1 Samúéil 1:3 - An Bíobla Naofa 1981

³ Théadh an fear seo suas gach bliain as a chathair féin chun adhradh agus chun íobairt a ofráil do Thiarna na Slua i Sileo. Bhí beirt mhac Éilí, Hofnaí agus Píneachás, mar shagairt leis an Tiarna ansiúd.

An Bíobla Naomhtha 1817 (Bedell)

³ Agus do thiagh an fearsa súas as a chathruigh féin gacha bliadhna dadhradh agus do dhéanamh íodhbartha do Dhía na slúagh a Síloh. Agus dob íad dís mac Elí, Hophni agus Phineas, bá sagairt an TIGHEARNA ann sin.

1 Samúéil 1:3 Tagairtí Cros

Salm 78:60

Thréig sé a phailliún i Sileo mar a raibh cónaí air i measc na ndaoine.

Eaxodus 23:14

Beidh féilte agat trí huaire sa bhliain i m'onóir.

Eaxodus 23:17

Trí huaire sa bhliain, caithfidh do chuid fear uile teacht i láthair an Tiarna Dia.

Eaxodus 34:23

Tagadh do chlann mhac uile i láthair an Tiarna Dia, Dia Iosrael, trí huaire sa bhliain.

Lúcás 2:41

Théadh a thuismitheoirí gach bliain go hIarúsailéim i gcoir féile na Cásca.

Deotranaimí 16:16

“Tagadh do chuid fear go léir trí huaire sa bhliain i láthair an Tiarna do Dhia san áit a thoghfaidh sé: ar fhéile an tSlimaráin, ar fhéile na Seachtainí, agus ar fhéile na dTaibearnacal. Ná tagaidís folamh i láthair an Tiarna,

Iósua 18:1

Chruinnigh tionól phobal uile Iosrael le chéile ag Sileo agus cóiríodh Both na Teagmhála ansiúd dóibh; bhí an tír uile faoina smacht agus faoina réir.

Breithiúna 18:31

An íomhá ghreanta a rinne Míceá chuireadar i scrín dóibh féin í agus d'fhan sí ansiúd fad a bhí teach Dé i Sileo.

Breithiúna 21:19

“Ach, féach!” ar siad, “tá féile leis an Tiarna a chomórtar gach bliain i Sileo.” (Tá an baile seo lastuaidh de Bhéitéil, soir ón mórbhóthar a ghabhann ó Bhéiteil go Seicim, agus ó dheas ó Labóná.)

1 Samúéil 1:21

An bhliain dár gcíonn ghabh Ealcáná agus a chlann go léir suas chun an íobairt bhliantúil a ofráil don Tiarna agus a mhóid a chomhlíonadh don Tiarna.

1 Samúéil 1:9

Nuair a bhí bia agus deoch caite acu i Sileo, d'éirigh Hanná agus sheas sí os comhair an Tiarna. Bhí Éilí an sagart ina shuí ina chathaoir láimh le hursain theampall an Tiarna.

1 Samúéil 14:3

Bhí Aichíá mac Aichiteob, deartháir Í Cávód, mac Phíneachás, mac Éilí, sagart an Tiarna i Sileo, ann agus an t‑éafód á chaitheamh aige. Ní raibh a fhios ag an slua go raibh Iónátán imithe.

1 Samúéil 2:19

Dhéanadh a mháthair cóta beag dó gach bliain agus thugadh sí chuige é nuair a thagadh sí aníos lena fear chun an íobairt bhliantúil a ofráil.

1 Samúéil 2:34

Bíodh an íde a imeoidh ar do bheirt mac, Hofnaí agus Píneachás, mar chomhartha agat; gheobhaidh siad araon bás an lá céanna.

1 Samúéil 3:13

Ní foláir duit a insint dó go bhfuil a theaghlach á dhaoradh agam go brách, mar go raibh fios an oilc aige go raibh a chlann ag aithsiú Dé agus nár cheartaigh sé iad.

1 Samúéil 4:11

Gabhadh áirc Dé freisin agus maraíodh Hofnaí agus Píneachás.

1 Samúéil 4:4

Uime sin chuir na daoine fios go Sileo agus thugadar leo ón áit sin áirc chonradh Thiarna na Slua, an té atá suite ar na ceiribíní; agus tháinig beirt mhac Éilí, Hofnaí agus Píneachás in éineacht le háirc chonradh Dé.