Iób 2:7 - An Bíobla Naofa 1981

⁷ Agus d'imigh an Sátan amach ó láthair an Tiarna agus bhuail sé Iób le neascóid ghangaideach ó bhonn a choise go baithis a chinn.

An Bíobla Naomhtha 1817 (Bedell)

⁷ ¶ Annsin do chúaidh Sátan amach ó lathair an TIGHEARNA, agus do bhúail sé Iób le neascóidighibh doilghe ó bhonn a choise go baithis a chinn.

Iób 2:7 Tagairtí Cros

2 Samúéil 14:25

Ní raibh oiread agus duine in Iosrael le moladh de bharr a scéimhe an oiread le hAibseálóm; ní raibh máchail air ó mhullach a chinn go bonn a choise.

1 Ríthe 22:22

‘Imeoidh mé agus beidh mé i mo spiorad éithigh i mbéal a fháithe go léir.’ ‘Meallfaidh tú é,’ arsa an Tiarna, ‘rithfidh leat. Téigh agus déan é.’

Iób 1:11

Sín amach do lámh, más ea, agus leag í ar a bhfuil aige, agus is deimhin go ndéanfaidh sé thú a mhaslú le do bhéal.”

Iób 13:28

[Tá mo shaol] go léir ag creimeadh mar chríonach, mar bhrat ite ag leamhain.

Iób 2:6

Agus dúirt an Tiarna leis an Sátan: “Féach! tá sé faoi do chumhacht; ach caomhnaigh a anam, sin uile!”

Iób 30:30

Dhúigh mo chraiceann orm Agus tá mo chnámha á loscadh ag fiabhras.

Iób 7:5

Tá míola ag snámh ar mo chorp agus salachar ina bhrat air; Tá mo chraiceann ag scoilteadh agus ag leá leis.

Íseáia 1:6

ó bhonn na gcos go baithis, níl ball folláin ann: créachtaí, fearbacha, cneánna oscailte nach ndeachaigh bréid ná ceangal orthu, ná cógais ola.

Íseáia 3:17

Fágfaidh an Tiarna a gcloigeann gearbach agus a náire tarnocht.”

Deotranaimí 28:27

Buailfidh an Tiarna thú le neascóidí na hÉigipte, le hothras, le méirscrí agus le tochas, gan leigheas agat dóibh.

Deotranaimí 28:35

Buailfidh an Tiarna thú ar na glúine agus ar na cosa le neascóidí nach mbeidh leigheas le fáil agat orthu, ó bhonn do choise go baithis do chinn.

Apacailipsis (Taispeántadh) 16:11

agus mhaslaigh siad Dia na bhflaitheas de bharr a bpianta agus a neascóidí ach ní dhearna siad aithrí ina n‑oibreacha.