1 Réyes 2:4

Ñanderuete Ñe’ẽ Porã 2015

Ñanderuete omoañete hag̃ua iñe’ẽ he’iva’ekue chéve: Nde ra’ykuéra oguata ramo che rape rehe, ha ojapo ramo che rembiapoukapy, ipy’a ha hi’angaite guive, katuete ne ñemoñarenguéra opytava’erã Israel retã guapyhápe.

Referencias Cruzadas

Genesis 17:1

Abram oguereko ramoguare 99 áño, Ñanderuete ojehechauka ichupe ha he’i: Che ningo nde Ruete, pe Ipu’akapáva, eiko porã che renonderãme ha eñemboheko porãve rehóvo.

Genesis 18:19

Che ningo aikuaa voi ha’e he’itaha iñemoñarenguérape oiko hag̃ua che rape rehe, oiko hag̃ua hekoitépe ha pe añetegua rapére, upévare ajapopáta umi mba’e ha’eva’ekue guive Abrahámpe.

2 Samuel 7:25

Ko’ágã, che Jára, emoañete opaite árape ne ñe’ẽ ereva’ekue ne rembiguái ha hogayguakuéra rehe, ha ejapo ere hagueichaite.

1 Réyes 1:48

Ha tetã ruvicha he’i avei: Toñemomba’eguasu Israel Járape, omboguapýgui ko árape Salomónpe che guapyhápe, ha che ahecha ichupe che resatee rupi.

1 Réyes 11:36

Ha ita’ýrape opytáta peteĩ tríbunte, che rembiguái David resape ohesape hag̃ua opaite ára che renondépe Jerusalénpe, pe táva Che aiporavova’ekue amoĩ hag̃ua ipype che réra.

1 Réyes 3:14

Ha nde reiko ramo che rape rehe ha rejapo ramo che ñe’ẽ ha che rembiapoukapy, nde ru David ojapo haguéicha, che ambopukúta avei nde rekove.

1 Réyes 3:3

Salomón ohayhu Ñanderuetépe ha oiko itúva David he’i haguéicha ichupe, oikuave’ẽ ha ohapy mba’e ryakuã porã umi yvy yvateha rupi Ñanderuetépe g̃uarã.

1 Réyes 6:12

Ko óga kóva nde remopu’ãva rehe ha’ese ndéve: Nde reiko ramo che ñe’ẽme he’i háicha ha rejapo ramo che rembiapoukapy, ha reiko ramo che aipota háicha, Che ajapóta nendive opaite mba’e Che ha’eva’ekue nde ru Davídpe.

1 Réyes 8:23

ha oñembo’e: Israel Jára, ndeichagua Jára ndaipóri yvágape ni yvy apére, Nde reñembopy’apeteĩgui ne rembiguaikuéra ndive, ha reiporiahuverekógui oimeraẽva oikóva ipy’aite guive ne renondépe.

1 Réyes 8:25

Ko’ágã, Israel Jára, ejapomína avei umi ñe’ẽ Nde reme’ẽmava’ekue ne rembiguái Davídpe, erévo: Tapia ne ñemoñare oguapyva’erã Israel retã guapyhaguasúpe, nde ra’ykuéra oguata porã guive che rapekuéra rehe nde reguata haguéicha.

1 Réyes 9:5

upéicharamo nde ha ne ñemoñarenguéra pepytáta opaite árape Israel retã guapyhaguasúpe, añe’ẽ haguéicha nde ru Davídpe, ha’évo: Tapiaite oĩva’erã kuimba’e ne ñemoñaréva apytégui oguapýva Israel retã guapyhápe.

2 Réyes 20:3

Ajerure ndéve, ore Ruete, nemandu’ami aiko hague hekoitépe ne renondépe, py’apy potĩ reheve, ha ajapopa hague Nde reipotáva guive. Ha Ezequías ojahe’o puku.

2 Réyes 23:25

Ndaipóri ambue tetã ruvicha Josías mboyve ojevy porãva’ekue Ñanderuete rapépe ha ohayhúva ichupe ipy’aite ha hi’angaite guive, ha imbaretekue reheve, he’i háicha Moises kuatiañe’ẽme. Ha ha’e rire ndoúi yvy apére avave ombojojáva ichupe.

2 Réyes 23:3

Ha tetã ruvicha oñembo’y Ñanderuete rogaguasu renondépe umi horconguasu oĩháme ha oñembopy’apeteĩ Ñanderuete ndive ha he’i oguatataha Ñanderuete rapére ha ojapotaha opaite Ñanderuete ñe’ẽ ha hembiapoukapykuéra ipy’aite ha hi’ánga mbytete guive. Ha opaite tetãyguakuéra ome’ẽ avei iñe’ẽ ojapopataha Ñanderuete rembipota.

1 Crónicas 28:9

Ha nde, che ra’y Salomon, ehechakuaáke nde ru Járape ha eservi ichupe py’a potĩme ha kyre’ỹpópe; Ñanderuete oitypekágui opaite yvyariguakuéra py’apýpe ha oikuaa avei opaite ñane pensamientokuéra. Eheka ichupe ha emba’apo ichupe g̃uarã; ha reñemomombyry ramo ichugui, Ha’e nderejáta katuete avei.

2 Crónicas 17:3

Ha Ñanderuete oĩ Josafat ndive, ha’e oikógui David rape rehe, ha ndohekáigui umi Baálpe (ambue jarakuérape).

2 Crónicas 6:16

Ko’ág̃a, ore Ruete, Israel Jára, ejapo umi mba’e Nde ereva’ekue ne rembiguái, che ru Davídpe: Tapiaite oĩta peteĩ kuimba’e David ñemoñare apytégui che renondépe ha oguapýtava Israel retã ruvicha guapyhaguasúpe, oñangarekóva che ra’ykuéra rehe, oguata guive che rapére ha ojapo guive hekoitépe che rembiapoukapykuéra, nde reiko haguéicha che renondépe.

2 Crónicas 7:18

upéicharamo nde repytáta pe tetã ruvicha guapyhaguasúpe ha Che aĩta pe ñe’ẽ ame’ẽ haguéicha nde ru Davídpe, ha’évo: Tapia oĩva’erã ne ñemoñarenguéra apytépe peteĩ kuimba’e oisãmbyhýtava Israel retãme.

Salmokuéra 119:9

Mba’éichapa peteĩ karia’y oiko porãta (nde resa renondépe); oñeha’ãmba ramo ojapopa hag̃ua ne ñe’ẽ he’i háicha.

Salmokuéra 37:22

Ñanderuete ome’ẽta ko yvy Ha’e ohovasávape imba’eteerã ramo, ha umi Ha’e omaldecíva katu oñehundipáta.

Salmokuéra 37:9

Umi iñañáva oñehundipava’erã, ha umi ojeroviávape Ñanderuete rehe oñeme’ẽta ko yvy imba’etee ramo.

Salmokuéra 39:1

Che py’apýpe ha’e: Añangarekóta che rape rehe, ani hag̃ua che ajavy che juru rupi, ajokóta che kũ, iñañáva oĩ jave che renondépe.

Jeremías 33:17

Péicha he’i pende Ruete: Katuete oĩ jevýta David ñemoñare oguapýtava opaite árape Israel róga mburuvicha guapyhaguasúpe.

Levítico 26:3

Peiko ramo che ñe’ẽ he’i háicha, ha pejapo ramo hekoitépe che rembiapoukapykuéra,

Zacarías 14:2

Ha Che ambyatypáta tetãnguéra maymávape ojeity hag̃ua Jerusalen ári, ha pe táva ho’ava’erã ipoguýpe, hogakuéragui oñemondapava’erã, ha ikuñakuérape oñerãirõva’erã, ha pe tavaygua mbytere ohopava’erã jepokuapyhápe ha ambue tetã rembyre opytava’erã itavapýpe.

Matéo 22:37

Ha Hesu he’i ichupe: Ehayhu Ñanderuetépe, nde Járape, nde py’aite guive, ha ne angaite guive ha ne apytu’ũnguaite guive (arandukue reheve).

Lúcas 1:6

Zacarías ha Elisabet heko potĩva Ñanderuete renondépe, oguata hekópe Ñanderuete rapére ha hembiapoukapýpe.

Deuteronómio 10:12

Israel, mba’épa Ñanderuete ojerure ndehegui. Ha’e oipota nde rekyhyje nde Járagui ha reguata hapykuéri ha rehayhu ichupe nde py’aite guive ha ne ánga mbytete guive;

Deuteronómio 11:13

Peñangareko ha pejapo porã ramo Ñanderuete rembiapoukapykuéra che ha’éva guive peẽme ko árape, pehayhu ha peservi Jahve, Ñandejárape, pende py’aite ha pene ánga mbytete guive,

Deuteronómio 6:5

Ehayhu Jahve, nde Jaraitépe, nde py’aite ha ne angaite guive ha opaite nde pu’aka reheve.

Deuteronómio 7:12

Peẽ peneñe’ẽrendu ha pejapo ramo Ñanderuete rembipota Ha’e ojapóta iñe’ẽ ome’ẽva’ekue peẽme ha pende rukuérape, ha Ha’e pendeporiahuverekóta,

Júdas 1:24

Ñanderuete toñangareko penderehe, ha tapeneñongatu opaite ñepysãngágui, Ha’émante penemoñembo’ykuaa heko jajaipáva renondépe, vy’apópe ha teko porãme,