Éxodo 24:3

Ñanderuete Ñe’ẽ Porã 2015

Ha Moises ou ha omombe’u hetãyguakuérape opaite Ñanderuete ñe’ẽ ha hembiapoukapy; ha maymaite tetãygua peteĩ ñe’ẽme ombohovái, ha he’i hikuái: Rojapopaitéta Ñanderuete ñe’ẽ he’iva’ekue guive ndéve.

Referencias Cruzadas

2 Crónicas 15:14

Ha ome’ẽ jevy hikuái iñe’ẽ Ñanderuetépe sapukái ha vy’apópe, trompéta ha turu púpe oservi jevytaha ichupe.

2 Crónicas 15:15

Opaite Judayguakuéra ovy’a joa ome’ẽ haguére iñe’ẽ ipy’aite guive, ohekágui ha ojohúgui hikuái avei ichupe; upévare Ñanderuete ome’ẽ ichupekuéra avei pytu’u opa rupiete.

Salmokuéra 50:5

Pembyatypáke chéve umi heko potĩvape, umi oikeva’ekuépe chendive peteĩ jekupytýpe oikuave’ẽ jave.

Éxodo 19:8

Ha opaite hetãygua peteĩcha ombohovái, ha he’i hikuái: Opaite mba’e Ñanderuete he’imava’ekue guive rojapóta. Ha Moises omombe’u jevy Ñanderuetépe hetãyguakuéra ñe’ẽ.

Éxodo 24:2

Ha Moises añónte oñembojaitéta che rendápe; ha ambuekuéra ani oñembojátei, ha aníke ojupítei hendive ambue tetãyguakuéra.

Éxodo 24:7

Ha ojapyhy pe ñe’ẽme’ẽ rehegua kuatiañe’ẽ ryru ha omoñe’ẽ hetãyguakuéra apysápe, ha he’i hikuái: Rojapóta opaite mba’e Ñanderuete he’íva guive ha oreñe’ẽrendúta ichupe.

Jeremías 11:4

Che ha pende rukuéra roñoñe’ẽme’ẽ aguenohẽ ramoguare ichupekuéra Egípto retãgui, pe tetã ojogua ichupekuéra g̃uarã tatakuápe oñemboyku hag̃ua hiérro, ha Che ha’e ichupekuéra: Peẽ peneñe’ẽrendu ha pejapo ramo Che ha’éva guive peẽme, peikóta chéve che retã ramo, upérõ Che aikóta avei pende Jára ramo;

Jeremías 34:13

Péicha he’i pende Ruete, Israel Jára: Che añe’ẽme’ẽmava’ekue pende rukuéra ndive aguenohẽ ramoguare ichupekuéra Egípto retãgui, tembiguái rógagui, ha’évo:

Hagéo 2:5

Che ame’ẽmava’ekue peẽme che ñe’ẽ pesẽ ramoguare Egíptogui, péva oikóta gueteri, che Pytu Porãitéva oĩ jevýta pende apytépe, upévare ani pekyhyje.

Malaquías 2:10

Ndajaguerekói piko peteĩnte Ñanderuete ha nañande’apói piko ra’e Yvága Jára. Ha mba’érehe piko peñombotavy ha pepyrũ ñande ypykuéra ñe’ẽme’ẽ rehe.

Deuteronómio 11:1

Pehayhu Ñanderuete, Ñandejaraitépe, ha tapiaite pejapo hembipota, iñe’ẽ, imbo’epy ha hembiapoukapykuéra.

Deuteronómio 4:1

Ko’ág̃a peẽ Israelguakuéra, pehendúma ko’ã mbo’epy ha tembiapoukapy, che pombo’emava’ekue ha pejapóke hekoitépe peikove hag̃ua pe yvýpe Ñanderuete, pende rukuéra Jára, ome’ẽtava peẽme.

Deuteronómio 4:45

Ko’ãva hína umi ñe’ẽ mbo’epy ha tembiapoukapy Moises he’iva’ekue Israel ñemoñarenguérape, osẽ ramoguare hikuái Egíptogui.

Deuteronómio 4:5

Pema’ẽ porãke, che pombo’ékuri Ñanderuete mbo’epy ha hembiapoukapykuéra, Ha’e he’i haguéicha chéve, pejapopa ramo hekoitépe, pe yvy mamo peiketahápe katuete opytáta pene mba’erã.

Deuteronómio 5:1

Moises ohenói mayma Israelguápe ha he’i ichupekuéra: Israelguakuéra pehendu ko’ã mbo’epy ha ko’ã tembiapoukapy che ha’éva ko ára kóvape pende apysápe; peikuaa ha pejapopa hag̃ua hekoitépe.

Deuteronómio 5:31

Ha nde, epyta chendive ko’ápe, ha’epa hag̃ua ndéve ko’ã tembiapoukapy, mbo’epykuéra ha che rembipota rembo’eva’erãva ichupekuéra, ha ojapopa hag̃ua hekoitépe pe yvy Che ame’ẽtavape ichupekuéra.

Deuteronómio 6:1

Ko’ãva ningo hembiapoukapy, imbo’epy ha hembipota, Jahve, pende Ruete, ome’ẽmava’ekue chéve ambohasámava hag̃ua peẽme, ha peẽ pejapo hag̃ua hekoitépe pe yvy oñeme’ẽtavape peẽme pene mba’etee ramo.

Josué 24:21

Upémaramo Israelguakuéra he’i Josuépe: Nahániri, katuete roikóta Ñanderuete rembiguái ramo.

Josué 24:22

Ha Josue he’i jevy hetãyguakuérape: Peẽ voi chéve techahare, peẽ peiporavo haguére Ñanderuetépe peiko hag̃ua hembiguái ramo, ha ha’ekuéra he’i jevy: Techahare ningo ore.

Josué 24:24

Ha umi tetãygua he’i jevy Josuépe: Ñanderuete, ore Jára rembiguái ramónte roikóta ha iñe’ẽme oreñe’ẽrendúta.