĩta ichupekuéra heko vaígui; ha oikóta hikuái che retã ramo, ha Che Ijaratee ramo.

Ezequiel 37:27

Ijapytepekuéra oĩta che rogaguasu, ha aikóta Ijaratee ramo, ha ha’ekuéra oikóta chéve che retã ramo.

Daniel 3:26

Upémaramo Nabucodonosor oñemboja pe tatakua hendýva rokẽme ha he’i: Sadrac, Mesac ha Abed-négope, peẽ ningo Yvagakuéra Jára tuichavéva rembiguái, peju ha pesẽ tatakuágui. Upérõ Sadrac, Mesac ha Abed-négo osẽ pe tata mbytégui.

Levítico 26:12

Ha Che aikóta pende apytépe pende Jára ramo, ha peẽ che retãyguakuéra ramo.

Levítico 26:3

Peiko ramo che ñe’ẽ he’i háicha, ha pejapo ramo hekoitépe che rembiapoukapykuéra,

Zacarías 13:9

Ha pe atyguasu mbohapyha amoingéta tatápe, ha amboykúta ichupekuéra ku pláta oñemboyku háicha, amopotĩ hag̃ua iky’akuégui. Upérõ ohenóita hikuái che rérape ha Che ahendúta ichupekuéra ha ha’éta: Israel che retãtee, ha ha’ekuéra he’íta ángel atykuéra Jára, ore Ruete voi ningo Nde.

Zacarías 6:15

Ha umi tetãygua mombyrygua oúta ha oipytyvõta omopu’ã hag̃ua Ñanderuete rogaguasu, ha peikuaáta pe ángel atykuéra Jára chembou hague pene rendápe. Ko’ã mba’e ojehúta peneñe’ẽrendu ramo Ñanderuete, pende Jára ñe’ẽre.

Zacarías 8:8

ha aguerúta ichupekuéra oiko jevy hag̃ua hikuái Jerusalen ryepýpe, oikóta hikuái che retã ramo, ha Che aikóta Ijára añeteguáva ramo ha mbojovakehára hekoite peguáva ramo.

Matéo 28:20

Ha pembo’e ichupekuéra ojapo hag̃ua opaite mba’e Che ha’eva’ekue peẽme pejapo hag̃ua. Ha peikuaa porãke, Che aĩha penendive opaite ára opa peve ko ára atyguasu (ko múndo).

2 Corintoyguakuérape 6:16

Mba’éicha piko Ñanderuete iglésia oñembopy’apeteĩkuaáta jára ra’ãnga ñemomba’eguasu reheve. Ñande ningo Ñandejára Hesu Crísto iglésia, Ñanderuete kuatiañe’ẽme he’i háicha: Che aiko ha añembohogava’erã che retã apytépe, ha Che ha’éta Ijára, ha ha’ekuéra che retãtee, (Levítico 26,11-12).

Deuteronómio 11:27

Jehovasa oĩta peẽme g̃uarã pehendu ha pejapo ramo Jahve, pende Ruete rembiapoukapykuéra, che ha’éva peẽme ko árape,

Deuteronómio 4:20

Pende Ruete katu pendeporavo ha penerenohẽ Egíptogui, tatakua hierroguiguágui peiko hag̃ua hetãtee ramo ko ára peguáicha.

Deuteronómio 5:6

Chénte Jahve, pende Ruete, poguenohẽva’ekue Egípto retãgui, tembiguái rekógui.

hebreoyguakuerape 5:9

Ijehasa asy rupi Ha’e ohupityva’ekue pe teko oĩ porãmbáva, ha upévare Ha’e oiko avei pe salvacion Jára ramo opavave iñe’ẽrendúvape g̃uarã.

1 Samuel 15:22

Ha Samuel he’i: Horýnepa Ñanderuete kuave’ẽmby ojehapypapyréva rehe ha mymba ojejukava’ekue rehe, ku hory ramoguáicha ichupe ojejapo ramo iñe’ẽ. Añetehápe, pe ñe’ẽrendu iporãve kuave’ẽmbýgui, ha pejapysaka porã iporãve ovecha mácho kyrakuégui.