Salm 67 - An Bíobla Naofa 1981

Buíochas le Dia as ucht an Fhómhair

¹ Do stiúrthóir an chóir. Ar théada ceoil. Salm. Amhrán.

² Bí trócaireach linn, a Thiarna, agus beannaigh sinn; taispeáin dúinn solas do ghnúise.

³ Chun go n‑aithneofaí do shlí ar talamh agus do shlánú i measc na náisiún go léir.

⁴ Go mola na ciníocha thú, a Dhia; go mola na ciníocha go léir thú.

⁵ Go ndéana na náisiúin lúcháir agus gairdeas toisc go rialaíonn tú an domhan le fíréantacht, [Rialaíonn tú na ciníocha le cothromas]; treoraíonn tú na náisiúin ar talamh. Selah

⁶ Go mola na ciníocha thú, a Dhia; go mola na ciníocha go léir thú.

⁷ Thug an talamh a thoradh uaidh go flúirseach; agus chuir Dia, ár nDia, a bheannacht orainn.

⁸ Go mbeannaí ár nDia i gcónaí sinn agus gurab eagal le críocha na cruinne é!