Seanfhocal 15:5 - An Bíobla Naofa 1981

⁵ Bíonn drochmheas ag an amadán ar theagasc a athar, ach is gaoismhear é an té a ghlacann le ceartú.

An Bíobla Naomhtha 1817 (Bedell)

⁵ Tarcuisnigh amadán teagasg ón athair: acht is eagnuidhe an té bheir aire do smacht.

Seanfhocal 15:5 Tagairtí Cros

1 Croinicí 28:20

Ansin dúirt Dáiví le Solamh a mhac: “Bí daingean teann agus tabhair faoin obair. Ná bíodh eagla ort! Bíodh misneach agat mar tá an Tiarna Dia, mo Dhia-sa, le d'ais. Ní theipfidh seisean ort ná ní thréigfidh sé thú nó go mbeidh an saothar go léir atá le déanamh do theach an Tiarna curtha i gcrích!

1 Croinicí 28:9

Agus tusa, a Sholaimh, a mhic, cuir aithne ar Dhia d'athar; tabhair seirbhís dó ó do chroí go hiomlán agus ó d'aigne go hiomlán; óir scrúdaíonn an Tiarna gach croí agus is eol dó gach beartas agus gach smaoineamh. Má lorgaíonn tú é, ligfidh sé duit é a fháil, ach má dhéanann tú é a thréigean, caithfidh sé i leataobh thú go brách.

Salm 141:5

Má bhuaileann an fíréan mé is le barr cineáltais é; má thugann sé casaoid dom, is ola do mo cheann é. Ach maidir le lucht an oilc, bím ag urnaí i gcónaí, bíonn m'urnaí i gcónaí in aghaidh a ndrochbheart.

Seanfhocal 1:23

Tugaigí aird ar mo rabhadh; déanfaidh mé smaointe mo chroí a roinnt libh, agus mo theachtaireacht a chur in bhur láthair.

Seanfhocal 1:7

Tús na heagna eagla Dé; is beag ar na hamadáin an eagna agus an teagasc.

Seanfhocal 10:1

Cuireann mac eagnaí gliondar ar a athair; ach cúis bhróin dá mháthair amadán mic.

Seanfhocal 13:1

Tugann an mac eagnaí [grá] do smacht a athar; ach ní éisteann fear na fonóide le ceartú.

Seanfhocal 13:18

Bochtaine agus tarcaisne atá i ndán don té a chuireann suas don smacht, ach onóir don té a ghlacann le ceartú.

Seanfhocal 15:4

Crann beatha í teanga shéimh, ach briseann an urchóid inti an croí.

Seanfhocal 15:6

Tá mórán maoine i dteach an fhíréin, ach leanann buairt cnuasach an choirpigh.

Seanfhocal 19:20

Tabhair cluas do chomhairle, agus glac le teagasc, le go mbeadh breis gaoise agat as seo amach.

Seanfhocal 25:12

Fáinne óir nó ornáid d'ór fíre, sin mar atá ceartú críonna i gcluais a éisteann.

Seanfhocal 6:23

Is lóchrann í an aithne seo agus is solas é an teagasc; is modh beatha an ceartú agus an smacht,

Títeas 1:13

Agus is fíor an fhianaise í sin. Déansa iad a cheartú go géar, dá bhrí sin, i dtreo go mbeidh an creideamh folláin acu

Títeas 2:15

Abair an méid sin leo; spreag agus ceartaigh iad le lánúdarás. Agus ná lig do dhuine ar bith tú a dhíspeagadh.