1 Juan 4:4

Ñanderuete Ñe’ẽ Porã 2015

Che ra’ykuéra ha che rajykuéra, peẽ ningo Ñanderuete reheguáva, ha peẽ pembopoguy umi proféta ijapúvape; ituichavégui pe oĩva pendepype, upe oĩva yvy apére.

Referencias Cruzadas

Juan 12:31

Ko’ág̃a oñembojovakéta ko múndope ha oñemosẽta avei okápe Satana, ko múndo ruvichápe.

Juan 14:30

Nañe’ẽ hetamo’ãvéima penendive, oúmagui ko yvy jára, Satana, chemoĩvai hag̃ua, ndojohumo’ãi katu mba’evete jejavy che rekovépe.

Juan 16:11

Ha ohechaukáta oñembojovakemaha ko múndo ruvicha, Satanáme.

Juan 17:23

Che ipypekuéra ha Nde chepype, upéichamante oiko porã hag̃ua hikuái oñondive, ha yvyariguakuéra oikuaa hag̃ua Nde chembou hague, ha Nde rehayhuha ichupekuéra, Nde cherayhu háicha chéve.

Romayguakuérape 8:31

Mba’épa ja’éta upéicharamo ko’ã mba’e ko’ãva rehe. Ñanderuete oĩ ramo ñanendive, máva piko ikatu oñemoĩ ñanderehe.

Romayguakuérape 8:37

Opaite ko’ã mba’evai ñande jagueropu’akapa Hesu Crísto rupi, ñanderayhúgui.

1 Corintoyguakuérape 2:12

Noñeme’ẽiva’ekue ñandéve ko yvy arigua pytu, oñeme’ẽ uvei ñandéve pe Pytu Porãmbáva oúva Ñanderuetégui, jaikuaa hag̃ua pe jopói (regálo) Ha’e ome’ẽmava ñandéve.

1 Corintoyguakuérape 6:13

Pe tembi’u ningo ñande py’ápe g̃uarã, ha ñande py’a ñane rembi’úpe g̃uarã, opáichavo Ñanderuete ombyaíta mokõivévape. Ñande rete katu ndaha’éi teko ky’ápe g̃uarã, Ijapoharépe g̃uarãnte uvei.

2 Corintoyguakuérape 4:4

Ha péva ojehu ko yvy jára (Satana) omohesatũgui ipensamientokuéra, ani hag̃ua ohecha pe tesape oúva Hesu Crísto reko jajaipa ha iñe’ẽ porãitégui, Hesu Crísto ningo Ñanderuete ra’ãnga voi.

2 Corintoyguakuérape 6:16

Mba’éicha piko Ñanderuete iglésia oñembopy’apeteĩkuaáta jára ra’ãnga ñemomba’eguasu reheve. Ñande ningo Ñandejára Hesu Crísto iglésia, Ñanderuete kuatiañe’ẽme he’i háicha: Che aiko ha añembohogava’erã che retã apytépe, ha Che ha’éta Ijára, ha ha’ekuéra che retãtee, (Levítico 26,11-12).

Efesoyguakuérape 2:2

peikova’ekue pene rembipota vai poguýpe, ojeiko háicha ko ára atyguasúpe ha pejapova’ekue ko múndo jára rembipota vai, ha’e ningo pe pytu vai (Satana) omba’apovahína avei opavave oñemoĩvape guive Ñanderuete rehe.

Efesoyguakuérape 3:17

Hesu Crísto oiko hag̃ua pende py’apýpe pende jerovia rupi, ha pene mborayhu toñembohapo mbareteha tokakuaa porãve ohóvo,

Efesoyguakuérape 6:10

Peñemokyre’ỹke Ñanderuete pu’akaguasu rupi, peẽ penembarete hag̃ua.

1 Juan 2:1

Che ra’ykuéra ha rajykuéra, ko’ã mba’e ningo ahai peẽme ani hag̃ua pejapo mba’e ivaíva. Opáichavo oimérõ sapy’a peteĩ ñande apytépe ho’ára’e angaipápe, (anítei péva opyta hi’angaipápe), jarekógui ñane pytyvõhára (abogádo) Ñanderuete ndive g̃uarã, Hesu Crísto, Ha’e oñe’ẽta ñanderehe.

1 Juan 2:13

Che ahaíma peẽ tuvakuérape peikuaágui Hesu Crístope ha pejapógui hembipota, oikomava’ekue ñepyrũ guive. Che ahaíma peẽ, kuimba’ekuérape (40 áño rupi), peẽ pembopoguy haguére añáme (Satanáme).

1 Juan 3:20

Ñande py’apyñe’ẽ ñanemoĩ vaisérõ Ñanderuete renondépe, imborayhu ituichave ñande py’apyñe’ẽgui, Ha’e oikuaapágui voi ñande py’apýpe oĩva guive.

1 Juan 3:24

Ha upe ojapóva hembiapoukapy, upéva oiko Ñanderuetepype, ha Ha’e ipype. Ha upéi jaikuaa avei Ha’e oikoha ñandepype pe Pytu Porãmbáva rupi, Ha’e ome’ẽmava’ekue ñandéve.

1 Juan 4:13

Upéichamante jaikuaa ñaĩha ipype ha Ha’e ñandepype, Ha’e ome’ẽ haguére ñandéve Ipytu Porãite.

1 Juan 4:16

Ha ñande jaikuaa porã ha jaguerovia Ñanderuete ñanderayhuha. Ñanderuete ningo mborayhu añeteguáva ha pe opytáva koichagua mborayhu añeteguáva poguýpe, opyta Ñanderuetepype ha Ha’e opyta ñandepype.

1 Juan 4:6

Ñande katu Ñanderuete reheguáva, ha upévagui pe oikuaáva Ñanderuetépe katuete ñanerendu, ha upe ndaha’éiva Ñanderuete reheguáva nohendumo’ãi ñane ñe’ẽ. Upéicha ñambojuavy porãkuaa pe Pytu Añetegua ha pytu japu apytégui.

1 Juan 5:19

Jaikuaa porã ningo ñande, Ñanderuete mba’eha, ha jaikuaa avei ko múndo oĩha gueteri Satana (aña) poguýpe.

1 Juan 5:4

Opaite Ñanderuete ra’y ha itajýra añeteguáva ombopoguy ko múndope ijerovia heko pegua rupi.

Apocalípsis 12:11

Ha’ekuéra ombopoguy katu ichupe pe Ovechara’y ruguy rupi, ha omyasãi porã haguére Hesu Crísto iñe’ẽ ha hekove rupi, ha nahakate’ỹi hekovekuéra rehe, tekotevẽ ramojepe omano Hesu Crísto rehehápe.