1 Juan 1:2

Ñanderuete Ñe’ẽ Porã 2015

ha pe Tekovete ojehechaukava’ekue ha ore ropytava’ekue techahare añeteguáva ramo, ore romombe’u peẽme. Ko Tekovete tapia g̃uarã oikova’ekue Ñanderuete ndive ha ojehechaukáma oréve.

Referencias Cruzadas

Juan 1:18

Avave ndohechái máramo Ñanderuetépe, Ita’ýra peteĩeténte, pe Jára oĩva Ñanderuetepype, Ha’e (Hesu) mante oikuaauka ñandéve Itúvape.

Juan 1:4

Ipype oĩva’ekue pe Tekove, ha pe Tekove ningo umi kuimba’e ha kuñakuéra Resapehára.

Juan 10:28

Ha Che ame’ẽ ichupekuéra tekove tapia g̃uarãva, ha noñehundimo’ãi máramo, ha avavete ndoipe’amo’ãi ichupekuéra che pógui.

Juan 14:6

Hesu he’i ichupe: Che ningo pe tape, pe añetegua ha pe tekovete, avave ndaikatúi og̃uahẽ che Ruete rendápe cherehe’ỹ. Cherupímante uvei ikatu oñeg̃uahẽ Ñanderuete rendápe.

Juan 15:27

Ha peẽ avei pepytáta che rechahare ramo ha moherakuãhára ramo, peikógui chendive ñepyrũ guive.

Juan 16:28

Che voi asẽ Ñanderuetégui, aju hag̃ua ko yvy ári, ha aheja jevýta ko múndo kóva, aha hag̃ua che Ruete rendápe.

Juan 17:3

Ha pe tekove tapia g̃uarãva ningo kóva: Tandekuaa hikuái ndéve, Ndémante Ñanderuete añeteguáva, ha toikuaa avei pe Nde rembouva’ekue, Hesu Crísto.

Juan 17:5

Ha ko’ág̃a che Ruete chembotuicha nendive pe teko jajaipápe, Che aguereko ypyva’ekue nendive aju mboyve guive ko yvy ári, ko múndo oiko mboyve.

Juan 19:35

Ha upe ohechava’ekue opaite ko’ã mba’e, opytáma techahare ramo, ha opaite mba’e ha’e he’íva guive hi’añete, peẽ pejerovia hag̃ua avei Hesu rehe.

Juan 21:14

Kóva ningo mbohapyha jevy Hesu ojehechaukaháma hemimbo’ekuérape oikove jevy rire omanova’ekue apytégui.

Juan 3:13

Avave ndojupíri yvágape, upe yvágagui oguejyva’ekuémante, ha kóva ningo pe yvyarigua Ra’y, (Daniel 7,13).

Juan 7:29

Che katu aikuaa ichupe, Che ningo imba’e, ha Ha’e voi ningo chembouva’ekue.

Juan 8:38

Che añe’ẽ’aína umi mba’e ahechava’ekue che Ruete ndive; peẽ katu pejapopeína pende ru (Satana) he’iukava’ekue peẽme.

Apostolkuéra 1:22

Ha’e ojebautiza guive Juan po rupi, upe ára ojehupi peve yvágape. Peichaguámante ikatu omombe’u Ñandejára oikove jevyha avei ikatu opyta techahare añeteguáva ramo.

Apostolkuéra 10:41

Hesu Crísto ndojehechaukái opaite hetãyguakuérape, ore hechaharekuérapente, Ha’e oiporavo raẽva’ekue, ha rokaru ha roy’uva’ekue hendive, Ha’e oñemoingove rire omanova’ekue apytégui.

Apostolkuéra 2:32

Ñanderuete voi omoingove jevy Hesu Crístope, ha ore roikóma opaite ko’ã mba’e techahare ramo.

Apostolkuéra 3:15

ha pejuka pe tekove Járape, Ñanderuete katu omoingove jevy ichupe omanova’ekue apytégui, ha ore ningo opaite ko’ã mba’e rechaharekuéra.

Apostolkuéra 5:32

Ore ningo umi mba’e rechahare ha pe Pytu Porãmbáva avei, Ñanderuete ome’ẽva umi iñe’ẽrendúvape.

Romayguakuérape 8:3

Ha umi mba’e Moises rembiapoukapykuéra ikatu’ỹva ojapo, ñande kuimba’e ha kuña reko ikangýgui, péva Ñanderuete ojapova’ekue ita’ýra Hesu Crísto rupi, omboúvo ichupe kuimba’e reterõguáicha ko yvy apére, ha péicha Ñanderuete ikatu ocondena pe angaipa Hesu Crísto rete rupi, ndo’áigui Ha’e angaipápe.

Galaciayguakuérape 4:4

Og̃uahẽvo pe ára Ñanderuete oiporavomava’ekue, Ha’e ombou Ita’ýra ko yvy apére, onaceva’ekue peteĩ kuñataĩ heko potĩvagui ha opytáva Moises rembiapoukapykuéra poguýpe.

1 Timotéope 3:16

Añetehápe mba’e tuichaitereíva ko’ã mba’e ñemi (ojehechaukamava’ekue umi ojeroviávape Hesu Crísto rehe): Hesu Crísto ojehechaukava’ekue yvyarigua retépe, Ha’e oiko katu heko potĩva ramo ipytu porãme. Ha’e ojehechaukava’ekue yvága rembiguaikuérape (angelkuérape), oñemyasãiva’ekue tetãnguéra apytépe, tetãyguakuéra ojerovia hese, ha upéi Ñanderuete ohupi Hesu Crístope heko jajaipa oĩháme.

2 Timotéope 1:10

Ko’ág̃a katu ojehechaukáma Hesu Crísto ñandesalvaha Ha’e ombopoguýgui pe ñemano, ha oguerúgui tesapehápe tekove tapia g̃uarãva pe evangélio rupi.

Títope 1:2

Ñaha’ãrõñaína pe tekove tapia g̃uarãva, Ñanderuete ndaikatúi ijapu, oprometeva’ekuégui umi ára atyguasu mboyve.

1 Pédro 5:1

Che poavisase peẽ karai ancianokuérape, (pemyakãva pe iglésia rembiapo), che voi peteĩ pende reheguáva, che ningo peteĩ techahare ohechava’ekue Hesu Crísto ohasa asy hague, ha oñeme’ẽta chéve che rendag̃ua Ha’e ou vove heko jajaipa reheve.

1 Juan 1:1

Ore rohai pe Ñe’ẽ tekovete rehegua rehe, oikova’ekue ñepyrũ guive, ha ore rohenduva’ekue ichupe ore apysatee rupi, ore rohechava’ekue ichupe ore resatee rupi, ore ropokova’ekue hese ore potee rupi,

1 Juan 2:25

Kóva ningo pe Ha’e oprometeva’ekue ñandéve: Pe tekove opa’ỹva.

1 Juan 3:5

Peẽ ningo peikuaa voi, Hesu Crísto ojehechauka hague oipe’a hag̃ua ñane rembiapo vaikue, ipype ndaipórigui angaipa (tembiapo vai).

1 Juan 3:8

Pe hembiapo vaíva katu aña mba’e, pe aña oñemohembiapo vaígui ñepyrũ guive. Upévare ningo Ñanderuete Ra’y ou, ombyai hag̃ua aña rembiapo.

1 Juan 4:14

Ha ore rohecha ha roikuaaukaroína pe Túva ombou hague Ita’ýrape osalva hag̃ua tetãyguakuérape.

1 Juan 4:2

Péicha peikuaáta ha’e ouha Ñanderuetégui: Opaite Pytu he’íva Hesu Crísto ou hague kuimba’etee ramo ko yvy apére, upéva ou Ñanderuetégui,

1 Juan 5:11

Ha Ñanderuete me’ẽmby ñandéve g̃uarã ningo kóva: Tekove tapia g̃uarãva, ha ko tekove tapia g̃uarãva oĩ Ita’yrapype.

1 Juan 5:13

Upévare che ahai peẽme, pejeroviáva guive Hesu Crísto rehe, peikuaa porã hag̃ua peguerekoha pe tekove tapia g̃uarãva.

1 Juan 5:20

Jaikuaa ningo Ñanderuete Ra’y ou hague, ha ome’ẽ ñandéve akã porã ñande jaikuaa hag̃ua pe Añeteguávape, ha ñande ñaĩ pe Añeteguavapype, he’ise Ñanderuete Ra’y Hesu Crístopype. Ha’e Ñandejára Añeteguáva ha pe tekove tapia g̃uarãva.