Daniel 9:3

Ñanderuete Ñe’ẽ Porã 2015

Ha ajesaupi Ñanderuete, pe Jaraitéva gotýo, ahekávo ichupe ñembo’e ha mba’ejerure rupi, karu’ỹme, ao vosakuépe ha aguapy jave tanimbúpe.

Referencias Cruzadas

2 Samuel 12:16

Upémaramo David ojerure Ñanderuetépe pe mitã rehe, ha ohasa okaru’ỹre, ha oke pyhare pukukue oñenohápe yvýpe.

Ésdras 10:6

Ko’ã mba’e rire Ésdras ojei Ñanderuete rogaguasu renondégui, ha oho Johanan, Eliasib ra’y kotýpe; ha oho rire upépe, ndo’úi mba’eve ni ndoy’úi, oñembyasyetereígui umi jepokuahágui ouva’ekue oñemoangaipa vaiete jevy haguére.

Ésdras 8:21

Upéi aikuaauka ani hag̃ua ojekaru pe ysyry ypýpe, ohóva pe táva Ahavápe, roñemomirĩ uvei ore Jára renondépe, rojerure hag̃ua Ñanderuetépe oñangareko hag̃ua orerehe ha ore mitãkuéra rehe, ha opaite mba’erepy roguerahátava rehe pe tape puku rupi, Jerusalen peve.

Ésdras 9:5

ha pe ka’arugua kuave’ẽmby hóra og̃uahẽvo apu’ã che jepy’apyhágui, che ao ha póncho mondoropyre reheve, añesũ ha añembo’e che Ruete, che Járape.

Nehemías 9:1

Pe jasy pévape, pe ára 24-hápe oñombyaty Israel ra’ykuéra karu’ỹ rehe, ao vosakue reheve ha omboja iñakã yvy rehe.

Ester 4:16

Tereho ha embyatypaite Judayguakuéra Súsape oikóva guive, ha peiko karu’ỹme cherehehápe, ani pekaru ha ani pey’útei mbohapy ára ha pyhare pukukue, ha che, che kuñataĩkuéra ndive aikóta avei karu’ỹme, ha uperire aikéta ahecha hag̃ua tetã ruvichápe amboyke ramojepe pe tembiapoukapy péva ha amano ramo, tove tamano.

Job 42:6

Upévare añembyasy añe’ẽvai haguére ha atĩ apytávo, aguapy yvyku’i ha tanimbúpe.

Salmokuéra 35:13

Che katu, hasyete jave hikuái, añemonde ao vosápe, che ajopy che ánga akaru’ỹre, ha che py’apýpe añembo’e jevy jey hesehápe,

Isaías 22:12

Upévare Ñanderuete, yvága atykuéra Jára he’iva’ekue peẽme pe ára pévape pejahe’o ha peñembyasy, peñemyakã perõ ha peñemonde ao vosakuépe;

Jeremías 33:3

Nde cherenói ramo Che ambohováita ndéve ha rombo’éta mba’e ndetuichapa jepévare, iñemimby ha reikuaa’ỹvare.

Ezequiel 36:37

Péicha he’i, pende Ruete: Ko’ã mba’e rire, ajapovéta gueteri ambue mba’eporã Israel rógape g̃uarã; amboheta hetavéta hetãyguakuéra ku tymba atykuéra oñemboheta háicha.

Daniel 6:10

Daniel oikuaa vove Darío omoĩ hague héra pe kuatiañe’ẽ rehe, oike hógape, ha oipe’a ikoty rovetã oma’ẽva Jerusalen gotýo ha oñesũ, oñembo’e ha omomba’eguasu hag̃ua Ñanderuetépe, ojapo jepi háicha mbohapy jevy meme árape.

Daniel 9:2

che, Daniel, ama’ẽ porã umi áño rehe Ñanderuete he’iva’ekue iproféta Jeremías juru rupi ha ikuatiañe’ẽme he’i voi Jerusalen oñembotapereva’erã 70 áño pukukue.

Daniel 9:20

Añembo’e ha añemombe’u jave che ha che retã Israel angaipa rehe, ha añohẽ jave che mba’ejerure Ñanderuete, che Jára renondépe, che Jára cérro porãite rehe,

Daniel 9:4

Añembo’e Ñanderuetépe, ha’évo Nde, che Ruete, che Jára tuichaitéva ha oporomongyhyjéva, reñangareko porãva ne ñe’ẽ rehe ha rehayhuetéva umi nderayhúvape ha ojapóva hekopete ne rembiapoukapy.

Joel 1:13

Peẽ pa’ikuéra pejeku’a jopy ha pejahe’o joáke, penepyahẽ asy joáke, peẽ kuave’ẽmby renda rembiguaikuéra. Peju ha peke ao vosakue reheve, che Jára rembiguaikuéra, ojepe’a haguére pe kuave’ẽmby tembi’u ha víno rehegua pende Ruete rogaguasúgui.

Joel 2:12

Upévare pende Ruete he’i: Pejevy Che aĩha gotýo pende py’aite guive, karu’ỹ, tasẽ ha jahe’o asy reheve.

Jonas 3:5

Ha umi Niniveygua oguerovia Ñanderuetépe, ha ohechauka oñembyasyha hikuái, upévare ndokaruvéi ha oñemonde ao vosakuépe, itujavéva guive imitãvéva peve.

Matéo 17:21

Koichagua pytu vai osẽta karu’ỹre (ajúno) ha ñembo’e rehevémante.

Lúcas 2:37

Ha’e opytava’ekue viúda ha ohupitýma 84 áño. Ha’e ndojeivéi Ñanderuete rogaguasúgui, arakue ni pyharekuépe, oservi uvei ñande Ruetépe oñembo’évo ha ohasávo heta ára okaru’ỹre (ajúnope).

Apostolkuéra 10:30

Upérõ Cornélio ombohovái: Ojapóma irundy ára che añembo’e jave aína che rógape ka’aru mbyte rupi oñemoĩ sapy’a peteĩ kuimba’e ijao mimbipáva che renondépe.