1 Samúéil 28:1 - An Bíobla Naofa 1981

¹ Chuir na Filistínigh tionól ar a sluaite sna laethanta úd chun dul chun catha le hIosrael. Agus dúirt Áicís le Dáiví: “Bíodh a fhios agat go rachaidh tusa freisin agus do chuid fear ar an slógadh liom.”

An Bíobla Naomhtha 1817 (Bedell)

¹ Agus tárla an sna láethibhsin, gur chruinuigh na Philistínigh a slóighthe a gcionn a cheile chum cogaidh, agus do throid re Hisrael. Agus a dubhairt Achis re Dáibhi, Bíodh a fhíos agad go deimhin, go racha tú amach liomsa chum catha, thú féin agus do mhuinntir.

1 Samúéil 28:1 Tagairtí Cros

1 Samúéil 13:5

Thionóil na Filistínigh tríocha míle carbad, sé mhíle marcach, agus slua chomh líonmhar le gaineamh na trá chun troda in aghaidh Iosrael. Thángadar aníos agus shuíodar a gcampa i Micmeáis lastoir de Bhéit Ávan.

1 Samúéil 17:1

Chuir na Filistínigh tionól ar a sluaite chun catha; chruinníodar le chéile i Sócó, baile in Iúdá, agus shuíodar a gcampa idir Sócó agus Azaecá in Eifis Daimím.

1 Samúéil 27:12

Bhí muinín ag Áicís as Dáiví; “Tá fuath agus gráin a mhuintire féin, Iosrael, tuillte aige dó féin,” a mheas sé, “agus beidh sé ina shearbhónta agam go brách.”

1 Samúéil 31:1

Chuir na Filistínigh cath ar Iosrael agus theith sluaite Iosrael ó na Filistínigh agus imríodh ár orthu ar Shliabh Ghiolboa.

1 Samúéil 7:7

Nuair a chuala na Filistínigh go raibh clann Iosrael cruinnithe i Mizpeá, chuaigh flatha na bhFilistíneach suas in aghaidh Iosrael. Nuair a chuala clann Iosrael é sin tháinig eagla orthu roimh na Filistínigh.