1 Juan 5:1

Ñanderuete Ñe’ẽ Porã 2015

Oimeraẽ ogueroviáva Hesu ha’eha pe Crísto, ha’éma Ñanderuete ra’y térã itajýra, ha upévare ha’ekuéra ojohayhuva’erã Ñanderuete mborayhu reheve.

Referencias Cruzadas

Matéo 16:16

Ha Simon Pédro ombohovái he’ívo: Nde ningo pe Crísto, Ñanderuete oikovéva Ra’y.

Lúcas 7:5

Ha’e ningo ohayhu añetehápe ñane retãyguakuérape, ha ha’e voi omopu’ãuka oréve g̃uarã Ñanderuete róga.

Juan 1:3

Opaite mba’e oikova’ekue ko Ñe’ẽ kóva rupivénte, hese’ỹ ndoikói mba’eve, opaite mba’e oĩva guive.

Juan 15:23

Upe oñemoĩva cherehe, oñemoĩma avei che Ruete rehe.

Juan 3:3

Hesu ombohovái ichupe: Añetehápe, añetehápe ha’e ndéve upe onace jevy’ỹva ndaikatúi oike Ñanderuete retãguasúpe ha ndohechaiva’erã avei ichupe.

Juan 6:69

ha ore rojerovia ha roikuaa porã ningo Nde Ñanderuete Ra’yha, pe Crísto.

Juan 8:42

Upérõ Hesu he’i ichupekuéra: Ñanderuete rire pende Jára, peẽ cherayhuva’erãmo’ã, Che ajúgui Ñanderuetégui, Ha’e chemboúgui, Che ndajúi chejehegui reínte.

Apostolkuéra 8:36

Ha ohóvo hikuái pe tapére og̃uahẽ hikuái y oĩháme, ha pe Etiopiaygua he’i Felípepe: Ma’ẽ, oĩ ningo y, ko’ápe ikatu piko nde chebautiza.

Apostolkuéra 8:37

Ha Felípe he’i ichupe: Nde rejerovia ramo nde py’aite guive, ikatu. Upérõ ha’e ombohovái ha he’i: Arovia Hesu Crísto Ñanderuete Ra’yha.

Tiágo 1:18

Hembipota ha iñe’ẽ añetegua rupi Ha’e ñanemoingove jaiko hag̃ua hi’a tenondegua ramo iñemoñarenguéra apytépe.

1 Pédro 1:3

Toñemomba’eguasu Ñandejára Ñanderuete ha Hesu Crísto Rúpe iporiahuvereko rupi omoingove jevyva’ekue Hesu Crístope omanomava’ekue apytégui, péva ñanepytyvõ porã ñande ñaha’ãrõ hag̃ua avei Ha’e ñanemoingove jevy peve,

1 Juan 2:10

Pe ohayhúva iñermánope oiko tesapépe ha ha’érupi avave noñepysãngamo’ãi.

1 Juan 2:29

Peẽ ningo peikuaa Hesu Crísto heko porãha, ha upéicha pehechakuaava’erã avei opaite onacéva ichugui oiko avei heko potĩva ramo.

1 Juan 3:14

Ñande ningo jaikuaa, jahasáma hague ñemanógui tekoveteépe, jahayhúgui ñane hermanokuérape. Upe ohayhu’ỹva katu oiko gueteri ñemanóme.

1 Juan 3:17

Oime ramo peteĩ oiko porãva ha ohechárõ iñermáno ohasa asyha ha ombotýrõ ipy’apy ichugui, mba’éichapa upéicharõ Ñanderuete mborayhu opytakuaa ipype.

1 Juan 3:9

Opaite onacéva Ñanderuetégui noñemohembiapo vaíri, Ñanderuete semílla (reko porã), (Ipytu Porãmbáva oĩgui ipype), upévare ha’e ndaikatúi oñemohembiapo vai, ha’e oikógui ita’ýra térã itajýra ramo.

1 Juan 4:2

Péicha peikuaáta ha’e ouha Ñanderuetégui: Opaite Pytu he’íva Hesu Crísto ou hague kuimba’etee ramo ko yvy apére, upéva ou Ñanderuetégui,

1 Juan 4:20

Oime ramo peteĩ he’íva ohayhuha Ñanderuetépe ha ndaija’éi iñermáno rehe ijapu. Upe ohayhu’ỹva iñermáno ohechávape, mba’éichapa ohayhúta Ñanderuete ndojehecháivape.

1 Juan 4:7

Che rayhupára, jajohayhúkena, mborayhu ningo Ñanderuete mba’e voi. Ha opaite oporohayhúva onace Ñanderuetégui, ha oikuaa ichupe.

1 Juan 5:18

Jaikuaa ningo opaite Ñanderuete ra’y ha itajýra noñemohembiapo vairiha, Hesu Crísto oñangarekógui hesekuéra, ha pe aña ndopokói hesekuéra.

1 Juan 5:4

Opaite Ñanderuete ra’y ha itajýra añeteguáva ombopoguy ko múndope ijerovia heko pegua rupi.

1 Juan 5:5

Máva piko upe ombopoguýva ko múndope, pe ogueroviáva Hesu Crísto Ñanderuete Ra’yha.