1 Samuel 7:3

Ñanderuete Ñe’ẽ Porã 2015

Upéi Samuel oñe’ẽ opaite Israel retãyguakuérape he’ívo: Oime ramo pende py’aite guive pejevyse Ñanderuetépe, peipe’a umi jára gua’u ha Astarot pende apytégui, ha peme’ẽke pene ñe’ã (rembipota) Ñanderuetépe g̃uarã, ha pejerovia hese añónte, Ha’e pendesalva hag̃ua Filisteayguakuéra pógui.

Referencias Cruzadas

Genesis 35:2

Upéramo Jacóbo he’i hogayguakuérape ha mayma hendive oĩvape: Peipe’apa umi jára gua’u oĩva guive pende apytépe, peñemopotĩ ha pemonde ao potĩ.

1 Réyes 11:33

ha’ekuéra opoi haguére chehegui omomba’eguasu hag̃ua Astarte, umi Sidongua jára kuñáva; Quemos, Moabgua járape; ha Moloc, Amon ñemoñare járape, ha ndoikovéima hekoitépe che resa renondépe, che ñe’ẽ ha che rembiapoukapykuéra he’i háicha ha David, itúva ojapo haguéicha.

1 Réyes 8:48

ha ojevy ramo ne rendápe ipy’aite guive ha hi’ánga mbytete guive, umi hese ija’e’ỹva retã guive ojereraha haguépe, ha oñembo’e ramo ndéve, oma’ẽvo hetã Israel yvy rehe Nde reme’ẽmava’ekue ituvakuérape, ha oma’ẽvo pe táva reiporavova’ekue rehe, ha pe óga che amopu’ãva’ekue rehe nde réra oĩ hag̃ua,

2 Réyes 17:39

Pekyhyjénteke pende Ruetégui, Ha’émante pendesalvava’erã opaite penderehe ija’e’ỹvagui.

2 Réyes 23:15

Ojokapa avei kuave’ẽmby renda oĩva Betélpe, ha pe yvy yvate Jeroboam, Nebat ra’y, ojapova’ekue. Jeroboam omoangaipava’ekue Israelguakuérape pe yvy yvate pévape. Umía Josías ohundipa ha ohapy umi Asera ra’ãnga.

1 Crónicas 22:19

Ko’ág̃a peñeha’ã py’a kyre’ỹ reheve peheka hag̃ua Ñanderuete, pende Járape; ha pemopu’ã joa Ñanderuete rogaguasu, Ñanderuete karameg̃ua ha hogaguasu rembiporu rendag̃ua; pejapo porãmba hag̃ua Ñanderuete rogaguasúpe.

1 Crónicas 28:9

Ha nde, che ra’y Salomon, ehechakuaáke nde ru Járape ha eservi ichupe py’a potĩme ha kyre’ỹpópe; Ñanderuete oitypekágui opaite yvyariguakuéra py’apýpe ha oikuaa avei opaite ñane pensamientokuéra. Eheka ichupe ha emba’apo ichupe g̃uarã; ha reñemomombyry ramo ichugui, Ha’e nderejáta katuete avei.

2 Crónicas 19:3

Ojejohu katu ndepype mba’eporã reipe’águi Juda retãgui umi Asera ra’ãngakuéra, ha rembosako’ígui nde py’apy reheka hag̃ua Ñanderuetépe.

2 Crónicas 20:33

Upeichavéramo jepe ndojepe’ái umi ñemomba’eguasu yvy yvatépe; tetãyguakuéra nombojojapáigui gueteri ipy’akuéra ituvakuéra Jára ndive.

2 Crónicas 30:19

Ore Ruete, ore rukuéra Jára, jepémo noñembohekopotĩrira’e oñekotevẽ háicha oike hag̃ua Ñanderuete rogaguasúpe.

Mga Kawikaan 16:1

Yvyarigua mba’e ningo jajepy’amongeta (ñapensa) hag̃ua, Ñanderuete katu ome’ẽ pe pensamiénto iporãitéva.

Isaías 55:7

Pe tekove ñaña topoi hape vaígui, ha pe tembiapo vai apohára tomosẽ iñakãgui umi mba’evai ojaposéva ha tojevy jey pende Ruete rendápe, Ha’e oiporiahuverekóta ha operdonáta avei ichupe.

Jeremías 24:7

Ha ame’ẽta ichupekuéra peteĩ ñe’ã (pyahu) chekuaa hag̃ua, Chénte ha’égui Ituvatee; ha oikóta hikuái che retã ramo, ha Che aikóta Ijára ramo; ojevy jeýtagui hikuái ipy’aite guive che rendápe.

Jeremías 36:3

Ikatu Judayguakuéra opáy ohendu ramo opaite mba’evai ajapótava hesekuéra, ha oheja hape vaígui, Che aperdona hag̃ua heko ha hembiapo vaikuéra.

Jeremías 4:1

Nde, Israel, rejevy ramo, he’iuka ndéve Ñanderuete, rejevykuaa hendápe, repoi ramo nde jára ambuégui rejukuaa jevy nde Ruete rendápe.

Ezequiel 14:6

Upévare, ere Israel retãme: Péicha he’i pende Ruete, pepoi pene rembiapo vaígui ha peheja pende jára gua’úpe ha pemboyke pende resa opaichagua tembiapo ky’águi.

Ezequiel 18:31

Pepoi pene rembiapo vaígui ha peñemboheko pyahu ha peñembopytuporã pyahu. Mba’upéiko pemanose, peẽ Israelguakuéra.

Oséas 14:1

Nde, Israel, ejevýke nde Jaratee rendápe, ne rembiapo vaikue rupi re’ava’ekue.

Matéo 15:8

Ko’ã tetãygua chemomba’ete ijurúpente ha ipy’apykuéra katu oĩ mombyry chehegui.

Matéo 4:10

Upérõ Hesu ombohovái ichupe: Tereho, nde Satana, Ñanderuete kuatiañe’ẽme ojehai avei: Ñandejára, Ñanderuete renondépe añoite ija reñesũ ha reñembo’évo ichupe ha ichupe añoitente rejejokuaiukava’erã, (Deuteronómio 6,13).

Matéo 6:24

Avave ndaikatúi oservi mokõi járape; upéicharamo ndaija’emo’ãi peteĩva rehe, ha ohayhuvéta ambuépe, térã oñembojáta peteĩre ha oñemboykéta ambuégui. Ndaikatúi peẽ peiko Ñanderuete rembiguái ha avei pirapire rembiguái ramo.

Lúcas 4:8

Hesu katu ombohovái ichupe: Ñanderuete kuatiañe’ẽme he’i: Nde reñembo’eva’erã Ñanderuetépe, ha ichupe añónte reserviva’erã, (Deuteronómio 6,13-14).

Juan 4:24

Ñanderuete ningo Pytu Poraitẽ, ha umi oñembo’éva oñembo’eva’erã Pytu Porãme ha añetegua reheve.

Deuteronómio 10:20

Pekyhyje Ñanderuete, Ñandejáragui, ichupe añónte pemomba’eguasuva’erã, hapykuéri peikova’erã, ha hérape peñe’ẽme’ẽva’erã.

Deuteronómio 13:4

Peiko Jahve, pende Ruete rapykuéri, ichuguínte pekyhyjeva’erã, pejapo hembiapoukapykuéra ha pehendu iñe’ẽ, pemomba’eguasu ichupe ha peiko hapykuéri, Ha’e oipota háicha.

Deuteronómio 4:29

Upégui peheka jevýta pende py’aite guive ha pene ánga mbytete guive pende Ruetépe ha pejohu jevýta ichupe.

Deuteronómio 6:13

Jahve, pende Jaraitégui pekyhyjeva’erã ha ichupe añónte peservi ha héra rehénte peñe’ẽme’ẽva’erã.

Josué 13:31

ha Galaad yvy mbytere, Astarot ha Edrei, ko’ã táva opyta Basánpe, Og oisãmbyhy haguépe ko yvy opyta Maquir ñemoñare mbyterépe g̃uarã, hogaguasu heta háicha.

Josué 24:14

Upévare pekyhyjéke ko’ág̃a pende Ruetégui ha peiko hembiguái ramo pende py’a potĩ porãme ha hekoitépe; ha peipe’a pende apytégui umi jára gua’u pende rukuéra omomba’eguasúmiva pe ysyry Éufrates mboypýri ha Egíptope; ha peñeme’ẽmba pende Ruete pópe.

Josué 24:23

Peipe’áke ko’ág̃a opaite ambue jára oĩva guive pende apytépe, ha pemboyke pene ñe’ã Ñanderuete, Israel Járape g̃uarãnte.

Juéces 10:16

Ha oipe’a hikuái ijapytégui opaite ambue jára gua’u, ha omomba’eguasu jevy hikuái Ñanderuete oikovévape; ha Ñanderuetépe oipy’apy Israel jehasa asykuéra.

Juéces 10:6

Ha Israel ñemoñarenguéra ojapo jevy ivaíva Ñanderuete resa renondépe, ha omomba’eguasu hikuái: Umi Baal ha Astarótpe, umi Síria járape, Sidon jarakuérape, umi Moab járape, umi Amon ñemoñare járape ha Filisteayguakuéra járape; ha opoi hikuái Ñanderuetégui, omomba’eguasu hag̃ua hikuái ta’ãngakuérape.

Juéces 2:11

Uperire Israel ñemoñarenguéra ojapo mba’e ivaietéva Ñanderuete resa renondépe omomba’eguasúvo umi Baálpe (ambue tetã jára gua’úpe).

Juéces 2:13

Ha opoi rire hikuái Ñanderuetégui, omomba’eguasu Baal ha Astarótpe.

1 Samuel 31:10

Ha iñorãirõ rembiporu omoĩ Astarot tupãópe, ha hetekue omosãingo Bet-san tápia jere yvate rehe.