2 Samúéil 20:22 - An Bíobla Naofa 1981

²² Chuaigh an bhean [ar ais isteach sa chathair agus labhair] le barr céille leis an bpobal go léir. Bhaineadar an ceann de Sheaba mac Bhicrí agus chaitheadar amach go Ióáb é. Shéid seisean an stoc ansin agus scaipeadar leo ón gcathair, gach duine chun a bhaile féin.

An Bíobla Naomhtha 1817 (Bedell)

²² Ann sin do chúaidh an bhean mar a raibh an pobal uile iona gliocus. Agus do bheanadar a chéann do Shéba mhac Bichri, agus do theilgeadar amach chum Ióab é. Agus do shéid seision stoc, agus dfilleadar ón chathruigh gach éanduine dhá thigh féin. Agus dfill Ióab go Hierusalem chum an rígh.

2 Samúéil 20:22 Tagairtí Cros

2 Samúéil 18:16

Ansin shéid Ióáb an stoc agus d'fhill na saighdiúirí ar ais ón tóir ar Iosrael mar gur choisc Ióáb iad.

2 Samúéil 18:17

Thógadar Aibseálóm leo agus chaitheadar síos isteach i bpoll mór san fhoraois é agus thógadar carn mór os a leacht. Agus theith Iosrael go léir, gach duine chun a bhaile féin.

2 Samúéil 2:28

Ansin shéid Ióáb a stoc agus stad na saighdiúirí go léir gan dul sa tóir ar Iosrael a thuilleadh ná troid leo.

2 Samúéil 20:1

Tharla go raibh ropaire ansiúd darbh ainm Seaba mac Bhicrí, Biniáimineach; shéid sé an stoc agus dúirt: “Níl cuid againn i nDáiví, Níl oidhreacht againn i mac Ieise; téadh cách chun a bhotha, a Iosrael.”

2 Samúéil 20:16

Ansin ghlaoigh bean chiallmhar ón gcathair á rá: “Éistigí, éistigí! Abraigí le Ióáb: ‘Tar i leith go labhróidh mé leat.’ ”

Cóheilit 7:19

De bharr a chuid eagna is láidre an t‑eagnaí ná deichniúr rialtóir cathrach.

Cóheilit 8:11

Is é an chúis a spreagtar an duine chun olc a dhéanamh, toisc nach gcuirtear daorbhreith i gcrích go luath ar dhrochbhearta;