2 Réyes 23:3

Ñanderuete Ñe’ẽ Porã 2015

Ha tetã ruvicha oñembo’y Ñanderuete rogaguasu renondépe umi horconguasu oĩháme ha oñembopy’apeteĩ Ñanderuete ndive ha he’i oguatataha Ñanderuete rapére ha ojapotaha opaite Ñanderuete ñe’ẽ ha hembiapoukapykuéra ipy’aite ha hi’ánga mbytete guive. Ha opaite tetãyguakuéra ome’ẽ avei iñe’ẽ ojapopataha Ñanderuete rembipota.

Referencias Cruzadas

2 Réyes 11:14

Ha oma’ẽvo, ohecha tetã ruvichápe oñembo’ýva Ñanderuete rogaguasu horcon ykére ojejepokuaa háicha, ha umi mburuvicha ha umi turu mbopuhára oĩmba henondépe; ha opaite tetãygua ovy’a joa, ha ombopu joa iturukuéra. Upévo, Atalía omondoro ijao, ha sapukaipópe he’i: Oñepu’ã cherehe, oñepu’ã cherehe.

2 Réyes 11:17

Upéramo Joiada oñe’ẽme’ẽ Ñanderuete, tetã ruvicha ha tetãyguakuéra ndive, oiko hag̃ua hikuái Ñanderuete retãtee ramo, ha upeichaite avei ojapo tetã ruvicha ha tetãyguakuéra oñondive.

2 Crónicas 15:15

Opaite Judayguakuéra ovy’a joa ome’ẽ haguére iñe’ẽ ipy’aite guive, ohekágui ha ojohúgui hikuái avei ichupe; upévare Ñanderuete ome’ẽ ichupekuéra avei pytu’u opa rupiete.

2 Crónicas 23:13

ha ha’e oma’ẽvo, ohecha tetã ruvichápe oĩvahína umi horconguasu Ñanderuete rogaguasu renondépe, ha umi mburuvicha, umi turu mbopuharakuéra oĩ tetã ruvicha ypýpe, ha opaite tetãyguakuéra ovy’a joa, ombopúvo turukuéra, opurahéi mba’epu reheve omoakã hag̃ua puraheikuéra, ha omomba’eguasu Ñanderuetépe. Upévo Atalía omondoro ijaokuéra, ha he’i: Opu’ã hikuái cherehe, opu’ã hikuái cherehe.

2 Crónicas 23:16

Ha Joiada ome’ẽ iñe’ẽ Ñanderuetépe, ha’e ha tetãyguakuéra retã ruvicha ndive, oikotaha Ñanderuete retã ramo.

2 Crónicas 29:10

Ko’ág̃a che añembopy’apeteĩta Ñanderuete, Israel Jára ndive, Ha’e omboyke hag̃ua ñandehegui ipochy.

Ésdras 10:3

Upévare ñame’ẽ ñane ñe’ẽ Ñanderuetépe, japoipataha opaite ko’ã kuña ha imembykuéragui, nde orerekombo’e háicha ha Moises rembiapoukapy kuatiañe’ẽ he’i háicha.

Nehemías 10:1

Ha ko’ãva hína umi omoĩva’ekue herakuéra: Nehemías, pe tetã sãmbyhyhára, Hacalías ra’y, ha Sedequías,

Nehemías 5:13

Upéi che aityvyro che ao, ha ha’e ichupekuéra: Péicha Ñanderuete toityvyro hógagui ha imba’apohágui opaite kuimba’ekuéra ko’ã mba’e ndojaposéivape, ha péicha tojetyvyro ichupe ha tainandi ha’e. Ha opavave ijatýva guive ombohovái: Taupéicha, ha omomba’eguasuete hikuái Ñanderuetépe. Ha opaite tetãyguakuéra ojapopa hekópe he’i hagueichaite.

Nehemías 9:38

Ha opaite ko’ã mba’e rupi, añetehápe ore rome’ẽse ore ñe’ẽ rojapotaha ore Ruete rembiapoukapy ha upévare ore rohai peteĩ kuatiañe’ẽ ore Ruete renondépe, ha ore mburuvichakuéra, ore Leviguakuéra ha ore pa’ikuéra omoĩ héra ko kuatiañe’ẽme.

Éxodo 24:3

Ha Moises ou ha omombe’u hetãyguakuérape opaite Ñanderuete ñe’ẽ ha hembiapoukapy; ha maymaite tetãygua peteĩ ñe’ẽme ombohovái, ha he’i hikuái: Rojapopaitéta Ñanderuete ñe’ẽ he’iva’ekue guive ndéve.

Eclesiástes 8:2

Che ha’e ejapo hag̃ua hekoitépe tetã ruvicha rembipota repromete haguéicha Ñanderuetépe.

Jeremías 34:15

Ha peẽ ningo ko ára kóvape peñembohekove pyahúkuri, ha pejapo hekoite pegua che resa renondépe; pepoívo pende rapichakuéragui; ha peme’ẽva’ekue pene ñe’ẽ che rovake, pe óga mamo oñehenoiháme che réra.

Jeremías 34:8

Ñanderuete ñe’ẽ ou Jeremíaspe, Sedequías oñe’ẽme’ẽ rire hetãyguakuéra ndive ojepoipa hag̃ua umi tembiguái (esclávo Israel pegua) oikóva guive Jerusalénpe.

Jeremías 4:2

Ha reme’ẽ ramo añetehápe, hekoitépe ha tekojojápe ne ñe’ẽ Ñanderuetépe, upérõ umi ambue tetãnguéra oiporúta nde réra ojohovasa ha oñombovy’a hag̃ua.

Jeremías 50:5

Oporandúta hikuái Sion rape rehe, ha Jerusalen gotýo oguatáta ohóvo, ha he’íta hikuái: Peju joaite, Ñanderuete rendápe, ñañembopy’apeteĩ opaite árape ha araka’evéma nañanderesaraimo’ãvéi iñe’ẽme’ẽgui.

Deuteronómio 10:12

Israel, mba’épa Ñanderuete ojerure ndehegui. Ha’e oipota nde rekyhyje nde Járagui ha reguata hapykuéri ha rehayhu ichupe nde py’aite guive ha ne ánga mbytete guive;

Deuteronómio 11:13

Peñangareko ha pejapo porã ramo Ñanderuete rembiapoukapykuéra che ha’éva guive peẽme ko árape, pehayhu ha peservi Jahve, Ñandejárape, pende py’aite ha pene ánga mbytete guive,

Deuteronómio 13:4

Peiko Jahve, pende Ruete rapykuéri, ichuguínte pekyhyjeva’erã, pejapo hembiapoukapykuéra ha pehendu iñe’ẽ, pemomba’eguasu ichupe ha peiko hapykuéri, Ha’e oipota háicha.

Deuteronómio 29:1

Ko’ã ñe’ẽ Ñanderuete he’i Moiséspe, Ha’e oñembopy’apeteĩ jevy ramoguare Israel ndive Moab retãme, oñembopy’apeteĩ haguéicha cérro Horébpe.

Deuteronómio 4:45

Ko’ãva hína umi ñe’ẽ mbo’epy ha tembiapoukapy Moises he’iva’ekue Israel ñemoñarenguérape, osẽ ramoguare hikuái Egíptogui.

Deuteronómio 6:1

Ko’ãva ningo hembiapoukapy, imbo’epy ha hembipota, Jahve, pende Ruete, ome’ẽmava’ekue chéve ambohasámava hag̃ua peẽme, ha peẽ pejapo hag̃ua hekoitépe pe yvy oñeme’ẽtavape peẽme pene mba’etee ramo.

Deuteronómio 6:5

Ehayhu Jahve, nde Jaraitépe, nde py’aite ha ne angaite guive ha opaite nde pu’aka reheve.

Deuteronómio 8:19

Ha peẽ penderesarái ramo pende Ruetégui ha peiko ramo ambue jára rapykuéri, ha pemomba’eguasu ichupekuéra ha peñesũ ramo henondepekuéra, añetehápe che ha’e ko’ág̃a peẽme, katuete pemanombava’erã.

hebreoyguakuerape 12:24

upépe oĩ avei Hesu Crísto ombojoajúva Ñanderuete ha ita’yrakuéra ha itajyrakuéra pe ñembopy’apeteĩ (jekupyty) pyahu rupi, ome’ẽvo huguy ñande jahupitykuaa hag̃ua pe perdon; huguy oñe’ẽ porãve Abel ruguýgui.

hebreoyguakuerape 13:20

Ñanderuete, pe py’aguapy Jára, omoingove jevymava’ekue Hesu Crístope omanóva apytégui, Hesu Crísto ningo pe ovecha rerekuaguasu ha huguytee rupi Ha’e ñanembopy’apeteĩ jevy Ñanderuete ndive,