Seanfhocal 17:7 - An Bíobla Naofa 1981

⁷ Ní oireann béal soilbhir don bhaoth, ach is lú ná sin a oireann éitheach don phrionsa.

An Bíobla Naomhtha 1817 (Bedell)

⁷ Ní hiomchubhaidh damadán glór dearsgnuigh: is lugha ná sin puisinigh bréagacha do phrionnsa.

Seanfhocal 17:7 Tagairtí Cros

2 Samúéil 23:3

Labhair Dia Iacóib agus dúirt Carraig Iosrael liom: An té a rialaíonn daoine leis an gceart, agus a bhfuil eagla Dé air ag rialú dó,

Iób 34:12

Is léir nach ndéanfaidh Dia éagóir, Agus ní chlaonann an tUilechumhachtach an bhreith;

Salm 31:18

Nár náirítear mé, a Thiarna, toisc go nglaoim ort; go gcuirtear náire ar na hurchóidigh. Go gcuirtear ina dtost san uaigh iad;

Seanfhocal 12:19

Maireann beola fírinneacha go brách; ach is gairid é saol na teanga bréagaí.

Seanfhocal 12:22

Is fuath leis an Tiarna beola an éithigh; ach is gean leis lucht labhartha na fírinne.

Seanfhocal 19:10

Ní cuí don amadán maireachtáil i sócamas, agus is lú ná sin is cuí do dhaor bheith i gceannas ar fhlatha.

Seanfhocal 24:7

Tá an eagna ró-ard don amadán agus ní bhíonn smid as ag geata na cathrach.

Seanfhocal 26:1

Ní oireann sneachta don samhradh, ná báisteach don fhómhar, agus ní mó ná sin a oireann onóir don amadán.

Seanfhocal 26:7

Chomh guagach le cosa an bhacaigh ar sileadh leis gan tairbhe, sin mar atá seanfhocal i mbéal na n‑amadán.

Seanfhocal 29:12

Má éisteann rialtóir le héitheach, beidh a fheidhmeannaigh uile ina ropairí.

Seanfhocal 6:17

Súil an uabhair, teanga an éithigh, lámha a dhoirt fuil neamhchiontach,

Matha 7:5

A bhréagchráifigh, bain ar dtús an tsail as do shúil féin, agus ansin is fearrde a fheicfidh tú an cáithnín a bhaint as súil do bhráthar.