Seanfhocal 10:12 - An Bíobla Naofa 1981

¹² Gineann fuath achrann, ach cuireann an grá brat thar gach cóir.

An Bíobla Naomhtha 1817 (Bedell)

¹² Dúisgidh an fúath imreasuin: acht folchuidh an grádh na huile chionta.

Seanfhocal 10:12 Tagairtí Cros

Seanfhocal 15:18

Adhnann an duine lasánta achrann, ach réitíonn an duine sochma aighneas.

Seanfhocal 16:27

Beartaíonn an t‑alfraits olc, agus is cuma nó tine loiscneach briathra a bhéil.

Seanfhocal 17:9

An té a mhaitheann coir, spreagann sé grá; ach an té thagraíonn arís di, cuireann sé cairde in earraid.

Seanfhocal 28:25

Spreagann an santach achrainn; an té a bhfuil a mhuinín aige as an Tiarna, beidh an rath air.

Seanfhocal 29:22

Adhnann an fear drochmhianaigh achrann, agus is cúis mhór peaca fear na feirge.

Seanfhocal 30:33

Óir déantar cuigeann le maistriú, tagann fuil as an tsrón nuair a bhrúitear í, agus tagann aighneas as an bhfearg nuair a adhntar í.

Séamas 4:1

Cad faoi deara cogaí agus cathanna a bheith in bhur measc? Nach é seo, go bhfuil bhur n‑ainmhianta ag troid le chéile in bhur mbaill bheatha?

Séamas 5:20

bíodh a fhios aige, an té a chasfaidh peacach ar ais óna sheachrán slí, go sábhálfaidh sé a anam ón mbás, agus go ndéanfaidh sé a lán peacaí a chlúdach as radharc.

1 Peadar 4:8

Thar aon ní eile bíodh grá buan agaibh dá chéile óir clúdaíonn grá a lán peacaí.