Ñemohenda
150 Umi versíkulo bíblico onase hag̃ua peteĩ mitã
Peteĩ mitã ñanase ha’e peteĩ mba’eguasu ñanemomandu’áva Tupã mbareté ha mborayhu tuichaetévare. Ñandejára Ñe’ẽme jajuhu heta ñe’ẽpoty oguerohorýva peteĩ tekove pyahu ou yvy’arivépe, ohechaukávo mba’éichapa iñimportante ha ovaleína pe tekove iñepyrũmbýguive.
Salmo 139:13-14-pe, he’i: “Nde rejapo che py’a; che remopu’ã che sy ryepýpe. Rohayhúta ndéve, cheapohaguére peteĩ mba’e hechapyrãvaicha; ne rembiapokue iporãiterei, ha upéva aikuaa porãiterei!”. Ko’ã ñe’ẽ ñanemomandu’a opavave ñande rekove ojejapoha peteĩ mba’erã Tupã oipotahávare ha ñande ha’eha Tupã po rupi ojejapova’ekue.
Jeremías 1:5-pe katu, Ñandejára he’i ñandéve: “Nde reñepyrũ mboyve che sy ryepýpe, che aikuaa ndéve; ha’éva reñepyrũ mboyve, che romoĩ’ypy ndéve”. Ko ñe’ẽ ñanembo’e Tupã orekoha peteĩ plan opavave ñandéve g̃uarã ñanase mboyve jepe, ha opavave mitã ha’eha peteĩ jehovasa ha peteĩ ñeha’arõ pyahu pe áragua g̃uarã.
Peteĩ mitã ñanase ñanemomandu’a avei ñane rembiapo tuvakuéra ha cristiano ñande ha’évare. Proverbios 22:6-pe oje’e ñandéve: “Ehekombo’e mitãme haperã; upéicharõ ituja rire ndohejaichéne”. Ko ñe’ẽ ñanemokyre’ỹ ñambo’e ha ñamotenonde hağua mitãnguérape Tupã rapére ha mborayhúpe.
Ha upéi, ñamanomandu’a Jesús ñe’ẽ Marcos 10:14-pe: “Peheja mitãnguéra toğu che rendápe, ani pembohovake chupekuéra, Tupã sãmbyhy oĩgui ko’ãichagua rehe”. Jesús ñanembo’e ñamomba’e ha ñangareko hağua mitãnguérare, jahechakuaávo ipy’aporã ha iñimportanteha hikuái Tupã sãmbyhyguápe.
Reime mboyve nde sy ryépe roikuaamava’ekue, che roiporavóma ha romboykemava’ekue che proféta ramo tetãnguérape g̃uarã.
Oimeraẽ omog̃uahẽva koichagua mitãme che rérape, chéve chemog̃uahẽ ha pe chéve chemog̃uahẽva, nachemog̃uahẽi chéve año, pe chembouva’ekuépe avei.
Peikuaa porãke, ñande ra’y ha ñande rajykuéra Ñanderuete jopói ha ijehovasaha. Ku hu’ýicha soldádo pópe, upéicha umi ta’ýra oúva peteĩ kuimba’e rekovépe ha’e ipyahu ha imbarete aja. Ovy’aite pe kuimba’e omyenyhẽva ihu’y ryru, notĩmo’ãi ha’e, oñembyaty ramojepe hese ija’e’ỹva itáva rokẽme oñorãirõ hag̃ua.
Nde voi che rekove apohare, Nde cheapova’ekue che sy ryépe. Che romomba’eguasu Nde cheapo porãitégui, ne rembiapokuéra mba’e techapyrãva, ha che ánga oikuaa porã voi ko’ã mba’e.
Che añohẽta y yvy ijy’uhéiva ári, ha ambosyrýta y yvy ikãha rupi, Che añohẽta che Pytu Porãite ne mitãkuéra ári ha che jehovasa ne ñemoñarenguéra ári.
Péicha he’i Ñanderuete, ndesalvátava, nde’apova’ekue nde sy ryépe: Che, pende Ruete, opaite mba’e apohare, Chénte amyasãi yvagakuéra, ha amohenda porã ko yvy.
Aiko guive ko yvy apére aikotevẽ nderehe, che sy rye guive Nde voi ningo che Jarateetéva.
Ojesaupi jevy rire ohecha umi kuña ha umi mitãme, ha he’i: Máva piko ko’ãva. Ha Jacóbo he’i ichupe: Ko’ã mitã Ñanderuete ome’ẽma ne rembiguáipe.
Ñanderuete ojapóta pe kuña ikatu’ỹva imemby, imemby heta hag̃ua ha ovy’a hag̃ua imembyeta apytépe, alelúia (pemomba’eguasu Ñanderuetépe).
Añetehápe tuichaite mba’e Ñanderuete ojapo ñanderehe, upévare ñande javy’aiteva’ekue.
Temimenonguéra (inietokuéra) ningo taitaguasu rerakuã porã, ku akã jeguaka porãváicha, ha ta’yrakuéra rerakuã porã ningo ituvakuéra.
Ha pe ángel he’i ichupekuéra: Ani pekyhyje, peikuaa porãke aju amombe’úvo peẽme mba’e ipyahúva ombohorýtava opaite tetãnguérape. Onaceramoite peẽme g̃uarã pe salvador Hesu Crísto, David táva Belénpe.
Ne rembireko ha’ete ku parral mátaicha nde róga yképe hi’a porãva, ha imembyeta oguapy ne mesa jerekuévo ku olivo’áicha hakãre.
Ne retãme ndaiporimo’ãi kuña imembykuáva ni ikatu’ỹva imemby; ha che ambopukuvéta nde rekove ára.
Hesaráinepa peteĩ kuña imemby kambúvagui, ndoiporiahuverekovéi hag̃ua imemby hyégui osẽva’ekuépe. Ha pe sy hesarái ramojepe, Che araka’eve ndacheresaraimo’ãi ndehegui.
Pe esperánza Ñanderuete ome’ẽva tomyenyhẽ pende jerovia, vy’águi ha py’aguapýgui, ha pende esperánza tokakuaave ohóvo Pytu Porãmbáva pu’aka rupi.
Ñanderuete imba’e porãite maymáva ndive g̃uarã, ha oiporu imborayhu opaite hembiapokue rehe.
Cháke, ani pejapo’i ko’ã ojeroviaramóvape, Che ningo ha’e peẽme ijyvága rembiguaikuéra (angelkuéra) tapiaite ohecha che Ruete rova.
Sapy’aitemínte hi’are ipochy, ijeporiahuvereko katu oiko kuimba’e ha kuñakuéra rekove pukukue. Ka’aru pytũme og̃uahẽ jahe’o, iko’ẽvo katu opa, ha hendaguépe og̃uahẽma vy’a tuicháva.
Ejeroviáke nde py’aite guive Ñanderuete rehe, ha ani rejejoko ne arandu rehe. Nemandu’áke hese opaite nde rape rehe, ha Ha’e omyesakãta ne raperã.
Ha Ñanderuete ohovasa ichupekuéra ha he’i: Peñemoña ha peñembohetáke; pemyenyhẽ meve ko yvy, ha pemoĩ pende poguýpe, peisãmbyhy umi pira yguasúre oikóva, guyra árare ovevéva ha opaichagua mymba omýiva guive yvy apére.
Nde resakuéra ohecháma che rekove oñepyrũ porã mboyve, ha ne kuatiañe’ẽme ojehaipáma opaite che rekove ararã oñepyrũ mboyve che ára peteĩha.
Ku hu’ýicha soldádo pópe, upéicha umi ta’ýra oúva peteĩ kuimba’e rekovépe ha’e ipyahu ha imbarete aja. Ovy’aite pe kuimba’e omyenyhẽva ihu’y ryru, notĩmo’ãi ha’e, oñembyaty ramojepe hese ija’e’ỹva itáva rokẽme oñorãirõ hag̃ua.
Horyete mayma okyhyjéva Ñanderuetégui, ha oguatáva hape rehe. Re’u jave nde po rembiapokue revy’aite ha oho porãmbáta ndéve.
Chepy’aroryetéta Ñanderuete ndive, che ánga ovy’aitéta che Jára ndive, chemonde haguére isalvacion pegua aópe ha cheñuã ijustícia rehegua ahojápe, ku omendátava peguáicha chembojeguaka hikuái, oñembojeguaka háicha kuñataĩ omendátava ijeguaka hepývape.
Hesu katu ohenói ichupekuéra ha he’i: Peheja mitãkuéra tou che rendápe ha ani pejoko ichupekuéra, Ñanderuete retãguasúpe ningo oike ha’ekueraichagua voínte.
Hesu katu he’i: Peheja mitãkuérape tou che rendápe, ha ani pejokótei ichupekuéra, umi upéicha oikóvape oñeme’ẽ Ñanderuete retãguasu (réino).
Che amosẽta umi tetãnguérape ne renonderãgui ha ambotuichavéta ne retã yvy ha avave ndoipotamo’ãi nde yvy nde rejupi jave reñemoĩ hag̃ua pende Ruete renondépe mbohapy jevy opaite áñope.
Nde reguenohẽ haguére che ánga ñemanógui ha che py ñepysãngágui, aguata porã hag̃ua che Ruete renondépe, pe oikovéva resapépe.
Upévarehe, ani pejepy’apy ha peje: Mba’épa ro’úta, térã mba’épa romboy’úta, térã mba’épa romondéta. Ko’ã mba’e umi ojerovia’ỹva oñeha’ã ohupity hag̃ua, pende Ruete yvága pegua katu oikuaa porã peẽ peikotevẽha opaite ko’ã mba’e rehe. Peheka raẽ Ñanderuete rembipota ha hetãguasu, ha opaite ko’ã mba’e oñeme’ẽmbáta peẽme.
Py’aguapypópe aha’ãrõ Ñanderuetépe, ha Ha’e oñemboja cherehe ha ohendu che mba’ejerure asy. Nañomíri nde justícia che py’apýpe, aikuaauka uvei nde reko hekoitépe ha ne mborayhu. Nañomíri ne añetegua ni nde poriahuvereko, amyasãi uvei atyguasúpe. Che Ruete, anína rejoko chehegui nde poriahuvereko, nde poriahuvereko ha ne añetegua tapia toñangareko cherehe. Ojere cherehe mba’evaieta ojepapakuaave’ỹ meve, che rembiapo vaieta cherupitýma, ha ndaikatúi ajesaupi. Umía hetave che akã raguekuéragui, ha che py’a ndoiko porãvéi, ho’áma yvýre. Tahi’ãite ndéve chepytyvõmi hag̃ua, Nde, che Jaraite. Che Ruete, pya’emína eju chepytyvõ hag̃ua. Toñemotĩ ha tojesarea joaite peteĩcha umi ohekáva ohundi hag̃ua che rekove. Tokañy hapykue gotýo ha toñemotĩ opaite umi chehundiséva. Toñemotĩ ha toñemondyipa umi oñembohorýva cherehe, ha chehundiséva. Tovy’a ha tahory opaite umi nderekáva, ha opaite ojeroviáva guive nderehe te’i: Ñanderuete ningo ituichaiterei voi. Ajepy’apy ha ahasa asy ramojepe, (aikuaa porã) Ñanderuete oñangarekotaha cherehe. Nde voínte che pytyvõhára, Nde, che Ruete, eju pya’e chesalva hag̃ua che jejopy vaígui. Ha’e cherenohẽma pe yvykuágui, ahasa vai haguégui pe tuju karugua vaietégui; chepe’a ha emoĩ che pykuéra itaguasu ári chemboguata porã jevy hag̃ua. Ha upéi omoĩ che jurúpe peteĩ purahéi pyahu, amomba’eguasu hag̃ua che Ruetépe. Heta oĩta ohechátava ko’ã mba’e, okyhyjéta Ñanderuetégui ha ojeroviáta hese.
Ku ovecha rerekua oñangareko háicha hymba aty rehe; ijyva ári ogueraháta umi ovechara’y, ha ipyti’akuápe oñongatu ichupekuéra, mborayhupópe oñangarekóta umi imembyramóva rehe.
Nde katu, che Ruete, che Jára oporoporiahuverekóva ha ipy’a porãva, nembegue ndepochy hag̃ua, ha nde poriahuvereko ha nde py’aporã katu ituichaite.
Hesaráinepa peteĩ kuña imemby kambúvagui, ndoiporiahuverekovéi hag̃ua imemby hyégui osẽva’ekuépe. Ha pe sy hesarái ramojepe, Che araka’eve ndacheresaraimo’ãi ndehegui. Peikuaa porãke, che po pytépe ahai ne ra’ãnga; ha nde korapyjere yvate tapiaite oĩ che resa renondépe.
Ha’ete ku yvyra oñeñotỹva’ekue ysyry rembe’ýpe, ha’e hi’a hi’araitépe ha ndahogue kúiriva, ha opaite mba’e ojapóva guive osẽ porãmba ichupe.
Upe oikóva pe Jára Ijyvatetéva ãme ha pe Ipu’akapáva poguýpe, Ndéve ndojehumo’ãi mba’evaietéva, ha mba’asy iñasãiva ndojamo’ãi nde róga rehe. Ñanderuete he’íta hi’angelkuérape oñangareko hag̃ua opaite nde raperã rehe. Hi’angelkuéra ndererahava’erã ipopekuéra ani hag̃ua ita rehe reñepysãnga. Nde rehasa ramo jepe leõ ha mbói ári, nde rehundipáta ichupekuéra. Ñanderuete voi ningo he’i: Ha’e ojejoko hatãgui cherehe, Che aguenohẽta ichupe ijejopy vaígui, ha Che añangarekóta hese ha’e oikuaágui che réra. Ha’e ohenói ramo che réra Che ambohováita ichupe, Che aĩta hendive ijepy’apyha árape, aguenohẽ hag̃ua ichupe ijejopy vaígui ha upéi Che ambotuicháta ichupe. Ambopukúta hekove, ha ahechaukáta ichupe che pu’aka (ha ha’e oikóta chendive tapia guarã). he’ikuaa Ñanderuetépe: Nde, che Ruete, ne rendápe akañykuaa ha Nde che mo’ãha, Nde, che Ruete, nderehe ajerovia.
Upéramo Ñanderuete, pe Jaraitéva ojapo pe kuimba’e yvy timbógui ha oipeju itĩme Ipytu Porãitéva oporomoingovéva, upéicharupi oiko pe kuimba’égui peteĩ ánga oikovéva.
Peẽ, Jacóbo rogaygua, ha peẽ Israel rogaygua hembýva guive pejapysaka porãke, Che voi pogueraha pende sy rye guive. Ha Che nañemoambuemo’ãi, pende tuja peve ha pene akã imorotĩmba peve añangarekóta penderehe; Che pogueraha haguéicha, poguerahavéta ha añangarekovéta penderehe.
Noñeme’ẽipa mokõi guyra’i média hóra tembiapo repy rehe, ha peteĩ jepe ndo’amo’ãi pende Ruete oikuaa’ỹre. Felípe ha Bartolome, Tomas ha Matéo, pe impuésto mbyatyhára; Jacóbo, Alféo ra’y, ha Tadéo; Pene akã rague jepeve ojepapáma. Upévarupi ani pekyhyje. Peẽ, mba’eguasueteve heta guyra’ígui.
Ñanderuete tanderovasa Sion guive ha tohechauka ndéve umi mba’eporãva Ha’e ome’ẽva Jerusalénpe nde reikove aja. Ha terehecha jevy nde ra’ykuéra ra’yrãme. Tandepy’aguapy Israel retã.
Opaite me’ẽmby iporãva ha opaite jopói hekoite peguáva ou yvatégui, Ñanderuetégui; Ha’e ningo pe tesape Ru, Ha’e noñemoambuéi ha hendive ndaipóri ypytũ.
Umi mitãmimi ha umi okambúva jurúgui remopu’ã nde róga yvate oñemombaretéva umi nderehe ija’e’ỹva rehehápe, remokirirĩ hag̃ua upe oporohayhu’ỹvape ha oñemoĩvape nderehe.
Adan oiko hembireko Éva ndive. Ha’e hyeguasu ha imemby Cain, ha he’i: Ñanderuete rupi chememby peteĩ mitãkuimba’e.
Ehekombo’e porãke nde ra’ýpe ijejavýgui, ha nembopy’aguapýta, ha ha’e ombohorýta ne ánga.
Ñanderuete mborayhu katu oĩ peteĩ ára atyguasu guive ambue ára atyguasu peve umi okyhyjéva ichugui ndive, ha ijustícia opyta iñemoñarenguéra peve, umi ojapóva guivénte iñe’ẽme’ẽ, ha umi imandu’áva hembiapoukapy rehe ojapo hag̃ua hekoitépe.
Añetehápe Ñanderuete ome’ẽma iñe’ẽ Davídpe, Ha’e nopyrũi iñe’ẽre ome’ẽmava’ekue ichupe: Iñemoñare amoĩta iguapyhaguasu ári. Nde ra’ykuéra ojapo guive che ñe’ẽ ha che rembiapoukapy Che ambo’e haguéicha ichupekuéra, ita’yrarekuéra jepe oguapýta avei nde guapyhaguasu ári opaite árape.
Peikuaa porãke Ñanderuete ha’eha pe oikóva tapia g̃uarã, Ha’e ñande apohare ha ñande, imba’eha. Ha’e oñangareko hetã rehe ha ijovecha aty rehe.
Re’a porãitereígui che resa renondépe, cherakate’ỹ nderehe, ha Che rohayhu; upévagui ame’ẽta kuimba’ekuéra ha tetãnguéra nde rekove rehe.
Ajahe’o rãngue, ajeroky vy’apópe. Nde rejoráma che ao vosakue rehegua, ha cheku’a jopyha torypápe.
Ñanderuete, Nde ningo che itaguasu (ajesalva hag̃ua) ha che róga yvate oñemombaretepyréva ha che pytyvõharaite; Nde, che pytu’u rendaitéva, nderehe ajerovia tapiaite; che mo’ãhára, Nde reñangareko porã cherehe, Nde reĩ chendive chesalva hag̃ua.
Ha’e oipytyvõtagui pe mboriahuetévape omba’ejerure asy jave, ha oipytyvõta umi oñembyasýva ha oñehundítavape. Ha’e oiporiahuverekova’erã imboriahu ha iporiahuetereívape, ha oguenohẽta umívape ijejopy vaígui. Ha’e oguenohẽva’erã hi’angakuéra japu ha ñorãirõgui, huguy ningo mba’e hepýva hesa renondépe.
Upévare umi oikuaáva nde réra ojerovia nderehe, Nde, ore Ruete, nderepoírigui umi nderekávagui.
Pe Pytu Porãmbáva oikuaauka ñande pytu porãme ñande ha’eha Ñanderuete ra’y ha itajyraha.
Ambopukúta hekove, ha ahechaukáta ichupe che pu’aka (ha ha’e oikóta chendive tapia guarã).
Ha opaite nde ra’ykuéra oikóta nde Ruete remimbo’ekuéra ramo; ha pe py’aguapy oñemboheta hetavéta ichupekuéra g̃uarã.
Ha nañañomimo’ãi ñande ra’ykuéragui, ñamombe’u jevyva’erã Ñanderuete rembiapoguasu ha ipu’aka ñane ñemoñarenguérape.
Ñanderuete ombohetavéta nde ra’ykuéra, nde koga’a, ne rymba ra’ykuéra, nde vaka ra’ykuéra ha nde ovechakuéra aty.
Ñanderuete voi ñane mbojovakehára, Ha’e ñane sãmbyhyhára, Ha’e ñane Retã Ruvicha, Ha’e ñandesalváta.
Umi ndehegui okyhyjéva cherecha porã ha ovy’a joa hikuái, ajerovia haguére ne ñe’ẽ rehe.
Máva piko oguerovia ore ñe’ẽ, ha mávape g̃uarã piko ojehechaukava’ekue Ñanderuete pu’aka. Upeichavéramo jepe, Ñanderuete oipy’apy ichupe, oñapytĩ ichupe jehasa asy poguýpe. Ha ikuave’ẽmby heko potĩ rupi Ha’e omoingove yvyariguakuérape, Ha’e ohecháta iñemoñare oikove pukútaha, ha Ñanderuete rembipota ojejapopáta hekoitépe Ha’érupi. Hi’ánga ohasa asyete rire Ha’e ohecháta hembiapo hi’a porã, ha ovy’áta ikuave’ẽmby porã rupi. Ha’e, pe Heko potĩva omopotĩ heta yvyariguápe hembiapo vaígui ha umía Ha’e voi ogueraháta ijapére. Upévare Ñanderuete omohendáta ichupe umi karaiguasu apytépe, ha umi imbaretéva ndive omboja’o hag̃ua hembiapo repykue, oñohẽ hekove ha omanóvo Ha’e ogueraha ijapére heta yvyarigua rembiapo vai ha ojepapa ichupe heko vaíva apytépe Ha’e oñembo’e ramojepe hekove vaíva rehe. Ha’e okakuaa henondépe ku mba’e roky pyahúicha, ha yvyra rapóicha yvy perõme, Ha’e naiporãi ha ndoguerekói ijehe mba’e iporãva ñama’ẽ hag̃ua hese. Hova ha hete rehe ndaipóri mba’eve iporãva ñande jaipotaiterei hag̃uáicha.
Peñemombaretéke opavave peẽ pejeroviáva guive Ñanderuete rehe, ha pemokyre’ỹ pende py’apy.
Rehechaukáta chéve pe tekove rape, nde ypýpe oĩ vy’a añetetéva, ha péva ndopamo’ãi araka’eve.
Ñanderuete ojapova’erã mba’e iporãitéva chéve g̃uarã, ne mborayhu ndopamo’ãi araka’eve, ani repoi ne rembiapokuégui.
Ñanderuete voi omoĩmbava’erã imba’eitágui opaite peikotevẽva guive, Hesu Crísto reko jajaipa rupi.
Ñanderuete ombotapereva’erã umi oñembotuicháva róga, omoĩ hatãva’erã katu imenave’ỹmava yvy rembe’y.
Peagradece opaite mba’e rehe, kóva ningo Ñanderuete rembipota ojeroviáva guivépe g̃uarã Hesu Crístore.
Aníke peiko umi hakate’ỹvaicha, oikóva pirapire rekávonte, pevy’a uvei peguerekomíva reheve; Ñanderuete voi he’i: Che ndapoimo’ãi araka’eve pendehegui ha araka’eve Che ndapohejamo’ãi tyre’ỹ ramo, (1 Timotéope 6,6; Josue 1,5).
Ovy’aitehína umi kuimba’e okyhyjéva Ñanderuetégui, ha ipy’a rory hembiapoukapy reheve.
Che katu aiko ku olívo máta rovyũicha Ñanderuete rogaguasúpe, Ñanderuete poriahuvereko rehe ajeroviase opaite árape.
Eity umi mba’e ipohýiva ha ndejopýva Ñanderuete ári, Ha’e oñangarekóta nderehe, Ha’e ndohejamo’ãi heko potĩva oñehundi.
Peha’ãrõ vy’apópe ani penekangy ou ramo pe jepy’ara’ã, peropu’akakuaákena, peñembo’epeína uvei.
Opaite pejapóva guive, pejapo pende py’aite guive pejapórõ guáicha Ñanderuetépe g̃uarã, ha ani yvyariguápente. Peikuaa porã voi Ñanderuete ome’ẽtaha peẽme pe yvága remime’ẽ (tekove opa’ỹva) pene rembiapo porã repykue ramo, upévare pemba’apo tembiguái porãva ramo Ñanderuetépe g̃uarã.
ha umi Jerusalengua ojepy’apy asývape ame’ẽukáta iñakã jeguakarã, tanimbu rãngue; acéite ryakuã porã, jahe’o rãngue; ahoja tory rehegua, jepy’apy rãngue; hérata tajy justícia rehegua, Ñanderuete oñotỹtava ohechauka hag̃ua heko jajaipáva.
Péicha tohesape avei pende resape pende rapichakuéra apytépe, ohecha hag̃ua hikuái pene rembiapo porã ha omomba’eguasu hag̃ua pende Ruetépe oĩva yvagakuérape.
Nde remoheñói pe kapi’i mymbakuérape g̃uarã, ha umi temitỹngue yvyariguápe g̃uarã Nde reguenohẽ yvýgui, pe trígo yvyarigua rembi’urã. Ha víno ombopy’arory kuimba’e ha kuñakuérape, pe acéite ombovera yvyariguakuéra rova, ha pan rupi remombarete ichupekuéra.
Ñanderuete oguerohory umi ichugui okyhyjévape, ha umi ojeroviávape imborayhu rehe.
Pehechamína mba’eichaitépa iporã ha mba’eichaitépa ome’ẽ py’arory tyvyrakuérape oiko ramo oñondive peteĩ py’ápe.
Tesaypópe oñemitỹva’ekue, vy’apópe katu omono’õva’erã iñemitỹ’anguéra. Ha’ekuéra oñotỹ tasẽme, vy’apópe katu omono’õ jevyva’erã ikoga’akuéra.
Ore Ruete, ore Jára, ndepy’a porã orendive, upévagui ehovasami ore po rembiapo, añetehápe, ehovasa ore po rembiapo.
Ag̃uiete oĩ Ñanderuete mayma ohenóiva guive ichupe, umi ohenóiva jeroviapópe ichupe.
Pe Pytu Porãmbáva katu hi’a: Mborayhu añeteguáva, tory, py’aguapy, paciéncia, oporombohorýva, py’aporã, jerovia, ñemomirĩ, jejokokuaa. Moises rembiapoukapykuéra katu noñemoĩri ko’ã Pytu Porãmbáva’a rehe.
Pema’ẽna mba’eichagua mborayhúpa Ñanderuete ome’ẽ ñandéve, ñañembohéra hag̃ua Ñanderuete ra’ykuéra ha rajykuéra, ha umivahína ñande voi. Upévare Ha’érupi ko múndo nañandekuaái, ndoikuaáigui ichupe.
Mba’épa ojehúta upe kuimba’e okyhyjéva Ñanderuetégui, Ha’e ohekombo’éta ichupe oiporavokuaa hag̃ua haperã. Ha’e oiko porãitéta ha iñemoñarenguérape g̃uarã opytáta ko yvy kóva imba’etee ramo.
Ndajajeroviái ramo nañambopy’arorýi Ñanderuetépe; umi og̃uahẽva hendápe ojeroviava’erã Ñanderuete oĩha, ha Ha’e ohepyme’ẽtaha umi ohekávape ichupe.
Ha pembo’e ichupekuéra ojapo hag̃ua opaite mba’e Che ha’eva’ekue peẽme pejapo hag̃ua. Ha peikuaa porãke, Che aĩha penendive opaite ára opa peve ko ára atyguasu (ko múndo).
Ore roha’ãrõ Ñanderuete omoñepyrũva’ekue pe tembiapo iporãva pendepype, Ha’e voi penemog̃uahẽtaha hu’ãme, Hesu Crísto ou jevyha árape.
Ñanderuete hi’ag̃ui umi ohasa asývagui, ha oipytyvõ umi oñembyasývape ojapo vai haguére.
Nde reme’ẽmba che remikotevẽ che sy rye guive, Nde voi cherenohẽva’ekue che sy ryepýgui, upévare che romomba’eguasu tapiaite.
Aníkena ñanekane’õ jajapo hag̃ua ñane rembiapo iporãva, hi’árape ñamono’õva’erã, katuete nañaneate’ỹi ramo.
Peẽ ta’yrakuéra ha tajyrakuéra peneñe’ẽrenduva’erã pende rúpe ha pende sýpe Ñanderuete oipota háicha. Péva ningo mba’e heko peguáva peteĩ mitãme g̃uarã. Peñemokyre’ỹke Ñanderuete pu’akaguasu rupi, peẽ penembarete hag̃ua. Peiporu hekópe Ñanderuete ñorãirõ rembiporukuéra peñemoĩ hag̃ua Satana rehe, ha’e pende reitységui iñuhãme. Ñande ningo nañañorãirõi tuguy ha to’o ndive (ñande rapicha ndive), ñande ñañorãirõ uvei umi mburuvichaguasu yvategua ndive (Satana ndive), umi mburuvichaguasu hesaitéva ndive, umi oisãmbyhýva ko múndo pytũ meguápe, umi pytu ñaña mba’epochy yvága pegua ndive. Upévare peiporu porãke opaite Ñanderuete ñorãirõ rembiporukuéra peẽ ikatu hag̃ua peropu’akapa, og̃uahẽ ramo pe ára vai ha Satana pende reityse ramo iñuhãme. Upévare peñembosako’i porãke, peñembo’y hatãkena ha pejeku’a jopy porãke, kóva he’ise peñemboykeva’erã pe japúgui ha pejeva’erã pe añetegua; ha peñemonde pe camisa hierroguiguávape, kóva he’ise peñemboheko potĩve pehóvo. Pemonde pende py rehegua, kóva he’ise pemombe’uva’erãha Ñanderuete ñe’ẽ porãite (evangélio), ha pejapyhy pe tete mo’ãha, kóva he’ise pejerovia hatãke Hesu Crísto rehe pemboguepa hag̃ua Satana hu’y rendyeta. Pejapyhy avei pene akã mo’ãha, kóva he’ise pejejokóke pende salvacionrã rehe, ha pejapyhy pe kyse puku, kóva he’ise peñemo’ã ha pendyry Ñanderuete ñe’ẽ (Bíblia) reheve umi oñemoĩvare penderehe. Peñembo’e tapiákena pe Pytu Porãmbáva oipota háicha, aníke pendepy’a kangy, pejerurepeína pene ñembo’épe opaite Hesu Crísto reheguáva rehe. Ha peñembo’e avei cherehe, oñeme’ẽ hag̃ua chéve pe ñe’ẽ heko peguáva, ha aipe’a ramo che juru tamyasãi hag̃ua akyhyje’ỹre pe evangélio umi oikuaa’ỹvape. Emomba’e nde ru ha nde sýpe, péva ningo pe tembiapoukapy peteĩha oñeme’ẽmava promésa reheve; Upevarã che aĩ cárcelpe amombe’u hag̃ua Ñanderuete ñe’ẽ akyhyje’ỹre. Peẽ peikuaa hag̃ua mba’éichapa che aiko’aína, Tíquico, che hermáno ahayhúva ha Hesu Crísto remimondo heko peguáva, omombe’upáta peẽme peikuaaséva. Ichupe amondo pene rendápe, peikuaa hag̃ua mba’éichapa ore rohasaroína, ha’e penemoangapyhy hag̃ua. Ñandejára Ñanderuete ha Ñandejára Hesu Crísto tome’ẽ peẽme py’aguapy, mborayhu ha jerovia. Ha Ñanderuete py’aporã (grácia) toĩ tapia penendive, pehayhu guive Ñandejára Hesu Crístope. oho porã hag̃ua ndéve, ha reikove puku hag̃ua ko yvy ape ári, (Éxodo 20,12).
Iporãmba ningo opaite mba’e Ñanderuete ojapóva guive, ha mba’eve ndaivaíri oje’u ramo agradecimiénto reheve,
Ñande ñañeñotỹmava’ekue Crísto ndive pe bautísmo rupi iñemanóme, ha Ñanderuete pu’aka omoingove jevy haguéicha Hesu Crísto omanóva apytégui, upeichaite Ha’e oipota ñande jaikoveñaína (tapia g̃uarã) Pytu Porãmbáva pu’aka poguýpe.
Ñanderuete ome’ẽ ipu’aka hetãme g̃uarã, Ñanderuete ohovasa hetãme ipy’aguapy reheve.
Nde, che Ruete, remboheta hetave umi mba’e techapyrãva ha Nde rejepy’amongeta porã orendive g̃uarã, Ndeichagua ndaipóri ambue. Che añemoĩ ramo amombe’u ha añe’ẽ hag̃ua opaite mba’e rejapova’ekue rehe, ndaikatúi amombe’upa (che rekove pukukuépe), hetaitereígui.
Angái, angái upe he’íva itúvape: Mba’upe piko reñembota’ýrara’e. Ha isýpe he’i: Mba’upe piko nemembýra’e.
Peju che rendápe opaite peẽ peñeha’ãmbáva pehupity hag̃ua pe tekove tapia g̃uarãva, ha ani peẽ voi peñeha’ã reive pepoi hag̃ua pene angaipa cárga pendejopývagui. Chémante ikatu pomombytu’u porã.
Ñande jaguerekógui ñande jerekuévo ku araícha heta techahare ojeroviaitéva, upévare jaipe’a ñandejehegui opaite mba’e ñandejopýva ha ñandejokoséva, ha avei pe angaipa ñanemoñuhãséva, ha ñañani paciéncia reheve pe carréra oñemoĩva ñane renonderãme. Umíva ningo mbovy ára ñandehavira hi’ã háichante ichupekuéra, kóva katu ñanerekombo’e ha ñandehavira ñande reko iporãve hag̃ua ha ñande reko ojoguave hag̃ua Hesu Crísto reko porãme. Añetehápe opaichagua jehavira jahasa asy aja, nañanembovy’amo’ãi, hasy uvei; upéi katu hi’a justícia ha py’aguapy, umi ojepokuaávape g̃uarã. Upévare pemombarete jevy pende jyva ikane’õva ha pene renypy’ã ikangýva. Pemyatyrõ pende rape ikarẽva, ani hag̃ua pende pykuéra ikaráu, tokuera uvei. Peñeha’ãke peiko hag̃ua py’aguapýpe opavave ndive ha peñemboheko porã, ko’ãva’ỹre avave ndohechamo’ãi Hesu Crístope, ha peñangareko porãke ani hag̃ua avave pende apytépe omboyke Ñanderuete mborayhu ni ijopói (Hesu Crísto) ha péva ojehúta peiko ramo py’arópe pende rapicha ndive, koichagua teko ningo penemongy’a ha penemyangekõi ha ováta heta hapicha rehe. Anítei oime pende apytépe peteĩ opoíva Ñanderuetégui, ojehu haguéicha Esau ndive; okaru porã hag̃uánte ha’e, ovende ta’ýra ypykue reko, (Génesis 25,31). Peikuaa voi ningo uperire, Esau ohupityse hague avei itúva jehovasa, itúva katu ombotove ichupe. Heta tesay reheve oheka itúva ohovasa peve ichupe avei; pe jehovasa iporãvéva katu oñeme’ẽmba jepéma, (Jacóbope). Peẽ napeñembojaiva’ekue pe cérro rehe (Israelguakuéraicha), ikatúva rehe ojepoko oĩháme tata hendýva, arai hũetéva, pytũmby ha yvytu jepoka. Ha napehendúi avei pe turu (trompéta) pu ni Ñanderuete ñe’ẽ. Upéramo Israelguakuéra ojerure asy anive hag̃ua Ha’e oñe’ẽ ichupekuéra. Ha ñama’ẽ Hesu rehe, Ha’e voi ñande jerovia apohare, hendive ñañepyrũ jajerovia ha hendive ñag̃uahẽ ñande jerovia ru’ãme. Hesu oha’ãrõ pe vy’a outavahína ichupe g̃uarã, upévare Ha’e ohasa asy ha omano ikurusúre otĩ’ỹre. Ha ko’ág̃a Ha’e oguapyhína Ñanderuete yke akatúape.
Ñanderuete toiko ore Jaratee ramo opaite árape g̃uarã, Ha’e ñanesãmbyhyva’erã pe ñemano amo gotyove g̃uarãgui jepeve.
Peẽ katu pe tetã poravopyre, peteĩ tetã heko potĩmava, Ñanderuete ohenoimava’ekue pytũmbýgui peiko hag̃ua hesape porãitépe, pemyasãi hag̃ua ipa’ikuéra ramo Ñanderuete rembiapo tuichaitéva, (Éxodo 19,6).
Ñanderuete katu oiporiahuvereko jevýma, ha operdona hembiapo vaikuéra ha nohundiséi ichupekuéra, Ha’e omboyke jevy jey ipochy ha ipy’aro.
Che katu aikuaa Ñanderuete chepytyvõtaha, Ha’e katuete oñangarekohína che rekove rehe.
Jaikuaa porã ningo opaite mba’e ojehúva guive Ñanderuete ra’y ha itajyrakuéra rekovépe, oipytyvõ porãtaha ichupekuéra (oñemboheko porãmive hag̃ua ohóvo), umi Ha’e ohenóimavape yma guive ita’ýra ha itajýra ramo.
Noñeme’ẽi piko 5 guyra’i mokõi monéda rehe, upéicharamo jepe Ñanderuete ndahesaráiri ni peteĩmígui jepe ijapytégui. Opaite pene akã rague jepe ojepapáma, upévare ani pekyhyje, peẽ pende repyve (pevaleve) heta guyra’ígui.
Mba’érehe piko nde che ánga nekangy, ha mba’érehe piko rekyhyjereína chepype. Ejerovia Ñanderuete rehe. Amomba’eguasu jevýta ichupe, Nde ningo che pytyvõhára ha che Jarateetéva.
Che añembokurusúmagui Hesu Crísto ndive, ndaikovéima che, Hesu Crísto oikógui chepype. Che aikove ramojepe che ro’ópe, aikove che jerovia rupi Ñanderuete Ra’y rehe, Ha’e cherayhúgui ha oñeme’ẽmava’ekue che aikove hag̃ua Ha’érupi.
Ichupekuéra Ñanderuete oikuaaukase mba’épa ko mba’e ñemi he’ise: Heko jajaipa ituicha ha iporãitéva ningo Hesu Crísto voi tetãnguérape g̃uarã, ha Ha’e pende esperánza pehupity hag̃ua avei heko jajaipa.
Oñemoherakuã ramo mba’evai ndokyhyjemo’ãi, ojeroviágui ipy’aite guive Ñanderuete rehe.
Tuichaite ningo ne mborayhu reguerekóva umi ndehegui okyhyjévape g̃uarã, ha rehechaukáva umi nderehe ojeroviávape opavave renondépe.
Ñanderuete ñanemo’ã porã ha kuarahýicha ñanderesape. Jeporiahuvereko ha terakuã porã Ñanderuete ome’ẽkuaa. Ha umi heko potĩvape Ha’e ohovasava’erã.
Aguata ramojepe ka’aguy iñypytũha rupi ndakyhyjemo’ãi mba’eveichagua mba’evaígui, Nde repytágui chendive ha nde yvyra po’i ha nde yvyra puku chemoangapyhy.
Ojekutu ichupe ñane rembiapo vai rupi ha oñenupã vaipa ichupe Ha’e oñemoangaipa haguére ñane rendaguépe, Ñanderuete ohavira ichupe ñande jahupity hag̃ua ipy’aguapy, ijekutukue rupi ñande jakuera hag̃ua avei umi mba’e rupi.
Peikuaa porãke, Ñanderuete, che Jára chesalvataha; ajerovia hese ha ndakyhyjemo’ãi; Ha’e chemombarete, upévare apurahéita ichupe g̃uarã, Ha’e chesalvágui.
Pe mborayhu añetegua oha’arõkuaa, ipy’a porã, pe mborayhu noñemohakate’ỹi, pe mborayhu noñembotuichái ni ndojererovúi, pe mborayhu naitie’ỹi (ndojapói mba’e iky’áva), ndohekái imba’évante, ndaipochýiri, ndaipy’a rasýi avave ndive, ndovy’ái ohendúvo hapicha oikoha hekope’ỹ, ovy’a añetegua reheve uvei. Pe mborayhu añeteguáva ogueropu’aka opaite mba’e ha opaite mba’e oguerovia, opaite mba’e oha’ãrõ ha ogueropu’akapa.
Upévare Che ha’e peẽme: Ani pejepy’apy pene rembi’urã rehe térã pemboy’uva’erã rehe, térã peẽ pemondeva’erã rehe; ndaituichavéi mba’e piko ñande rekove, tembi’úgui; térã ñande rete aógui. Pema’ẽna umi guyra ovevéva ára rehe, ha’ekuéra noñemitỹi ni nomono’õi mba’e ra’ỹinguéra iñongatuhápe, upeichavéramo jepe pende Ruete, yvágape oĩva, omongaru ichupekuéra. Ha peẽ ningo mba’eguasuve ichuguikuéra.
Eñangarekomína cherehe, Nde, che Ruete, ajeroviágui nderehe. Nderehejamo’ãi che ánga omanómava retãme, ha nderehejamo’ãi umi ojeroviáva nderehe oñehundi hag̃ua. Rehechaukáta chéve pe tekove rape, nde ypýpe oĩ vy’a añetetéva, ha péva ndopamo’ãi araka’eve. Che ánga he’íma Ñanderuetépe: Nde, che Jára, ndeichagua ndaipóri.
Jaiko mbaretépe ñande jeroviápe ñamyi’ỹre, Ñanderuete katuete ojapopava’erã he’imava’ekue guive,
Ñanderuete ningo ipu’aka omboheta hag̃ua opaichagua temime’ẽ pende rekovépe, peẽ peguereko hag̃ua peikotevẽva guive ha peipytyvõkuaa hag̃ua pende rapichakuérape,