1 Samuel 16:7

Ñanderuete Ñe’ẽ Porã 2015

Ñanderuete katu he’i Samuélpe: Ani rema’ẽ hova rehe térã ijyvatekue rehe, pévape Che amboykéma; pende Ruete noma’ẽ yvyariguakuéra oma’ẽ háicha, yvyariguakuéra oma’ẽ hesakuéra ohechávarente, pende Ruete katu oma’ẽ ipy’apýre (iñe’ãre, ikorasõre).

Referencias Cruzadas

Genesis 4:5

ha ndoguerohorýi Caínpe ni ikuave’ẽmby, upévare Cain ipochyeterei, ha tova pukúpe oiko.

2 Samuel 14:25

Ha Israel retãme ndaipóri avave iporãvéva ha ijukyvéva Absalóngui; ipy pyte guive iñakã mbyte peve ndaipóri hese mba’eve ivaíva.

2 Samuel 7:20

Ha mba’épa David ikatu ombojoapyve oñe’ẽve hag̃ua nendive. Nde reikuaa porã voi ne rembiguáipe, che Jaratee.

1 Réyes 8:39

upérõ ehendumi, Nde reikoha guive, ha eperdona jevymi ha eme’ẽmi ichupe ha’e oguata haguéicha, Nde ningo reikuaapa voi tetãyguakuéra py’apýpe oĩva guive,

1 Crónicas 17:18

Mba’épa che ikatu ambojoapyve che mba’ejerurépe, Nde voi chembotuichaitereíma. Ha nde reikuaapa voi ne rembiguái rekove.

1 Crónicas 28:9

Ha nde, che ra’y Salomon, ehechakuaáke nde ru Járape ha eservi ichupe py’a potĩme ha kyre’ỹpópe; Ñanderuete oitypekágui opaite yvyariguakuéra py’apýpe ha oikuaa avei opaite ñane pensamientokuéra. Eheka ichupe ha emba’apo ichupe g̃uarã; ha reñemomombyry ramo ichugui, Ha’e nderejáta katuete avei.

2 Crónicas 16:9

Ñanderuete resa ohechapa opaite yvy ape ariguápe, oipytyvõ hag̃ua ipu’aka rupi umi ojeroviáva añetehápe hese. Ko’ã mba’e rejapóva itavýva rembiapo; ko ára guive reñorãirõva’erã remano meve.

2 Crónicas 6:30

ehendumína ichupe yvága guive, nde reikohápe, ha eperdona ichupekuéra, eme’ẽ jevy peteĩteĩvape oguata haguéicha nde rape rehe, Nde añoiténte reikuaa porã tetãyguakuéra py’apy ha oĩva guive ipype.

Job 10:4

Nde resa piko yvyariguáicha, térãpa rehecha ha’ekuéra ohecha háicha.

Job 35:5

Ema’ẽ porãke árare, ha ehechakuaa umi arai ijyvateveha ndehegui,

Salmokuéra 139:2

Nde reikuaapa aguapy térã apu’ã ramo, mombyry guive reikuaa porã che ajepy’amongeta jave rehe.

Salmokuéra 7:9

Topa rei umi tekove ñañáva, emopu’ã katu hembiapo vai’ỹvape; Ñanderuete justícia ombojovake porãgui ñane akã ha ñande py’apýpe oĩva guive.

Mga Kawikaan 15:11

Ñanderuete oikuaapa ojehúva omanomava’ekue retãme ha añaretãme, ha ko’yteve tapicha py’apýpe oĩva guive.

Mga Kawikaan 16:2

Yvyariguakuérape g̃uarã opaite hapekuéra ipotĩváicha, Ñanderuete katu oha’ã ñande py’apýpe oĩva.

Mga Kawikaan 24:12

Ha nde ere ramojepe: Añetehápe ndoroikuaáikuri. Ndoikuaamo’ãi piko avei pe oikuaapáva oĩva guive yvyarigua py’apýpe. Pe oñangarekóva ne ánga rehe, Ha’e oikuaamanteva’erã, ha Ha’e omyengoviava’erã yvyariguakuéra rembiapokue.

Mga Kawikaan 31:30

Kuña juky ñanembotavykuaa, pe kuña rete porãngue ohasava’erã, pe tembireko ohayhu ha ojeroviáva Ñanderuete rehe péva ningo pe tembireko oñemomba’eva’erãva.

Jeremías 11:20

Ñanderuete, Yvága Atykuéra Jára, Nde reporombojovake hekoitépe ha Nde reikuaa porãmba yvyariguakuéra remiandu, ipensamiénto ha hembipota, ehechaukamína chéve mba’éichapa Nde remyengoviáta hembiapo vai, nde pópe oĩ che rekove.

Jeremías 17:10

Che, pende Ruete, aikuaa porã opaite pensamiénto oĩva guive oimeraẽva pitikiri’ĩ ha ipy’apýpe, ha amyengoviáta peteĩteĩme hembiapokue ojerure háicha.

Jeremías 20:12

Nde, che Ruete, Yvága Atykuéra Jára, rembojovakéva hekoitépe ha rehechapáva yvyarigua py’apýpe jepeve opensáva, oñandúva ha ojaposéva guive, ahecha nga’úra’e mba’echaitépa Nde rembuepotíta hembiapo vai, nde pópe amoĩ che rekove.

Lúcas 16:15

Ha Hesu he’i ichupekuéra: Peẽ pejehechauka heko porãva ramo pene retãyguakuéra apytépe, Ñanderuete katu oikuaa porã pende py’apýpe oĩva guive. Umi mba’e ojererekóva tetãyguakuéra apytépe mba’eguasu ramo, Ñanderuete resápe mba’e výro rei ha ombojeguarúva ichupe.

Juan 7:24

Ani pembojovake hi’ã háichante peẽme, pembojovake hekópe.

Juan 8:15

Peẽ peporombojovake yvyariguakuéra ojapo háicha. Che nambojovakéi avavépe.

Apostolkuéra 1:24

Oñembo’évo he’i hikuái: Nde, ore Jára, reikuaa porãmba opavave py’apýpe oĩva guive, ehechaukamína oréve mávapepa ko’ã mokõigui Nde reiporavo,

2 Corintoyguakuérape 10:10

Umi oñemoĩva cherehe katu he’i voi: Ikuatiañe’ẽ rupi ha’e oñe’ẽ pohýi ha ipy’aguasuha oimégui mombyry, ha oĩ ramo Hesu Crísto reheguáva apytépe ipy’amirĩ ha oñe’ẽporã kuaa’ỹvaicha.

2 Corintoyguakuérape 10:7

Pema’ẽ porã umi mba’e rehe oĩva pene renondépe. Oimérõ pende apytépe upe ojeroviáva ijehe ha’e Hesu Crísto mba’eha, tohechauka porã hekove rupi, ha’e Hesu Crísto mba’eha.

hebreoyguakuerape 4:13

Ndaipóri yvyarigua Ñanderuete ohecha’ỹva, oimeraẽva uvei ijopívo ha ojehechaukava’erã hesa renondépe, Ha’e ombojovakeha árape.

1 Pédro 2:4

Peñemboja Hesu Crísto rehe, Ha’e voi ningo pe itaguasu oikovéva, tetãyguakuéra omboykemava’ekue ovale’ỹvaicha, Ñanderuete katu oiporavo ichupe (omopu’ã hag̃ua hi’ári ijiglésia).

1 Pédro 3:4

Pembojegua uvei pende py’apy mba’e oñembyai’ỹva ha ojehecha’ỹva reheve, péva ningo Pytu Porãmbáva rembiapo, Ha’e omomirĩva ha ombopy’aguapýva tetãyguakuérape, ha koichagua teko ombohory Ñanderuetépe.

Apocalípsis 2:23

Imembykuéra ajukapáta. Upéicha opaite iglésia oikuaáta Che voi aikuaaha opaite mba’e oĩva guive yvyarigua akãme térã ipy’apýpe, ha Che amyengoviáta peteĩteĩme hembiapokue.

1 Samuel 2:3

Ani pemboheta ñe’ẽ vai ha ani pejererovu reive; topa pene ñemomba’eguasu rei; Ñanderuetépe oikuaapaitégui, Ha’émante ikatu oha’ã ñane rembiapokuére.

1 Samuel 9:2

Ha’e peteĩ ita’ýra, hérava Saul, mitãrusu iporãitéva. Israelgua ñemoñare apytépe ndaipóri iporãvéva ichugui; Saul peteĩ akã ijyvateve opaite hetãyguakuéragui.