Cóheilit 1:11 - An Bíobla Naofa 1981

¹¹ Ní chuimhnítear anois ar na glúine a bhí ann fadó; ná ní bheidh cuimhne ar na glúine atá le teacht ag na glúine a thiocfaidh ina ndiaidh.

An Bíobla Naomhtha 1817 (Bedell)

¹¹ Ní bhí cuimhne ar bith ar na seinneithibh; ní mó bhías cuimhne ar na neithibh atá ag teacht ag an dream thiucfas na ndiaigh.

Cóheilit 1:11 Tagairtí Cros

Salm 9:6

Lochtaigh tú na ciníocha, dhamnaigh tú na héagráifigh; scrios tú a n‑ainm go brách na breithe.

Cóheilit 1:10

Fiú amháin an ní a ndeirtear faoi: “Féach, is rud nua é seo,” bhí sé ann romhainn anallód.

Cóheilit 2:16

Arsa mise liom féin mar sin: “Más í cinniúint an daoi mo chinniúntse freisin, cad chuige go mbeinnse chomh heagnaí sin ar fad? Cén tairbhe dom é?” Agus is é a dúirt mé: “Baois is ea é seo chomh maith.

Cóheilit 8:10

Ansin chonaic mé lucht míghníomha á gcur le barr toirtéise: agus nuair a thagadh na daoine ón áit naofa, mholtaí an lucht mí-ghníomha sa chathair mar a ndearna siad a ndrochbhearta. Baois is ea é seo go deimhin.

Cóheilit 9:5

Dar ndóigh, is eol do na beo go bhfaighidh siad bás, ach níl eolas dá laghad ag na mairbh, agus ní mó ná sin atá luach saothair ar bith ann dóibh a thuilleadh, mar tá a gcuimhne imithe i ndearmad ar fad.

Íseáia 42:9

Na fáistiní túis, seo tagtha chun críche iad. Anois tá rudaí úra á bhfoilsiú agam; sula dtagann siad i ngeamhar, tá siad á bhfógairt agam.