1 Juan 3:9

Ñanderuete Ñe’ẽ Porã 2015

Opaite onacéva Ñanderuetégui noñemohembiapo vaíri, Ñanderuete semílla (reko porã), (Ipytu Porãmbáva oĩgui ipype), upévare ha’e ndaikatúi oñemohembiapo vai, ha’e oikógui ita’ýra térã itajýra ramo.

Referencias Cruzadas

Job 19:28

Peje ramo: Mba’érehepa ñamuñáta ichupe, ipype ningo oĩ voi ijehasa asy rapo.

Salmokuéra 119:3

umía ndojapói aña rembiapo, oguata porã hikuái uvei Ñanderuete rapére.

Levítico 11:37

Peteĩ mymba re’õngue ho’a ramo mba’e ra’ỹi (semílla) oñeñotỹtava ári, ko’ãva opyta ipotĩ.

Matéo 7:18

Ndaikatúi pe yvyra iporãva hi’a vaívo, térã pe yvyra hasýva hi’a porãvo.

Juan 1:13

Kóva nonacéi yvyarigua ruguy rupi, ni yvyarigua ro’o rupi, ni kuimba’e rembipota rupi, Ñanderuete rembipota rupínte uvei onace.

Juan 3:3

Hesu ombohovái ichupe: Añetehápe, añetehápe ha’e ndéve upe onace jevy’ỹva ndaikatúi oike Ñanderuete retãguasúpe ha ndohechaiva’erã avei ichupe.

Apostolkuéra 4:20

Ore ningo ndaikatúi roguerokirirĩ umi mba’e ore rohecha ha rohenduva’ekue.

Romayguakuérape 6:2

Mba’evetéicharõ. Ñande ñamanómava’ekue angaipápe g̃uarã, mba’éicha piko jaikovetañaína gueteri ipype.

Galaciayguakuérape 5:17

Pe yvyarigua rete rembipota oñemoĩ pe Pytu Porãmbáva rehe, ha pe Pytu Porãmbáva oñemoĩ pe yvyarigua rete rembipota vai rehe, mokõivéva oñorãirõ oñondive ani hag̃ua pejapo umi mba’e pejaposéva.

Títope 1:2

Ñaha’ãrõñaína pe tekove tapia g̃uarãva, Ñanderuete ndaikatúi ijapu, oprometeva’ekuégui umi ára atyguasu mboyve.

1 Pédro 1:23

Peẽ ningo peikove jevy, ndaha’éi pende ru ha sy yvy arigua omanótava rembipota rupi, Ñanderuete rembipota rupi uvei penace jevy.

1 Juan 2:29

Peẽ ningo peikuaa Hesu Crísto heko porãha, ha upéicha pehechakuaava’erã avei opaite onacéva ichugui oiko avei heko potĩva ramo.

1 Juan 3:6

Opaite umi opytáva ipype ndojapói mba’eve ivaíva, umi tembiapo vai apoha katu ndohechái ni ndoikuaái ichupe.

1 Juan 4:7

Che rayhupára, jajohayhúkena, mborayhu ningo Ñanderuete mba’e voi. Ha opaite oporohayhúva onace Ñanderuetégui, ha oikuaa ichupe.

1 Juan 5:1

Oimeraẽ ogueroviáva Hesu ha’eha pe Crísto, ha’éma Ñanderuete ra’y térã itajýra, ha upévare ha’ekuéra ojohayhuva’erã Ñanderuete mborayhu reheve.

1 Juan 5:18

Jaikuaa ningo opaite Ñanderuete ra’y ha itajýra noñemohembiapo vairiha, Hesu Crísto oñangarekógui hesekuéra, ha pe aña ndopokói hesekuéra.

1 Juan 5:4

Opaite Ñanderuete ra’y ha itajýra añeteguáva ombopoguy ko múndope ijerovia heko pegua rupi.

3 Juan 1:11

Che rayhupára, ani rejapo ivaíva, iporãva uvei. Upe ojapóva mba’e iporãva, Ñanderuete reheguáva; ha pe hembiapo vaíva katu, ndohechái Ñanderuetépe.